Nehemiya 5:10 - Bhibhiliya Nya Guage

¹⁰ Eni neni, gumogo ni vandriyangu, ni sithumi sangu, hi va fuyariside dzitsapawu ni tirigu. Nyi ngu mi khongotelani hi si giri libhindzu leli.

Nehemiya 5:10 Iomraidhean Croise

Nehemiya 10:32

bwelo khavbo vathu vovo, va gu resa wugwewo mwendro ni levbini lifumbu nya silo nya guhodzwe khu litshigu nya Sabhadho guta rengisa, hi si va rengeli khu litshigu lolo, ambari khu limbe litshigu li agisedwego Pfhumu Nungungulu, gima kha hi na renga; ni gukhavo khu mwaga nya livbandre na mivili, malime yathu hi na ma hefemudza hi si ma limi, bwelo khavbo hi si henguli ni mevbini mangava.

Nehemiya 5:11

Nyi gireleni wuhindzi, muhuno kamwe mu va bweledzela marembwe yawe, nya vhinya, miolivha yawe, dzinyumba dzawe, ni gipandre gyawe nya lizana nya dzitsapawu, ni mavbila yawe, ni vbinyu yawe, ni mafura ni esi mu bhindzudego gwawe.”

Nehemiya 5:7

Na nyi pimiside gwadi, nyi di gorogela vathangeli ni dzindruna, nyi va embela, kheni: “Gasi muthu ni muthu a gu hengisa ndriyaye, gani?” Khu kharato, nyi di va girela tshangano nya wukhongolo.

Nehemiya 5:9

Khu guralo va di havo kape! A hamugega ni moyo nya gu nyi hakhe. Nyi ganela gambe, kheni: “Khandri sadi iso mu girago, mu fanede gu ninga githawo ga Nungungulu wathu, gasi va nya mayigo, a gu valala vathu, va si hi giri givalo.

Dzindzimo 15:5

Oyu a si fiyarisigo dzitsapawu khu gu fela bhindzu oyu a si dzumeligo gu rengeledwa khu dzitsapawu, a girela guvivba muthu kwawe nyambana nandru. Oyu a girago kharati, gima kha na dhedhereka.

Isaya 58:6

Guhala gu nyi tsakisago, khogu: “Khu gu mu tshula makhetshe nya gigaha, mu tshula dzingodzi nya kanga nya wugumbi, mu tshule avo va tshaniswago ni gu fanyeledzela mikanga yatshavbo.

Ezekiyeli 18:13

A fiyarisa na gu lirela bhindzu ni guvelegisa. Muthu nya nga yoyo, a ngu yela guvbanya, gani? Ahihi, kha na vbanya! Khu kotani nya mithumo yatshavbo yoyo nya guvivbe, khu lisine a nafa, uye mune kamwe a na rwala nandru nya gufe gwaye.”

Ezekiyeli 18:7

Kha tshanisi muthu, gambe a gu bweledza iso a dzegidego khu gu fiyari, khabi savane, gambe a gu ninga guhodza vandzale, a ninga guambala vale va gu ni wuhagadzo.

Ezekiyeli 18:8

Kha lombisi dzitsapawu khu gu vbweta bhindzu, ambari guvbweta gu dzi velegisa, a ngu himbedzela mandza yaye gu gira silo nya guvivbe, a gu gira wulamuli nya gululame vbakari nya muthu ni muthu.

Mikeya 2:1

Libango, ga vale va na gu bani va lade malawuni gwawe, va luga makungo nya wuvivbi, gikhati gugyago va tadzisa esi va hungidego, kholu somo tshivbani nya mandza yawe.

2 Vakorinto 5:11

Olu hi gutigo gu thavisega ga Pfhumu, hi ngu dzi garadza khu gu embela lisine vathu. Nungungulu a ngu hiti gwadi, nyi ngu tumba nya gukheni enu nenu mu ngu hitini khu myonyoni gwanu.

2 Vakorinto 5:20

Khu guralo, ethu hi sirumwa sa Kristo, Nungungulu khuye a ganelago gwanu khu eni. Hi ngu mi khongotelani khu lina la Kristo: Tshanganani ni Nungungulu.

2 Vakorinto 6:1

Ethu hi gu vaphasedzeli va Nungungulu, hi ngu mi khongotelani gukhethu, mu nga digi wu luzega wuhigo wa Nungungulu mu hakhidego.

Dhewuteronome 15:2

Khu guralo, matsetselelo yakone nya mangava, khaya: Muthu watshavbo a na gu bani a fuyariside gilo ga muakelane mwendro ndriyaye a nga mu henguli esi a mu fuyarisidego; kholu mwaga nya guhuweledwe gutsetselela ga Pfhumu Nungungulu.