Nehemiya 2:3 - Bhibhiliya Nya Guage

³ nyi mu phindrula, kheni: “Mufumeli, vbanya kala gupindruga! Nyi na kala nyi si swihali khu ginani, na nyi gu wona lidhoropa va ladego umo vavelegi vangu na li khungumudwe, malimba yakone na ma dagarede khu nilo.”

Nehemiya 2:3 Iomraidhean Croise

1 Dzipfhumu 1:31

Khavbo avbo, Bhate-Sebha a di noga, a thega khu khovbe mafuni, a ninga githawo mufumeli, a ganela, khuye: “A na vbanye mufumeli Dhavhidhe, mune wangu, kala gupindruga.”

2 Dzipfhumu 25:8

Khu litshigu nya livbandre na mavili nya ngima nya livbandre, wu diri mwaga nya likhumi na livbandre nya gufume ga Nabhukodhonosori, mufumeli wa Bhabhiloni; Nebhuzaradhani, muthangeli nya vawoneleli, githumi gya mufumeli wa Bhabhiloni, a dita Jerusalema,

2 Dzikoronika 21:20

Uye gikhati a nga phelago gu fuma, a diri ni tanga nya magumararu na mivili myaga, fumide Jerusalema livbandre na miraru myaga, fude nyamba lidwa khu vathu; va mu dzingide Dhoropani ga Dhavhidhe, aholu kha dzingwa marowoni ya vafumeli.

2 Dzikoronika 28:27

Akazi lade gumogo ni vavelegi vaye, va mu dzingide dhoropani gwa Jerusalema, kholu kha va vbweta gu mu dzinga umo nya marowo ya vafumeli va Israyeli. Mwanaye Ezekhiya, khuye a nga fumago wulangani gwaye.

2 Dzikoronika 32:33

Ezekhiya lade gumogo ni vavelegi vaye, va mu dzingide wulangani nya gukhugege, vbakari nya marowo ya sanana sa Dhavhidhe; vatshavbo va na Judha ni vavbanyi va Jerusalema, va di gira wuzundzo gufani gwaye; wulangani gwaye nya wufumu, a di tshikedzwa khu mwanaye Manasi.

2 Dzikoronika 36:19

Va di vbisa Nyumba ya Pfhumu Nungungulu, va khungumulela makhokhola ya Jerusalema, dzinyumba dzawe nya wufumu dzi di vbiswa khu nilo, va pandrelela mikanvu yawe yatshavbo nya lisima.

Nehemiya 1:3

Avo va di nyi embela, khavo: Vambe vakone va nga vbulugago gu yiswa wugumbitunu, vomo iyoyo ga gipandrengulu gile, va gu vbanya muwusiwanani ni wumbwa nya wukhongolo ngudzu, gumogo ni gu hembuludwa, mabhiyo ya Jerusalema ma khungumudwe ni malimba yaye ma vbisidwe khu nilo.

Nehemiya 2:13

Nyi di duga ni wutshigu khu mwanya wa kovatunu, wu thononago ni nambo wa Dragoni, khu phuvbo ga mwanyatunu nya litala, nyi khedza makhokhola ya Jerusalema ma nga bani ma khungumudwe, ni malimba ma nga bani na ma vbisidwe khu nilo.

Dzindzimo 102:14

Kholu, sithumi sago si ngu gola siwindri sa Siyoni, ni gupwa wuvi khu kotani nya marumbi yawe.

Dzindzimo 102:15

Mahundzu yatshavbo ya mafuni, ma na rungudza lina la Pfhumu Nungungulu, ni vafumeli vatshavbo va mafuni va na dhumisa wugulu waye.

Dzindzimo 137:6

Nya gumba gu alakanya uwe Jerusalema, lidimi langu li na tsharamele kanani gwangu, nya gumba tsakela uwe guvbindra silo satshavbo.

Dzindzimo 38:7

Giwunu gyangu gya gu vbisa ngudzu gu mwalo givbango nya gyadi milini gwangu;

Jeremiya 52:12

Khu litshigu nya likhumi, nya ngima nya livbandre, khu mwaga nya likhumi na livbandre na wu na nya gufume ga Nabhukodhonosori, mufumeli wa Bhabhiloni, Nebhuzaradhani, muthangeli nya vaemeledzi ni githumi gya mufumeli wa Bhabhiloni, a dita Jerusalema;

Gililo 2:9

Malimba ya Jerusalema ma thegide vbavbatshi; ma pandregide gu funyega sikwinyaro; vafumeli ni vathangeli va phalalegide ni mayigo. Olu wu mwalo gambe nayo, ambari ni vaprofeti Pfhumu Nungungulu kha ngu va tulela gambe siwoniso. Yod

Dhaniyeli 2:4

Vakalidhiya va di embela mufumeli khu Gisiriya khavo: “Uwe Mufumeli vbanya kala gupindruga! Hi embele ndroro yago, ethu sithumi sago, hi na gu ninga tshamuselo waye.”

Dhaniyeli 3:9

va embela mufumeli Nabhukodhonosori, khavo: “Uwe mufumeli, vbanya kala gupindruga!

Dhaniyeli 5:10

Avbo pfhumugadzi yi ngapwago ligwaha la mufumeli ni dzindruna dzaye, yi di bela nyumbani nya buzo yita, khiyo: Uwe mufumeli, vbanya kala gupindruga! U nga thurugi ambari gu thuviga khovbe.

Dhaniyeli 6:21

Dhaniyeli a di embela mufumeli, khuye: “Uwe mufumeli, vbanya kala gupindruga!

Dhaniyeli 6:6

Khavbo avbo, vamwamangulu ni vathangeli vava, va di pwanana khu gisihaledza va hongola gumogo ga mufumeli, vaya mu embela, khavo: Uwe mufumeli Dhariyo, vbanya kala gupindruga!

Levhi 26:31

Madhoropa yanu nyi na ma gira marumbi, nyi khungumulela malanga yanu nya miphaso, gima kha nyi na tsakiswa khu gunungela nya mahema nya miphaso yanu.