Nehemiya 6:14 - Bhibhiliya Nya Guage

¹⁴ Khu guralo, nyi di lombelela, kheni: Nungungulu wangu, alakanya esi Tobhiya ni Sambalati, va girago avbo gwangu, u nga divali gu va bweledzela mayelano khu mithumo yawe, ni muprofeti nya nyamayi Nowadhiya gumogo ni vatshavbo vaprofeti avo va nga zama gu nyi thusedzela.

Nehemiya 6:14 Iomraidhean Croise

Nehemiya 13:29

Pfhumu Nungungulu wangu, U nga va divaleli, kholu va nyenyeziside thumo wa vaphasi nya mhamba, gumogo ni gidzumeledzwano nya wuphasi wa na Levhi.

Nehemiya 5:19

Nungungulu wangu, nyi alakanye u nyi kategisa, khu wuwadi watshavbo wowu nyi giredego vathu vava.”

Dzindzimo 137:7

Pfhumu Nungungulu, alakanya esi va nga gira vathu va Edhomi litshigu valala va nga belago Jerusalema va li phanga, kholu va di ganela, khavo: “Li khungumuleni, li khungumuleni kala mu sigulela ni siseketelo sakone.” Uwe,

Dzindzimo 22:1

Nungungulu wangu, Nungungulu wangu, khu ginani u nyi digidego? Ambari nyi wombago dzihuwa, nombelo wangu kha wu vbohi gwago.

Dzindzimo 63:1

Nungungulu, uwe u Nungungulu wangu; nyi ngu gu vbweta khu tshivba. Hefemulo wangu wu na ni lidora nya uwe, eni wurumba wangu nyi ngu gu vbweta ngudzu; kha nga mafu nya gihala ma gu na ni lidora nya mati.

Ekisodha 15:20

Khavbo avbo, Miriyamu, nyamayi nya muprofeti, ndruye wa Aroni, a di phara tandrandra mandzani, vanyamayi vatshavbo va di duga vbavbandze ni mitandrandra yawe, va hana.

Jeremiya 14:15

Khu guralo, Pfhumu Nungungulu a ngu ganela kharati khu mahungu nya vaprofeti va profetago khu lina langu, nyamba rumedwa kheni, va bwelo khavbo va ganela gukhavo kha va na wona dzinyimbi, ambari ndzala tigoni momu, khuye: Vaprofeti vovo, va na sasedwa khu matshari ni ndzala.

Jeremiya 14:18

Nya gu hongola gundze, nya gu wona vathu va sasedwego khu matshari, nya gu wuya dhoropani, nya gu wona avo va dagarelago khu ndzala; ambari vaprofeti ni vaphasi nya mhamba, va gu legalega tigoni nyamba pima gilo.

Jeremiya 28:1

Khu mwaga wa moyo, guphelani nya gufume ga Zedhekiya, mufumeli wa Judha, khu ngima nya livbandre, nya mwaga nya wu na, Hananiya, mwamana wa Azuri, muprofeti wa Gibheyamu, a dita nyi embela Nyumbani ga Pfhumu Nungungulu, mbeli ga vaphasi nya mhamba ni vathu vatshavbo, na va gu sipwa, khuye:

Jeremiya 28:10

Khavbo avbo, muprofeti Hananiya a di dzega kanga wu nga bani wuri thamoni ga muprofeti Jeremiya, a wu fanyeledzela;

Jeremiya 28:15

Muprofeti Jeremiya a di embela muprofeti Hananiya, khuye: “Hananiya, olu yingisa malito yangu: Uwe khwa rumedwa khu Pfhumu Nungungulu, uwe wa gu pengisa vathu va khodwa khu malipha yago.

Matewu 24:11

Va na tumbuluga vaprofeti nya vangi nya malipha, va na gu pengisago va nya gutala.

Matewu 24:24

kholu va na dugelela Vakristo ni vaprofeti nya malipha, va na gu girago siliwugiso nya sikhongolo, gule nya gu, samba gwadi, ambari sihathwa si na pengiswa niso.

Matewu 7:15

“Dzi woneleni ni vaprofeti nya malipha, va tago vbakari gwanu kha nga dzinvuta, gasi khu ndrani masolwa nya guvbelele.

2 Thimoti 3:8

Nga olu Janesi ni Jambiri va nga wugela Mosi, ava navo va wugede lisine, vathu nya mapimo nya gufe ni gukhodwa vbadugwana.

1 Johane 5:16

Muthu a gu wona ndriyaye na gu gira gighoho gi si mu yisigo gufani, a na mu lombelele, Nungungulu a na mu vbanyisa. Nombelo yoyu wa gu phasa basi a gu bani ari gighoho nyamba yisa gufani. Gyomo gighoho gi yisago gufani. Kha nyiri kheni lombelelani khigyo.

Gutuledwa 19:20

Aholu girengo gi di modwa gumogo ni muprofeti nya malipha, a nga girago siliwugiso tshivbani nya girengo, a gu pengisa vatshavbo ava va nga hakhago gifungo nya girengo ni va khozeli nya gifananiso gyaye. Va vavili va rinyidwe na va gu vbanya tsivani nya nilo wu dzurago na wu gu engedzedwa khu solufa.