Nehemiya 2:17 - Bhibhiliya Nya Guage

¹⁷ Khavbo avbo, nyi di va embela, kheni: Mu ngu wu wona gwadi wusiwana hi gu navo; Jerusalema gu khungumudwe, malimba yaye ma dagarede khu nilo! Khu guralo, deluni hi ta wusa likhokhola la Jerusalema gasi hi si khali gambe gihegiso.

Nehemiya 2:17 Iomraidhean Croise

Ezira 9:9

kholu ethu hi dzikhumbi; aholu muwugumbini gwathu Nungungulu wathu kha hi diga gilo; Uye a di thawuludza libogo laye a yeyedza wuwadi waye avbo gwathu, mbeli ga vafumeli va Perisiya, a hi vbulugiside gasi hita vbaha Nyumba ya Nungungulu wathu, hi wusedza marumbi yaye, gasi hi ningwa likhokhola nya gutiye tigoni ga Judha ni Jerusalema.

Nehemiya 1:3

Avo va di nyi embela, khavo: Vambe vakone va nga vbulugago gu yiswa wugumbitunu, vomo iyoyo ga gipandrengulu gile, va gu vbanya muwusiwanani ni wumbwa nya wukhongolo ngudzu, gumogo ni gu hembuludwa, mabhiyo ya Jerusalema ma khungumudwe ni malimba yaye ma vbisidwe khu nilo.

Nehemiya 2:13

Nyi di duga ni wutshigu khu mwanya wa kovatunu, wu thononago ni nambo wa Dragoni, khu phuvbo ga mwanyatunu nya litala, nyi khedza makhokhola ya Jerusalema ma nga bani ma khungumudwe, ni malimba ma nga bani na ma vbisidwe khu nilo.

Nehemiya 2:16

Manganagana kha ma nga guti umo nyi nga bani nyi hongode, niso nyi nga bani nyi gu thuma; kholu, kala gikhati gyogyo ambari Vajudha, vaphasi nya mhamba, ni manganagana, ni avo va nga bani na va gu gira mithumo, nyi di si gu ganeli gilo gwawe.

Nehemiya 3:15

Salumi, mwamana wa Kol-Hozi, mufumeli nya gitigwana gya Misipa, a di vbahedza Mwanya wu ranwago pwani, Mwanya nya Nambo, a wu vbedza bwelo khavbo a wu pfhulela, a thela malimba gumogo ni sikhotho saye ni sikwinyaro; a di vbahedza gambe ni ndzari gukhugela lidhamotunu la sela, vbafuvbi ni lithembwe nya senge la mufumeli, kala sigandrotunu si relelago Dhoropani ga Dhavhidhe.

Dzindzimo 102:15

Mahundzu yatshavbo ya mafuni, ma na rungudza lina la Pfhumu Nungungulu, ni vafumeli vatshavbo va mafuni va na dhumisa wugulu waye.

Dzindzimo 44:13

Wa gu hi gira givalo ga vaakelane vathu, avo va hi randrelago va ngu hi hembulula, va hi hega;

Dzindzimo 44:14

U ngu hi gira tekatekane ga va nya mayigo, vathu va gu hi wona va gu khiniga mihungo.

Dzindzimo 79:12

Pfhumu, tsayisa vaakelane vathu khu guwuyelela guvbindra livbandre na guvili, khu kotani nya sighoho va gu giredego.

Dzindzimo 79:4

Hi khade gihegiso ga vaakelane vathu, vale va nga hi randrela va hi hega ni gu hi tsorodzela.

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Gililo 2:2

Pfhumu kha gira gisiro khu dzinyumba dzatshavbo dza Jakobe. Khu kotani nya likhulo laye, khungumude makhokhola ya nyamahegyane wa Judha, a ma thesa vbavbatshi; a poyila mifumo ni manganagana aye. Guimel

Gililo 3:51

Maho yangu ma gu fuvila khu gu lila, khu gu wona iso si giregago ga vanyamahegyane va dhoropani gwathu. Sade

Ezekiyeli 5:14

Nyi na gu gira marumbi ni gu gu gira givalo vbakari nya mayigo nya vaakelane vago, ni mahoni ga vatshavbo va na vbindrago khavbo gwago.

Mikeya 7:11

Khu litshigu nya guvbahedzwe nya mabhiyo yago, khilo litshigu lolo mivbingano yago yi na dusedwago yi yiswa hwindzo.

1 Samuweli 11:2

Aholu Nahasi, nya Muamoni, a di va hakha, khuye: “Nyi na gira nanu gidzumeledzwano mwa gu dzumela guphela khu gu mu rumbula liso la nyamudye la moyo ni moyo nya enu, nyi vega kharati givalo tigoni gwatshavbo ga Israyeli.”