Nehemiya 3:21 - Bhibhiliya Nya Guage

²¹ Khu hwane gwaye, a di landrela Merimoti, mwamana wa Uriya, mwamana wa Hakosi, a vbahedza gipandre nya gukhugele vbamwanyatunu nya nyumba ya Eliyasibhi, kala mahegiso nya nyumba ya Eliyasibhi.

Nehemiya 3:21 Iomraidhean Croise

1 Dzikoronika 4:8

Kozi a di velega Anubi ni Zobhebha, khuye gambe melegi wa na Ahareli mwamana wa Harumi.

Ezira 2:61

Ga sanana sa vaphasi nya mhamba, gu diri ava: Va na Habhaya, na Kozi, va na Bharizilayi, nyapandre nya linyumba la va na Bharizilayi a di dzegide nyamahegyane wa Bharizilayi, Mughileyadhi, a gu dzi riya la sade waye.

Ezira 8:33

Khu litshigu nya wu na, hi diya pima pimo nya parata ni ndralama ni simbe sombo si ningedwa ga Meremothi, mwamana wa Uriya, muphasi nya mhamba, a si vega Nyumbani ga Nungungulu wathu. A diromo nuye Eliyazari, mwamana wa Fineya, gumogo ni Jozabhadhi, mwamana wa Jesuwa, ni Nohadhiya mwamana wa Bhinuwi, Mulevhi.

Nehemiya 3:1

Khu guralo, Eliyasibhi, muphasi nya khongolo nya mhamba, gumogo ni vandriyaye, vaphasi nya mhamba, va di vbahedza Mwanya nya Dzinvuta; va bwelo khavbo va wu agisa, va vega malimba yaye, va simama gu vbahedza Langwe nya Lizana ni Likhokhola la Hananeli.

Nehemiya 3:20

Khu hwane gwawe a landrela Bharuki, mwamana wa Zabhayi, uye a nga dzi ningela khu tshivba yaye yatshavbo, a vbahedza gipandre nya gukhugele vbamahandzakanyatunu nya libhiyo, kala vbanyumbatunu ya muphasi nya khongolo nya mhamba Eliyasibhi.

Nehemiya 3:22

Khu hwane gwaye, gu di thuma navo vaphasi nya mhamba va nga bani na va vbahide mapanini.

Nehemiya 3:4

Khu bambe gwawe, Meremoti, mwamana wa Uriya, tugulu wa Kozi, vbafuvbi naye, a di vbahedza nuye Mesulami, mwamana wa Bherekiya, mwamana wa Mesezabheli; a landrela Sadhoki, mwamana wa Bhahana.

Nehemiya 7:63

Vaphasi nya mhamba: Sanana sa Habhaya, sanana sa Kosi, ni sanana sa Bharizilayi, oyu a nga dzegago nyamahegyane wa Bharizilayi nya Mugiliyadhi a bwelo khavbo a ranwa khu lina laye.