Nehemiya 2:20 - Bhibhiliya Nya Guage

²⁰ Khu guralo nyi di va hakha nyi va embela, kheni: “Nungungulu wa ndzadzini khuye a na gu hi phasedzelago thumoni gwathu; ethu sithumi sago hi na vbaha; gasi enu kha mu lumbwi khu gilo ambari malungelo mwendro gialakanyiso dhoropani ga Jerusalema.”

Nehemiya 2:20 Iomraidhean Croise

2 Dzikoronika 26:5

A di dzi garadza khu gu vbweta Nungungulu matshiguni ya Zakariya, uye a nga bani na siti gwadi siwoniso sa Nungungulu; gikhati a nga namarela ga Pfhumu Nungungulu, Uye a di mu kategisa.

Ezira 4:3

Aholu Zorobhabheli, Jesuwa ni vambe vathangeli nya dzinyumba dza vababe vawe va di va hakha, khavo: “Kha gu kodzegi gu ethu hi hengela nanu guvbaha Nyumba ya Nungungulu wathu, aholu ethu henga hi na vbahela Pfhumu Nungungulu wa Israyeli, kha nga idzo hi leletedwego khidzo khu Kiro, mufumeli wa Perisiya.”

Nehemiya 1:4

Na nyi pwide magana yaya, nyi di khala vbavbatshi nyi lila nyi vbedza matshigu nya gutale na nyi guhala nyi si hodzi gilo, na nyi gu lombelela ga Nungungulu wa ndzadzini.

Nehemiya 2:4

Mufumeli a di khuye: “Wa guvbweta gukhuwe olu nyi gu girela ginani?” Khavbo avbo, nyi di lombelela ga Nungungulu wa ndzadzini,

Dzindzimo 102:17

A na yingisa nombelo nya khulungu kha na nga nyenya nombelo waye.

Dzindzimo 122:6

Lombelelani gasi gu manege gurula Jerusalema! Va na vbanye na va tangade avo va gu golago.

Dzindzimo 20:5

Hi na mane gunengela khu gupala gwago, hi khusedza ngavbya khu lina la Nungungulu wathu! Pfhumu Nungungulu a na tadzise gu lomba gwago gwatshavbo!

Dzindzimo 35:27

Va na embelele va nengela, avo va dwanelago gululama gwangu, va na ganele gikhati gyatshavbo, khavo: “A na rungudzwe Pfhumu Nungungulu, a tsakiswago khu gu dugelela ga githumi gyaye!”

Dzindzimo 51:18

Kategisa gwadi Siyoni khu wuhindzi wago; vbahedza nyaluphye mabhiyo ya Jerusalema.

Ekisodha 28:29

Avbo Aroni a na belago Wulangani nya Guage a na rwala khanani gwaye, malina ya sanana sa Israyeli ma lovidwego vbagikhwesotunu nya mahungu, gasi gu khala gialakanyiso nya gupindruge mbeli ga Pfhumu Nungungulu.

Muhevbudzi 7:18

Gwadi gu dzi vegisa ga gilo gegi, aholu u si hambani gambe ni gimbe; kholu uye a thavago Nungungulu, a ngu dugelela ga satshavbo.

Isaya 56:5

nyi na va ninga wulanga ni lina nyumbani ni mabhiyoni gwangu, eli li vbindrago gu mana sanana nya sikhwathana ni sagadzyana. Nyi na ninga moyo ni moyo nya avo lina nya gukala gupindruga, li na gumba fuva.

Levhi 2:2

A na dzega wuguvbi a ningela ga vaphasi nya mhamba, sanana sa Aroni. Moyo wawe, a na baga gyandza nya wuguvbi wu thedwego mafura ni libani latshavbo; muphasi nya mhamba a na si vbisa vbagiluvelotunu si khala gialakanyiso, kha nga phaso nya gunungele gwadi wu salalegisago Pfhumu Nungungulu.

Levhi 24:7

Vbatshani nya ndzarara ni ndzarara u na vega libani li gira gialakanyiso vbatshani nya sibaba, kha nga ningelo nya guvbiswe mbeli ga Pfhumu Nungungulu.

Zakariya 6:14

Gihugu nya wufumu gi na vegwa Nyumbani ga Pfhumu Nungungulu kha nga gialakanyiso nya mithumo ya Helidhayi, Tobhiya ni Jedhaya gumogo gambe ni Hemi, mwamana wa Sofoniya.

Mitengo 10:10

Gutsakani gwanu gambe, matshigu nya mibuzo nya yikhongolo ni litshigu nya guphele nya ngima, avbo mu girago miphaso nya guvbiswe numo nya miphaso nya gubonge, mu na womba mipundru. Isoso si na bani siri gialakanyiso, gasi Nungungulu wanu a mi dundrugani. Eni kheni Pfhumu Nungungulu wanu.”

Mithumo 10:31

a nga ta nyi embela, khuye: ‘Korineliyo, nombelo wago wu pwidwe, ni wuhindzi wago wu wonidwe khu Nungungulu.

Mithumo 10:4

Uye a di khala hwanga a khusa maho a khedza, a hakha, khuye: “Ginani, Pfhumu?” Ngilozi ya Nungungulu yi di mu embela, khiyo: “Milombelo yago ni wuhindzi wago yi pwidwe khu Nungungulu, khu kharato, a gu alakanyide.

Mithumo 8:21

Uwe u mwalo wulanga nya gu hengele nago thumoni momu, kholu monyo wago kha wa lulama mahoni gwa Nungungulu.