Nehemiya 8:6 - Bhibhiliya Nya Guage

⁶ Ezira a di dhumisa Pfhumu Nungungulu, Nungungulu nya khongolo; vathu vatshavbo va hakha, khavo: “Amen! Amen!” Na va gu khusedza mandza; va di nogisa dzithamo va khozela Pfhumu Nungungulu, dzikhovbe dzawe na dzi tsitside vbavbatshi.

Nehemiya 8:6 Iomraidhean Croise

Genesi 14:22

Abrama a di hakha, khuye: Nyi ngu sambanya na nyi gu khusedza mandza yangu ga Pfhumu Nungungulu a khusegidego ngudzu, muvangi nya ndzadzi ni mafu,

Genesi 24:26

Khavbo avbo, mwama wule a di noga a khidzima a lombelela mbeli ga Pfhumu Nungungulu,

1 Dzikoronika 16:36

A na bongwe Pfhumu Nungungulu wa Israyeli, khu gupindruga ni gupindruga!” Khavbo avbo, vathu vatshavbo va di khavo: Amen! Va dhumisa Pfhumu Nungungulu.

1 Dzikoronika 29:10

Khavbo avbo, Dhavhidhe a di rungudza Nungungulu, na gu wonwa khu tshangano watshavbo, khuye: U na bongwe Uwe Pfhumu Nungungulu wa babe wathu Israyeli, khu gupindruga ni gupindruga!

1 Dzikoronika 29:20

Khavbo avbo, Dhavhidhe a di embela tshangano watshavbo, khuye: “Olu dhumisani Pfhumu Nungungulu wanu!” Khavbo avbo, tshangano watshavbo wu di dhumisa Pfhumu Nungungulu wa vababe vawe, va noga va thega khu dzikhovbe mbeli ga Pfhumu Nungungulu ni ga mufumeli.

2 Dzikoronika 20:18

Khavbo avbo, Josafati, a di khidzima a thega khu khovbe mafuni; ni vatshavbo va na Judha ni vavbahi va Jerusalema, avo navo va di khidzima mbeli ga Pfhumu Nungungulu, va mu khozela.

2 Dzikoronika 29:10

Khidzo kharato, monyo wangu olu wu pimisago gu gira gidzumeledzwano ni Pfhumu Nungungulu wa Israyeli, gasi a ndreyise vbakari gwathu likhulo laye.

2 Dzikoronika 29:30

Khavbo avbo, mufumeli Ezekhiya, a di embela vakhongolo, ni va na Levhi, gukhuye va na rungudze Pfhumu Nungungulu, khu magana ya Dhavhidhe ni ya Asafe, mutuguli nya siwoniso. Va di rungudza na va tsakide, va nogisa dzithamo va khozela.

2 Dzikoronika 6:4

A ganela, khuye: “A na bongwe Pfhumu Nungungulu wa Israyeli, a ganedego abune ga babe wangu, Dhavhidhe, khu tshivba yaye a tadziside gitumbiso a giridego, khuye:”

Nehemiya 5:13

Nyi di ghubhuta kudzudzwane nya libhadzi langu, nyi ganela, kheni: “Nungungulu a na dzudze kharalo a mu dusa vbavbandze nya nyumba yaye, hwindzo ni silo saye, muthu watshavbo a na gumba tadzisa gifungo gegi. Tshangano watshavbo wu di ganela khuwo Amen. Va di rungudza Pfhumu Nungungulu, va gira kha nga idzo va nga sambanyago khidzo.

Nehemiya 8:7

Muthu ni muthu a di ema wulanga waye, na va gu tshamusedwa nayo khu Jesuwa, Bhani, Serebhiya, Jabini, Akube, Sabhetayi, Hodhasi, Mahaseya, Kelita, Azariya, Jozabhadhi, Hanani, Pelaya gumogo ni va na Levhi.

Dzindzimo 134:2

Khusedzani mandza yanu ma khedzisa wulangani nya guage, dhumisani Pfhumu Nungungulu.

Dzindzimo 141:2

Nombelo wangu wu na gwele kha nga libani li vbiswago mbeli gwago, mandza yangu ma na khugege iyo gwago kha nga phaso nya silambo.

Dzindzimo 28:2

Yingisa lito langu nya gudilele gikhati nyi lilago avbo gwago, gikhati nyi khusedzago mandza, Pfhumu Nungungulu nyi nonedze wulanga wago nya guage ngudzu.

Dzindzimo 41:13

A na bongwe Pfhumu Nungungulu wa Israyeli, gukhugela olu kala gupindruga! Amen ni amen!

Dzindzimo 63:4

Khu guralo, nyi na gu rungudza na nyi nga gu vbanya; matshigu yatshavbo nya guvbanye gwangu, nyi na khusedza mandza nyi gu bonga.

Dzindzimo 95:3

Kholu Pfhumu khuye Nungungulu nya khongolo; a ngu fumela vanungungulu vatshavbo a va pala khu wugulu.

Ekisodha 12:27

Enu mu na va hakhani, khenu: Phaso nya Phasika nya gurungudze Pfhumu Nungungulu a nga vbindrago mbeli nya dzinyumba dza sanana sa Israyeli tigoni ga Egipito, litshigu a nga mbembisa Vagipiti a gu vbanyisa dzindranga dzathu.” Khavbo avbo, vathu va di noga va khozela.

Ekisodha 4:31

Vathu va di khodwa. Avo na va pwide nya gupwani Pfhumu Nungungulu holede sanana sa na Israyeli, a gu wona gutshaniseka gwawe, va di noga va mu khozela.

Jeremiya 28:6

Khu guralo, muprofeti Jeremiya a di khuye: Amen! Si na girege; Pfhumu Nungungulu a na gire kha nga idzo a ganedego khidzo; a na tiyise Pfhumu Nungungulu magana yago, ayo u ma ganedego, Uye a na bweledze sombo satshavbo si phangidwego Nyumbani ga Pfhumu Nungungulu gumogo ni vathu vatshavbo va vbagedwego va yiswa wugumbini tigoni ga Bhabhiloni.

Gililo 3:41

Hi na khusedze monyo ni mandza yathu ga Nungungulu a guromo ndzadzini.

Levhi 9:24

Gu di duga nilo khu mbeli ga Pfhumu Nungungulu wu ngata tsagamisa nyama nya phaso nya guvbiswe ni mafura vbatshani nya giluvelo. Avbo va nga wona, vathu vatshavbo va di kulungela khu gunengela va noga va kuha vbavbatshi khu khovbe.

Matewu 26:39

Na leyide vbadugwana, a di khidzima a gu kuha vbavbatshi khu khovbe, a lomba, khuye: “Baba, gwa gu kodzega, nyi ndreyisele gikombe gegi nya wuvi gi vbindre avbo gwangu. Ambari ulo, gu nga giregi guhaladza gwangu; aholu, guhaladza gwago.”

Matewu 6:13

U nga hi digi hi gu thega mugusengwani, aholu hi vbulugise guvivbani.’ Khwago mufumo ni tshivba ni wudhumo kala gupindruga. Amen.

1 Vakorinto 14:16

Wa gu gira nombelo khu liphuvbo basi, oyu a guromo a gu yingisela a na kodza kharini gu hakha, khuye “Amen” guhegisani nya gubonge gwago, olu a ngamba si mana esi u nga ganelago.

Vaefeso 1:3

A na rungudzwe Nungungulu, Babe wa Pfhumu yathu Jesu Kristo, A hi kategisago khu makategwa yatshavbo ya Ndzadzini khu ga Kristo.

1 Thimoti 2:8

Khu kharato, nya gu vbweta vama vatshavbo va gira nombelo, ni wevbini wulanga, va khusedza mandza ma agidego nyambana likhulo ni wukhusu.

1 Pedro 1:3

A na rungudzwe Nungungulu, Babe wa Pfhumu yathu Jesu Kristo, khu lihaladzo laye nya likhongolo, a hi ningidego guvbanya nya guphya khu guwuga ga Pfhumu yathu Jesu Kristo khu ga vafudego. Khu guralo, myonyo yathu yi tade khu gutumba nya guvbanye.

Gutuledwa 7:11

Dzingilozi dzatshavbo dzi nga bani dzi randrede gikhalo nya wufumu, madhota ni sirengo sa sina, va di khidzima mbeli nya gikhalo nya wufumu va gu khozela Nungungulu, khavo: