Nehemiya 6:15 - Bhibhiliya Nya Guage

¹⁵ Thumo nya guvbahedzwe libhiyo wu phede khu litshigu nya magumavili na livbandre nya ngima nya Eluli wu vbedzide livbandre magumi ni matshigu mavili (52).

Nehemiya 6:15 Iomraidhean Croise

Ezira 6:14

Madhota nya Vajudha va di simama gu vbahedza Nyumba na va salade, na va gu tiyiswa khu wuprofeti wa muprofeti Agewu ni Zakariya mwamana wa Idho, va vbedza gu yi vbaha kha nga guruma ga Nungungulu wa na Israyeli, gumogo ni guruma ga Kiro, Dhariyo ni Aritasesi vafumeli va Perisiya.

Ezira 6:15

Nyumba yi vbede gu vbahwa khu litshigu nya wuraru, khu ngima nya Adhari khu mwaga nya livbandre na moyo, nya gufume ga Dhariyo.

Nehemiya 7:1

Na wu vbede thumo nya guvbahedze libhiyo ni gu vega malimba yakone, nyi vegide vaghadhi nya myanya, nyi hatha vaembeleli, ni va na Levhi.

Dzindzimo 1:3

A gu fanana ni simbo wu yadwego bambe nya tsongo, wu ningago mihandro khu nango yakone, mahagane yaye kha ma wuni; sigiro saye satshavbo sa gu duga gwadi.

Dzindzimo 147:2

Pfhumu Nungungulu a ngu wusa Jerusalema, a gu tshanganisa avo va phalalegidego va Israyeli.

Dhaniyeli 9:25

Olu dziti gwadi ni gu pimisa esi: “Gukhugela gu nga duga sileletelo si rumago gu wusedza ni gu vbahedza Jerusalema, kala gu vboha Mesiya, uye a gu Pfhumu, gu na manega livbandre na dzimbili dzisemana; khu livbandre na limwedo magumi dzisemana. Gu na wusedzwa lidhoropa gu wusedzwa dzindzila ni makhokhola, aholu a na bani ari matshigu nya sigaradzo.”