Nehemiya 5:7 - Bhibhiliya Nya Guage

⁷ Na nyi pimiside gwadi, nyi di gorogela vathangeli ni dzindruna, nyi va embela, kheni: “Gasi muthu ni muthu a gu hengisa ndriyaye, gani?” Khu kharato, nyi di va girela tshangano nya wukhongolo.

Nehemiya 5:7 Iomraidhean Croise

Dzindzimo 109:11

Va na dzege silo sawe satshavbo va livba khiso mangava yawe, valombo va na phange mihandro nya thumo wawe.

Dzindzimo 15:1

Pfhumu Nungungulu, khu mani a yelago gu bela nyumbani gwago? Khu mani a dzi kodzago gu vbanya gigomoni gwago nya guage?

Dzindzimo 15:5

Oyu a si fiyarisigo dzitsapawu khu gu fela bhindzu oyu a si dzumeligo gu rengeledwa khu dzitsapawu, a girela guvivba muthu kwawe nyambana nandru. Oyu a girago kharati, gima kha na dhedhereka.

Dzindzimo 27:8

Monyo wangu wu ngu nyi embela, khuwo: “Vbweta khovbe yaye.” Khu guralo, nyi na vbweta khovbe yago Pfhumu Nungungulu.

Dzindzimo 4:4

Thavani mu nga ghohi gambe, pimisani khu myonyoni gwanu na mu lade mu dzi rudzisa.

Dzindzimo 94:16

Khu mani a na khugago a nyi emela ga va nya guvivba ni sighevenga? Ni gu nyi phasa mandzani ga sighohi?

Ekisodha 22:24

Likhulo langu li na vbisa, nyi mi songa khu matshari, gasi vagadzi vanu va khale dzinoni ni sanana sanu si khala niso dzikhulungu.

Ekisodha 22:25

Wa gu lombisa dzitsapawu moyo nya gisiwana a lumbago vathu vangu u vbanyago naye u nga giri khu gu mu livbisa bhindzu, u nga lombisi khu gufela gukhuwe dzi velegele.

Mavingu 27:5

I tshukwana wule a kawukago guwonegelani, guvbindra lihaladzo nya gusengedzele.

Mavingu 28:4

Avo va hambanago ni Nayo, va gu zundza sighohi, aholu avo va sayisago Nayo, va gu dwana naso.

Ezekiyeli 22:12

Vbakari nya vathu vago, vomo va dzumelago gu rengeledwa gasi gu vbaladzwa novba; va fuyariside dzitsapawu gasi gu kodza gu mana bhindzu, u kanganyisa muakelane wago khu gu mu dzegela silo saye; gambe uwe u divaledwe khu eni.” A ngu ganela Pfhumu Nungungulu.

Ezekiyeli 45:9

Mune Pfhumu Nungungulu, a ngu ganela kharati, khuye: “Enu vafumeli va Israyeli, hegisani; digani dzihanyi ni gutshanisa, girani gululama ni wuwadi; digani gu wandra iso si gu sa vathu vangu; a ngu ganela Mune Pfhumu Nungungulu.

Levhi 19:15

Vbamahungutunu u nga hambanisi nayo, u lamula khu ndzila nyamba lulama. U nga khedzi khu khovbe, u kalavela gisiwana mwendro gu emela oyu nya gumanele. U na lamula muakelane wago khu nayo ni lisine.

Levhi 25:36

U nga hakhi bhindzu avbo gwaye, mwendro gu vbweta gu wuyedwa khu gilo khavbo gwaye, aholu thava Nungungulu wago, u diga ndriyago a vbanya nago.

Matewu 18:17

A gumba va yingisa, mu ningele ga libandla; a gumba vbweta gu yingisa libandla, mu vege kha nga muhedheni mwendro kha nga mukhuphisi.

2 Vakorinto 5:16

Ethu olu kha hi nga gu pimisa gambe muthu khu mawonelo nya wuthu wa mafuni. Ambari olu gale hi nga pimisa kharato khu Kristo, olu kha hi pimisi gambe kharato khu uye.

Vagalatiya 2:11

Gikhati Pedro a ngatago dhoropani ga Antiyokiya, nyi dzude nyita mu kawuka khovbe ni khovbe khu gu gira silo nya guyele gu kawukwa.

1 Thimoti 5:20

Avo va ghohago va kawuke mwandrani, gasi vale vambe va fela gu khala hwanga.

Tito 2:15

Hevbudza silo sesi satshavbo, u laya ni gu kawuka khu tshivba yatshavbo u ningidwego. U nga dzumeli ni moyo a gu yeyisa.