Nehemiya 3:15 - Bhibhiliya Nya Guage

¹⁵ Salumi, mwamana wa Kol-Hozi, mufumeli nya gitigwana gya Misipa, a di vbahedza Mwanya wu ranwago pwani, Mwanya nya Nambo, a wu vbedza bwelo khavbo a wu pfhulela, a thela malimba gumogo ni sikhotho saye ni sikwinyaro; a di vbahedza gambe ni ndzari gukhugela lidhamotunu la sela, vbafuvbi ni lithembwe nya senge la mufumeli, kala sigandrotunu si relelago Dhoropani ga Dhavhidhe.

Nehemiya 3:15 Iomraidhean Croise

2 Samuweli 5:9

Khu guralo, Dhavhidhe a di khala ndrani nya likhokhola a li rana khuye Didhoropa la Dhavhidhe; Dhavhidhe a di vbaha maphuvbo yatshavbo nya likhokhola, gukhugela Milo kala ndrani gakone.

2 Dzipfhumu 25:4

Va di pola gihogo vbalikhokholatunu; va duga khavbo vama vatshavbo nya gudwane nyimbi, va tutuma ni vbawutshigutunu khu mwanya wa vbakari nya dzindzari dza dzimbili, vbafuvbi ni lithembwe nya senge la mufumeli, kholu, Vakalidhiya va di randrede lidhoropa, mufumeli a di tutuma khu ndzila nya kova wa Joridhani.

2 Dzikoronika 32:30

Khuye gambe Ezekhiya wa moyo, a nga sega khu vbatshani mati nya tsongo wa Giyoni a wu gimbidzisa khu vbavbatshi khu ndzila nya gululame, khu phuvbo ga Khugadambo nya Didhoropa la Dhavhidhe, a di dugelela ga mithumo yaye yatshavbo.

Nehemiya 12:37

Avbo va nga vbohago nyangwani gu ranwago gupwani Nyangwa nya Nambo, va di lita khu sigandro nya Didhoropa la Dhavhidhe, va thonona guya vbatshani nya ndzari nya libhiyo, vbatshani nya nyumba ya Dhavhidhe, kala vbanyangwatunu nya Mati, khu phuvbo ga Khugadambo.

Nehemiya 2:14

Khavbo avbo, nyi di vbindra nyangwa nya Gifefe kala lidhamuni ga mufumeli; gu diri mwalo wulanga nya gu vbindre ni girengo nyi nga bani na nyi khilede.

Nehemiya 2:17

Khavbo avbo, nyi di va embela, kheni: Mu ngu wu wona gwadi wusiwana hi gu navo; Jerusalema gu khungumudwe, malimba yaye ma dagarede khu nilo! Khu guralo, deluni hi ta wusa likhokhola la Jerusalema gasi hi si khali gambe gihegiso.

Nehemiya 3:12

Khu gu landrela Salumi ni sanana saye nya sagadzyana, mwamana wa Halowesi muthangeli nya gimbe gipandre gya Jerusalema, a di vbahedza nuye.

Nehemiya 3:14

Malakiya, mwamana wa Rekabi mwamangulu wa tigoni ga Bheti-Hakereyimi a di vbaha Mwanya wu ranwago pwani Mwanya nya Giturumu, a wu wusa a thela malimba yaye gumogo ni sikhotho saye ni sikwinyaro.

Nehemiya 3:19

A landrela nuye guvbahedza, Ezeri mwamana wa Jesuwa, muthangeli wa tigoni ga Misipa, a vbahedza gimbe gipandre nya likhokhola li nga khedzanago ni nyumba nya matshari mahandzakanyani nya likhokhola.

Nehemiya 3:7

Khu wubambe gwawe, va di vbahedza Melatiya, Mugibhiyoni, ni Jadhomi wa Meronoti, vama va Gibheyoni, ni va Misipa, va nga bani va fumwa khu mwamangulu wa tshatugo nya tsongo wa Ewufrate.

Nehemiya 3:9

A handzamedza gu vbahedza nuye Rafaya, mwamana wa Huri, muthangeli nya gipandre gya Jerusalema.

Muhevbudzi 2:6

Nyi pode milambo nya mati gasi gu theledzela khayo misimbo yangu yi kodza gu dandra khu tshivba.

Isaya 8:6

“Kha nga olu vathu vava va yeyisidego mati ya Silowe, ma gogago gwadi khu gutenga, va tsakiswa khu Rezimi ni mwamana wa Remaliya,

Jeremiya 40:6

Jeremiya a di khuga a hongola Misipa, ndrangani ga Gedhaliya, mwamana wa Ayikamo, aya khala naye gumogo ni va na gyawe va nga bani va tshade tigoni gwawe.

Luka 13:4

Ina mwa gu hingigedza nya gukhenu vale nya likhumi na livbandre na vararu va nga thegedwago khu langwe ya Silowe, va gufa, khavo vakone va nga bani vari ni nandru guvbindra vathu vatshavbo va Jerusalema, gani?

Johane 9:7

a gu gi embela, khuye: “Indra hamba lidhamuni ga Silowe” (gutshamusago pwani “Girumwa.”) Gikhumu gi di hongola giya hamba, gi wuya na gi gu wona.

Valamuli 20:1

Khavbo avbo, vatshavbo va na Israyeli va di duga va pwanana khu monyo moyo mbeli ga Pfhumu Nungungulu, gukhugela Dhani kala Bherisebha, gumogo ni litigo la Gileyadhi, dhoropani ga Misipa.

Valamuli 20:3

Va na Bhejami va dipwa nya gukhavo va na Israyeli va tombanide Misipa, va na Israyeli va di ganela, khavo: “Hi embeleni, wu giregide kharini wuvivbi wowu?”