Nehemiya 5:8 - Bhibhiliya Nya Guage

⁸ Nyi va embela, kheni: “Ethu hi tshudziside khu tshivba yathu yatshavbo vandriyathu nya Vajudha va nga bani va rengisidwe ga va nya mayigo; gasi enu mu ngu rengisa vandriyanu gasi va rengwe khethu, gani?”

Nehemiya 5:8 Iomraidhean Croise

Nehemiya 5:9

Khu guralo va di havo kape! A hamugega ni moyo nya gu nyi hakhe. Nyi ganela gambe, kheni: “Khandri sadi iso mu girago, mu fanede gu ninga githawo ga Nungungulu wathu, gasi va nya mayigo, a gu valala vathu, va si hi giri givalo.

Joba 29:10

Vathangeli va di degula, malimi yawe ma tsharamela.

Joba 32:15

Wonani, vathu vava, va hambanegide mapimo, kha va khodzi gu mu ninga phindrulo, kha va nga mana nigyo nya guganele.

Ekisodha 21:16

Uye a bago muthu a mu rengisa, mwendro aya manwa naye ndrangani gwaye, fanede gu songwa.

Matewu 22:12

A di mu wudzisa, khuye: ‘Ama sawu, u bede kharini omu nyambana gipani nya buzo nya dzegano?’ Uye a di degula, nyamba hakha gilo.

Matewu 25:15

Gimbe a di gi ninga livbandre dzitsapawu dzi ranwago taleta; gimbe, dzimbili; gimbe, mweyo basi; muthu ni muthu a di ningwa maningano ni tshivba yaye. Khavbo avbo, a di phara dzindzila a gu hongola.

Matewu 25:29

Kholu uye a gu naso a na ningwa nya singi; gasi wule a gu mwalo gilo a na dzegedwa ni sile a gu naso.

Varoma 14:15

Uwe wa gu khunguvanyisa ndriyago khu kota nya esi u hodzago, khu yeyedzi lihaladzo. Khu kota nya guhodze gwago u nga dzi giri givangelo nya gudzimedze muthu a fedwego khu Kristo.

Varoma 3:19

Ethu hi ngu dziti nya gukhethu satshavbo esi si rumwago khu Nayo sa gu lumba basi avo va fumedwago khu nayo yoyo, gasi gu degudza magana yatshavbo, ni gu litigo latshavbo li dzipwe liri ni nandru mbeli gwa Nungungulu.

1 Vakorinto 8:11

Kharati, ndriyago a sa tiyago, oyu Kristo a fudego khu kotani gwaye, a na luza kotani nya guti gwago.

2 Vakorinto 8:12

Kholu muthu a gu nigela khu ligolo, satshavbo esi a na ningelago si na hakhwa khu matsenya, na siri egi muthu a gu mwalo nagyo.

Vagalatiya 6:10

Khu kharato, olu hi ngarigu ni gikhati, hongoleni hi girela esi nya sadi vathu vatshavbo, ngudzungudzu vandriyathu gukhodwani.

Dhewuteronome 24:7

A gu manwa muthu wa na Israyeli na gu mola moyo wa vbakari nya vandriyaye nya sanana sa Israyeli, a mu gira kha nga khumbi mwendro gu mu rengisa, mbafa yoyo yi fanede gu songwa. Khu guralo, u na vbedza wuvivbi vbakari gwago.