Nehemiya 2:13 - Bhibhiliya Nya Guage

¹³ Nyi di duga ni wutshigu khu mwanya wa kovatunu, wu thononago ni nambo wa Dragoni, khu phuvbo ga mwanyatunu nya litala, nyi khedza makhokhola ya Jerusalema ma nga bani ma khungumudwe, ni malimba ma nga bani na ma vbisidwe khu nilo.

Nehemiya 2:13 Iomraidhean Croise

2 Dzikoronika 26:9

Uziya, a di vbahide gambe dzilangwe nya sibhangavanga Jerusalema; lidimba la dzikhonani, lidimba la kovani ni mahandzakanyani, a ma tiyisa.

Nehemiya 1:3

Avo va di nyi embela, khavo: Vambe vakone va nga vbulugago gu yiswa wugumbitunu, vomo iyoyo ga gipandrengulu gile, va gu vbanya muwusiwanani ni wumbwa nya wukhongolo ngudzu, gumogo ni gu hembuludwa, mabhiyo ya Jerusalema ma khungumudwe ni malimba yaye ma vbisidwe khu nilo.

Nehemiya 12:31

Nyi di litisa vbatshani nya ndzari nya libhiyo, vathangeli va na Judha nyi wumba mitsawa mivili nya yikhongolo nya vaembeleli yi landrelana, moyo khu phuvbo ga nyamudye wu thonona Mwanya nya Litala.

Nehemiya 2:12

Nyi di wuga ni vbakari nya wutshigu gumogo ni vama nya vadugwana, nyi nga bani na nyiri navo, aholu gima kha nya nga embela muthu iso Nungungulu wangu a nga bani a si thede monyoni gwangu gasi nyi ya si gira Jerusalema; nyi diri mwalo ni gifuyo vbavbandze nya egi nyi nga bani nyi gi khilede.

Nehemiya 2:15

Khu guralo, nyi di gwela ni wutshigu wowo nyiya gitsongwanani nyiya khedza libhiyo; nyi di bwelela nyi wuya nyita bela khu Mwanya wa phuvbo ga Kovatunu.

Nehemiya 2:17

Khavbo avbo, nyi di va embela, kheni: Mu ngu wu wona gwadi wusiwana hi gu navo; Jerusalema gu khungumudwe, malimba yaye ma dagarede khu nilo! Khu guralo, deluni hi ta wusa likhokhola la Jerusalema gasi hi si khali gambe gihegiso.

Nehemiya 2:3

nyi mu phindrula, kheni: “Mufumeli, vbanya kala gupindruga! Nyi na kala nyi si swihali khu ginani, na nyi gu wona lidhoropa va ladego umo vavelegi vangu na li khungumudwe, malimba yakone na ma dagarede khu nilo.”

Jeremiya 5:10

Litani mabhiyo yaye mu ma khungumula, aholu, mu nga ma pfhungumuleli muphelo; duselani matamo yaye, kholu ayo kha ma lumbi Pfhumu Nungungulu.