Nehemiya 2:8 - Bhibhiliya Nya Guage

⁸ gumogo ni gu lovela gambe Asafe, musayisi nya magabi ya mufumeli, gasi a nyi ninga misimbo nya guye gira khiyo madingo nya guvbahe myanya nya Nyumba ya Nungungulu ni likhokhola nya lidhoropa, ni nyumba nyi na ya khalago umo. Mufumeli a di nyi ninga satshavbo nyi nga mu lombago, kholu nyi di gu phasedzedwa khu tshivba ya Nungungulu.

Nehemiya 2:8 Iomraidhean Croise

Genesi 32:28

Khavbo avbo, a di mu embela, khuye: “Khu na ranwa gambe Jakobe; aholu u na ranwa gupwani khuwe Israyeli; kholu u dwanide ni Nungungulu ni vathu, u pade.”

Ezira 5:5

Aholu maho ya Pfhumu Nungungulu ma diri vbatshani nya madhota ya na Judha, va di va diga va si va himbedzeli kala mahungu yaya ma yiswa ga Dhariyo, na va gu lirela lidangalila nya phindrulo nya mahungu yaya.

Ezira 6:22

Va di gira buzo nya Sibaba nyambana Mela livbandre na mavili matshigu na va tsakide, kholu Pfhumu Nungungulu a di va nengedziside, khulo a nga vbindrugedzisa mapimo ya mufumeli wa Asiriya a tiyisa mandza yawe gasi va phara thumo nya guvbahe Nyumba ya Pfhumu Nungungulu wa na Israyeli.

Ezira 6:8

Gambe eni nyi ngu vega sileletelo nya esi gu vbwetegago mu gira gumogo ni madhota nya Vajudha, gasi Nyumba yeyi ya Nungungulu yi kodze gu vbahedzwa nya dzadi, nyari, kheni: Gyuma nya khupo wu livbwago wu ningwago mufumeli ni uwo nya gute khu khisikheyi nya tsongo, gi na livbe vathu vovo, gasi thumo wu si emi.

Ezira 7:6

Ezira yoyu a di khuga khu Bhabhiloni; a diri mulovi a wutigo gwadi Nayo wa Mosi.

Ezira 7:9

Kholu uye a di khuga khu Bhabhiloni, khu litshigu nya guphele nya ngima nya guhegule; a vboha Jerusalema, khu litshigu nya guhegule nya ngima nya livbandre, kha nga wuhigo nya gyandza gya Nungungulu waye a nga bani nari naye.

Nehemiya 7:2

Nyi di vega ndriyangu Hanani, ni Hananiya, muthangeli nya likhokhola, gasi gu khala vakheviseli va Jerusalema; kholu Hananiya a diri mwama a tumbegidego guvbindra vathu vatshavbo, nari ni githawo ni Nungungulu;

Mavingu 21:1

Monyo wa mufumeli, wa gu fanana ni gitsongwana nya mati gi gimbidziswago khu Pfhumu Nungungulu, uye a gu mu rumela ni evbini a gunago.

Muhevbudzi 2:5

Nyi limide marembwe, nyi yala misimbo nya mihandro nya mafumbu yatshavbo.

Muhevbudzi 2:6

Nyi pode milambo nya mati gasi gu theledzela khayo misimbo yangu yi kodza gu dandra khu tshivba.

Isaya 66:14

Avbo mu na wonago silo sesi si na gu girega, myonyo yanu yi na tsaka, ni marambo ma na nyuga nga mwasi nya nyenvu; kholu tshivba ya Pfhumu Nungungulu, yi na dzi wonegisa ga sithumi saye, aholu likhulo laye li na wugela valala vaye.

Dhaniyeli 1:9

Khu tshivba ya Nungungulu, gilombo gya Dhaniyeli gi di hakhwa khu muthangeli nya mithenwa.

Mithumo 26:22

Aholu, Nungungulu a nyi vhikede kala litshigu la muhuno, nyi emidego avba, mbeli gwanu, nyi ninga wufakazi wangu ga enu mwatshavbo nya vadugwane ni vakhongolo. Esi nyi ganelago khiso si nga tiviswa khu vaprofeti ni Mosi pwani si na dugelela,

Mithumo 7:10

a di mu vbulugisa mu sigaradzoni satshavbo; a di mu ninga mapimo a mu gira gambe gigodwa gya Faro, mufumeli wa Egipito. Faro a di mu vega kha nga gyandza gyaye a thangela litigo la Egipito ni ndranga yaye yatshavbo nya wufumu.

2 Vakorinto 8:16

A na bongwe Nungungulu, a ningidego ligolo monyoni ga Tito, nga eli nyi gu nalo neni khu enu.