Nehemiya 8:10 - Bhibhiliya Nya Guage

¹⁰ Nehemiya a di va embela gambe, khuye: “Indrani mu ya hodza dzinyama nya gunone, mu sela ni wadwa nya gutshambe ni gulombela, mu rumela navo guhodza vale va ngamba dzi dongisela; kholu litshigu leli nya likhongolo li agisedwe Pfhumu Nungungulu; mu nga garadzegi kholu; litsako la Pfhumu khilo li gu tshivba yathu.”

Nehemiya 8:10 Iomraidhean Croise

1 Dzipfhumu 8:66

Khu litshigu nya livbandre na mararu, a di tshula vathu va hongola, avo va di kategisa mufumeli, muthu ni muthu a bwelela tshatshani gwaye na tsakide, myonyo yawe na yi tangade khu kotani nya wuwadi watshavbo owu Pfhumu Nungungulu, a nga girelago githumi gyaye, Dhavhidhe, ni vathu vaye, va na Israyeli.

1 Dzikoronika 16:27

Wudhumo ni wugulu, somo mbeli gwaye, tshivba ni gunengela, si tade wulanga waye nya miphaso.

Nehemiya 8:11

Va na Levhi va di degudza vathu, va va embela, khavo: “Degulani mu nga saniseki, kholu eli litshigu nya guage.”

Nehemiya 8:12

Vathu vatshavbo va di hongola magaya gwawe, vaya hodza ni gusela va nengela ngudzu va rumela iso va nga si tshiyago ga vambe, kholu va di manide tshamuselo nya magana va nga embedwego.

Dzindzimo 149:2

Israyeli a na nengele ga Muvangi waye, vathu va Siyoni va na tsakele Pfhumu yawe.

Dzindzimo 89:17

kholu uwe khuwe wuzundzo nya tshivba yaye, khu wuhindzi wago u ngu khusedza tshivba yathu.

Mavingu 17:22

Gutenga nya monyo rendre wu vbanyisago, aholu hefemulo wu khuvekidego, gu bangisa marambo.

Muhevbudzi 11:2

Kabana iso u gu naso ni livbandre na vavili mwendro livbandre na vararu vathu, kholu khu liti libango muni li na gu dugelelago mafuni momu.

Muhevbudzi 2:24

Gimwalo gi gu gyadi ga muthu guvbindra guhodza, gusela, gutsaka ni gukhalega khu handro nya thumo waye. Aholu esi niso nyi si wone gukheni sa guta khu mandzani ga Nungungulu.

Muhevbudzi 3:13

Muthu watshavbo a hodzago ni gu sela a gu hakha handro nya thumo waye, a na pime gukhuye giningwa gya Nungungulu.

Muhevbudzi 5:18

Nyi wonide gambe gukheni; gwadi gu muthu a hodza, a sela, a tsaka a khalega gwadi khu thumo waye a giridego mafuni momu matshiguni nya guvbanye gwaye a ningidwego khu Nungungulu. Kholu, khiso esi a ningidwego iso.

Muhevbudzi 9:7

Olu indra uya dzi hodzela khu gutsaka u sela vbinyu yago monyo wago na wu salalegide; kholu, Pfhumu Nungungulu a ngu tsaka khu mithumo yago.

Gizimba 5:1

Mwama —Nyi bede thembweni gwangu, ndriyangu ni khundzwa yangu, nyi havela misimbo nya mafura yangu nya gunungele, nyi hodza gipapu gyangu nya wulombe, nyi sela vbinyu gumogo ni mahwe yangu. Dzipari dzangu, selani mu kodwa enu dzipari dzangu.

Isaya 49:5

Gasi olu, a ngu ganela Pfhumu Nungungulu, a nyi wumbidego nyi ngari ndrani ga mayi, gu khala githumi gyaye, gasi nyi mu bweledzela Jakobe, ni gu tshanganisa Israyeli a wuya gwaye, gasi eni nyi dhumiswe mbeli ga Pfhumu Nungungulu, Uye a gu tshivba yangu.

Isaya 61:10

Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.

Joyele 2:23

Enu vathu va Siyoni, tsakani mu nengela ga Pfhumu Nungungulu wanu, kholu uye a na mi ninga muhevbudzi nya gululame ni gu wisa ndzadzi khu gikhati ni nango yi vbwetegago, khu ngima nya guhegule.

Zakariya 14:21

Dzikhali dzatshavbo dza dhoropani ga Jerusalema ni tigoni ga Judha dzi na khala sombo si agisedwego Pfhumu Nungungulu nya Tshivba Yatshavbo; vatshavbo vale va na hongolago vaya ningela dzimhamba nya miphaso, va na dzi thumisa guphulela umo guhodza nya miphaso. Khu litshigu lolo, kha gu na manega gambe varengisi va gira wugwewo Nyumbani ga Pfhumu Nungungulu nya Tshivba Yatshavbo.

Luka 11:41

Phelani khu gu ningela sisiwana iso mu gu naso, khavbo satshavbo si na mi dugela gwadi.

2 Vakorinto 8:2

Ambari va nga bani vari vbakari nya silingo ni gusaniseka, va vbanya khu wusiwana nya wukhongolo. Aholu, va di yeyedza gutsaka gwawe ni wuwadi wawe, va ningela esi nya wusiwana wawe khu matsenya.

Vafilipi 3:4

Gasi eni nyi diri ni fanelo nya gutumbe sihena nya giwuthu. Kholu, a gu bani a romo nya guyele gu tumba tumbunugo nya wuthu, eni kheni wakone nya guvbindre vatshavbo:

Gutuledwa 11:10

Vathu va tigoni va na nengedziswa khu gufa nya dzifakazi dzedzi dza dzimbili. Va na ghiya bwelo khavbo va rumelana siningwa nya malosedzela, kholu vaprofeti vava va vavili va di gu va pwisisa wuvi.

1 Samuweli 25:8

Wudzisa ga sithumi sago si na gu embela. Khu guralo, madzaha yaya ma na mane makategwa mbeli gwago, kha nga olu hi tago khu litshigu nya ladi. Ningela ga sithumi sago, ni ga mwamana wago Dhavhidhe, iso u na gu si manago sa mandzani gwago.”