Nehemiya 2:6 - Bhibhiliya Nya Guage

⁶ Mufumeli na khade gumogo ni pfhumugadzi yaye, a di nyi wudzisa, khuye: “A gu bani nari lipfhumba nya matshigu mangani? Lini u na wuyago?” Avbo mufumeli a nga nyi dzumedzisa nyi hongola, nyi di mu embela gikhati nya guwuye.

Nehemiya 2:6 Iomraidhean Croise

Nehemiya 1:11

Olu Pfhumu! Nyi ngu gu lomba, u demba ndzeve, u yingisa nombelo wa eni githumi gyago, gumogo ni milombelo yatshavbo ya sithumi sago si golago gu rungudza Lina lago; nyi ngu gu lomba gukheni u kategisa eni githumi gyago, nyi kodze gu mana wuhigo muhuno mbeli ga mwama yoyu. “Kholu khu gikhati gyogyo eni nyi diri mu emeledzi nya meza ya mufumeli.”

Nehemiya 13:6

Aholu gudugelela nya silo sesi, eni nyi diri mwalo Jerusalema, kholu khu mwaga nya magumararu na mivili nya gufume ga Aritaserisi, mufumeli wa Bhabhiloni, eni nyi di hongode iyo gwaye; aholu khu hwane nya matshigu nya gukari nyi di lomba gu bwelela Jerusalema, a nyi dzumedzisa.

Nehemiya 2:4

Mufumeli a di khuye: “Wa guvbweta gukhuwe olu nyi gu girela ginani?” Khavbo avbo, nyi di lombelela ga Nungungulu wa ndzadzini,

Nehemiya 2:5

nyi embela mufumeli, kheni: Nari pwani mufumeli a gu nyi dzumela, nari pwani u ngu salalegiswa khu eni githumi gyago, nyi ngu gu lomba u nyi rumela tigoni ga Judha, dhoropani ma guromo umo marowo ya vavelegi vangu, gasi nyi fela guya li vbahedza.”

Nehemiya 5:14

Gukhugela litshigu nyi wumbedwego gu khala muthangeli nya litigo la Judha, gukhugela mwaga nya magumavili kala mwaga nya magumararu na mivili nya gufume ga mufumeli Aritaserisi, myaga yeyi nya likhumi na mivili, eni ni vandriyangu kha ha hodza guhodza gu lumbago muthangeli.

Isaya 58:12

Sanana sago si na wusedza malanga ma khadego gikhati nya gulaphe nari marumbi; u vbahedza siseketelo sa galegaleyo, va na gu rana gupwani u muwusi nya malufa nya marumbi, ni mululamedzi nya dzindzila, gasi vathu va vbaha dzinyumba.”

Isaya 61:4

Va na vbahedza nyaluphye marumbi ma pfhungumudwego gukhugela gikhati gya gale, va wusedza dzinyumba dzi khungumudwego khu gale, va vbahedza madhoropa ma pfhungumudwego gikhatini gya gale.

Isaya 65:24

Gikhati va lombelelago, nyi na va ninga phindrulo na va si gu vbedzi; na va nga guganela, eni nyi na va yingisa.

Dhaniyeli 9:25

Olu dziti gwadi ni gu pimisa esi: “Gukhugela gu nga duga sileletelo si rumago gu wusedza ni gu vbahedza Jerusalema, kala gu vboha Mesiya, uye a gu Pfhumu, gu na manega livbandre na dzimbili dzisemana; khu livbandre na limwedo magumi dzisemana. Gu na wusedzwa lidhoropa gu wusedzwa dzindzila ni makhokhola, aholu a na bani ari matshigu nya sigaradzo.”