Nehemiya 7:2 - Bhibhiliya Nya Guage

² Nyi di vega ndriyangu Hanani, ni Hananiya, muthangeli nya likhokhola, gasi gu khala vakheviseli va Jerusalema; kholu Hananiya a diri mwama a tumbegidego guvbindra vathu vatshavbo, nari ni githawo ni Nungungulu;

Nehemiya 7:2 Iomraidhean Croise

Genesi 42:18

Khu litshigu nya wuraru Josefa a di va embela, khuye: “Girani esi mu na vbanya, kholu eni nyi ngu thava Nungungulu;

2 Samuweli 23:3

Nungungulu wa na Israyeli ganede, Giwindri gya Israyeli gi di nyi embela, khigyo: A na manega uye a na fumelago vathu khu gululama, mufumeli a ningago githawo Nungungulu,

1 Dzipfhumu 18:12

Gu ngu kodzega gu, na nyi hambanide nago, Liphuvbo la Pfhumu Nungungulu, li ta gu dzega li gu yisa umo nyi si gutigo, eni na nyi mu tiviside Akabi a wuya a si gu mani, uye a na nyi songa. Gasi eni githumi gyago, nyi ngu thava Pfhumu Nungungulu, gukhugela wudzahani wangu.

1 Dzipfhumu 18:3

Akabi a di rana Obhadhiya, musayisi nya nyumba yaye nya wufumu, muthu a nga bani a ninga githawo Pfhumu Nungungulu.

Nehemiya 1:2

A ngatago Hanani, moyo nya vandriyangu ni vambe vama va na Judha, nyita va wudzisa khu mahungu nya Vajudha va nga vbulugago, va ngamba yiswa wugumbitunu, gumogo ni mahungu ya Jerusalema.

Nehemiya 10:23

Pelatiya, Hanani, Ananiya;

Nehemiya 13:13

Nyi hathide vathu vava gasi gu khala vasayisi nya gisangala gya nyumbani ya Nungungulu: Muphasi nya mhamba Selemiya, mulovi Sadhoki, ni vbakari ga va na Levhi, nyi vega Pedhaya, muphasedzeli waye a diri, Hanani, mwamana wa Sakuri, mwamana wa Mataniya, kholu va di tumbegide thumoni gwawe, va diri va gu kabanisela silo vandriyawe.

Nehemiya 2:8

gumogo ni gu lovela gambe Asafe, musayisi nya magabi ya mufumeli, gasi a nyi ninga misimbo nya guye gira khiyo madingo nya guvbahe myanya nya Nyumba ya Nungungulu ni likhokhola nya lidhoropa, ni nyumba nyi na ya khalago umo. Mufumeli a di nyi ninga satshavbo nyi nga mu lombago, kholu nyi di gu phasedzedwa khu tshivba ya Nungungulu.

Nehemiya 5:15

Aholu vafumeli va fumidego khu hwane gwangu, va di gurumedza vathu khu gu va hengisa gikhaba, va va dzegela guhodza ni wadwa, ambari gambe va nga bani va va hengisa magumana mipimo nya parata, ni sithumi sawe, si di va tshanisa niso. Aholu eni kha nya thuma isoso, kholu nyi gu ni githawo ni Nungungulu.

Nehemiya 7:3

nyi di va embela, kheni: Myanya ya Jerusalema yi nga tudwi kala lidambo li khusega vbatshani, vakheviseli na va ngari avbovbo, gu na segwe malimba ma bwelo khavbo ma kwinyarwi; vavbanyi va Jerusalema va na vegwe kha nga vawoneleli, muthu ni muthu khu ndrangani gwaye ni wulanga waye.

Joba 1:1

Tigoni ga Huzi a di romo mwama moyo nya gupwani khu Joba. A diri muthu nya gululame a nga bani a nyenya gighoho, a ninga githawo Nungungulu.

Dzindzimo 101:6

Maho yangu nyi na ma vega ga vathu va tumbegidego tigoni, gasi nyi kodze gu khala gumogo navo; uye a gimbilago khu ndzila nya gululame, a na nyi thumela.

Ekisodha 18:21

Uwe hatha vbakari nya vathu vatshavbo, vama nya gukari nya vadi ni lisine, va thavago Nungungulu, vama va tumbegidego, va si dzumeligo gurengeledwa, u va vega kha nga vathangeli nya likhumi mazana, nya lizana, nya livbandre magumi ni nya likhumi.

Dhaniyeli 6:4

Khu kotani nya kharato, vamwamangulu ni vathangeli, va di gu zama gu mana gihoso nya guvivbise khigyo Dhaniyeli thumoni gwaye nya mufumo, gambe va disi mani gihoso, kholu a di thuma khu gutumbega.

Mitengo 12:7

Aholu kha nyi giri kharato ga Mosi, githumi gyangu; uye tumbegide nyumbani gwangu gwatshavbo.

Matewu 24:45

“Khu gevbini githumi nya guthembege, nya gugengele, gile gi na gu vegwago mbeli nya sithumi sikwawe khu pfhumu, gasi gu si ninga guhodza khu gikhati gi vbwetegago?

Matewu 25:21

Pfhumu yi di, khiyo: ‘U tshambiside, githumi nya gyadi, nya gutumbege; kha nga olu u nga thembegago siloni nya sidugwana, nyi na gu pharisa nya singi. Bela buzoni gwa pfhumu yago.’

1 Vakorinto 4:2

Fanelo nya githumi gambe khu gu khala na gi tumbegide ga Pfhumu yaye.

2 Thimoti 2:2

Esi u nga hevbulago gwangu vbakari nya dzifakazi nya dzingi, hevbudza vathu va tumbegidego va na gu kodzago gu hevbudza navo vambe.