Nehemiya 8:3 - Bhibhiliya Nya Guage

³ A di ema a li hevbula tendrelani wu nga bani wu romo vbafuvbi ni Mwanya nya Mati, gukhugela dzimindrudzile kala vbakari nya mihani, a di hevbulela vama ni vanyamayi ni vatshavbo avo va nga bani na vari ni tanga nya guyingise, vathu vatshavbo va di yingisa khu githawo Libhuku nya Nayo.

Nehemiya 8:3 Iomraidhean Croise

Nehemiya 10:29

Vambe vathu va diri vaphasi nya mhamba, va na Levhi, vawoneleli nya dzinyangwa, vaembeleli, vasayisi va Nyumbani ga Nungungulu ni vatshavbo vale va nga bani va dugela mayigwana ya vbafuvbi, vata namarela vbamilayotunu ya Nungungulu, ni gu vagadzi vawe ni sanana sawe nya sikhwathana nesi nya vanyamahegyane ni vatshavbo avo va nga bani na vari ni tanga nya guti ni gu pima.

Nehemiya 13:1

Khu litshigu lolo, gu di hevbuledwa vathu Libhuku nya Nayo wa Mosi; libhukuni momo gu di manega na gu lovidwe gupwani va na Amoni ni va na Mowabhi, va si beli gambe tshanganoni wa Nungungulu,

Nehemiya 8:1

Avbo li nga vbohago litshigu nya livbandre na mavili nya ngima nya livbandre na mina, va na Israyeli na vari madhoropani gwawe. Vathu vatshavbo va di tombana tandralani nya nyangwa yi ranwago gupwani nyangwa nya Mati, va lomba mulovi Ezira gu va resela libhuku nya Nayo wa Mosi, wu lovidwego khu Pfhumu Nungungulu ga va na Israyeli.

Nehemiya 8:18

Khu litshigu ni litshigu, Ezira, a di hevbula Libhuku nya Nayo wa Nungungulu, gukhugela litshigu nya guphele, kala litshigu nya guhegise, va gira buzo yoyo kala livbandre na mavili matshigu; khu litshigu nya livbandre na mararu, va di tshangana va dhumisa Pfhumu Nungungulu, kha nga idzo gu nga lowago khidzo.

Nehemiya 8:4

Mulovi Ezira a di ema khu vbatshani nya wutala nya gugirwe khu mapulango wu nga bani wu giredwe thumo yoyo; vbafuvbi gwaye, khu nyamudye gwaye va di emide: Matitiya, Sema, Uriya, Hilikiya, ni Mahaseya; khu nyambade gwaye, a ema pedhaya, Misayeli, Malikiya, Hasumi, Hasibhadhana, Zakariya, ni Mesulamo.

Nehemiya 8:5

Ezira, a di tula Libhuku na gu wonwa khu vathu vatshavbo, kholu a diri khu vbatshani, vathu vatshavbo va di khuga va ema.

Marko 12:37

Olu Dhavhidhe abune a mu ranago Pfhumu, gu ngu kodzega kharini Kristo gu khala gambe gyanana gyaye?” Gidzemo gyatshavbo gi di mu yingisa khu gutsaka.

Luka 19:48

ambari ulo kha va nga dziti va na gira kharini, kholu vathu vatshavbo va di gu mu yingisa khu gunengela.

Luka 8:18

Yingisani gwadi iso nyi mi embelago: Uye a gu naso a na engedzedwa; gasi uye a gu mwalo gilo, ni esi nya sidugwana a gu naso, a na dzegedwa.”

Mithumo 13:15

Na va hevbude lidangalila nya Nayo ni eli nya vaprofeti, vathangeli nya nyumba nya nombelo va di va embela, khavo: “Vandruye, mwa gu bani muri ni mahungu nya gulose khayo libandla, ganelani.”

Mithumo 13:27

Vathu va Jerusalema ni vafumeli vawe, khu gumba muti Jesu, va di mu mola, va tadzisela kharato magana ya vaprofeti ma hevbudwago khu dzisabhadho dzatshavbo.

Mithumo 15:21

Kholu, gukhugela matshiguni ya gale, Mosi na ni vahevbudzi nya Nayo va wu hevbulago mudzinyumbani nya nombelo khu dzisabhadho dzatshavbo.”

Mithumo 16:14

Nyamayi moyo nya gupwani khu Lidhiya, murengisi nya myendra nya siwunguwungu, wa dhoropani ga Tiyatira, a nga bani ari ni githawo ga Nungungulu, a di hi yingisa. Pfhumu a di tula monyo waye afela gu hakha magana ya Pawulo.

Mithumo 17:11

Vajudha va Bhereya va diri ni myonyo nya yadi guvbindra va Tesalonika. Va di hakha magana khu githawo, va gu khedza Milowo matshigu yatshavbo gasi gu wona, khidzo, khandridzo gani.

Mithumo 20:11

Khavbo avbo, a di lita gambe vbatshani aya pila gibaba a hodza, a bhula navo gikhati nya gulaphe kala gugya. Ni dzimindru a di duga a hongola.

Mithumo 20:7

Khu litshigu nya Sabhadho hi di tshangana gasi gu hodza dangamwedo gilalelo. Pawulo a nga bani a gu dongisela gu khuga khu mindru gakone, a di ganela ga vakhodwa, a laphisa tshumayelo kala vbakari nya wutshigu.

Mithumo 28:23

Khavbo avbo, va di vega litshigu. Na li vbohide litshigu lolo, nya vangi va di hongola ndrangani a nga bani a gu vbanyela avbo Pawulo. Gukhugela ni dzimindru kala ni wutshigu, Pawulo a di ganela gwawe khu mahungu nya Mufumo wa Nungungulu. A di zama gukhuye va khodwe ga Jesu, a seketela wufakazi waye avba nya Nayo wa Mosi, ni omu nya milowo ya vaprofeti.

Dhewuteronome 31:9

Nayo yoyu, Mosi a di wu lova a ningela vaphasi nya mhamba, sanana sa Levhi, va nga bani va gu rwala Ngasa nya Gidzumeledzwano ya Pfhumu Nungungulu gumogo ni madhota yatshavbo ya na Israyeli.

1 Vatesalonika 2:13

Khu guralo, hi ngu mu bonga Nungungulu gikhati gyatshavbo. Olu mu nga hakha Mahungu gwathu, Mahungu ya Nungungulu mu ma hakhidego. Kholu, khandri mahungu nya vathu, aholu, mahungu nya lisine la Nungungulu. Mwa gu khodwa mu na engedzela ngudzu tshivba nya guvbanye.

Josuwa 8:35

Gu mwalo ni gimwegyo nya magana ma nga leletedwago khu Mosi, Josuwa a ngamba ma hevbulela tshangano wa Israyeli, gu pata gumogo ni vanyamayi, sanana sa beleni ni valuveli va nga bani va gu vbanya vbakari gwawe.

Gutuledwa 2:29

“Wule a gu ni dzindzeve a na pwisise esi Liphuvbo li embelago mabandla.”

Gutuledwa 3:22

“Wule a gu ni dzindzeve a na pwisise esi Liphuvbo li embelago mabandla.”