Nehemiya 2:1 - Bhibhiliya Nya Guage

¹ Khu ngima nya Nisani, mwaga nya magumavili nya gufume ga mufumeli Aritaserisi, nyi tede vbinyu yi nga bani yiri mbeli ga mufumeli, nyi mu ninga a sela; mufumeli gima kha tshukha a nyi wona na nyi swihade mbeli gwaye.

Nehemiya 2:1 Iomraidhean Croise

Genesi 40:11

Eni na nyi pharide mandzani gikombe gya Faro, nyi di hava dziuvha nyi gamela gikombeni gya Faro nyi ningela gikombe mandzani ga mufumeli.”

Genesi 40:21

A di wuyisa wulangani nya thumo waye, muthangeli nya vatheledzeli nya sikombe vbamezatunu, uye a di ta ningela gikombe mandzani ga Faro.

Ezira 4:7

Matshiguni ya Aritasesi, mufumeli wa Perisiya Bhisilamu, Mitiredhati, Tabhiyeli ni vamata vaye va di lovela Aritasesi lidangalila khu malovelo nya giasiriya ni lidimi nya gisiriyaka.

Ezira 7:1

Hwane nya silo sesi, gikhatini nya gufume ga Aritasesi, mufumeli wa Perisiya, Ezira, mwamana wa Seraya, mwamana wa Azariya, mwamana wa Hilikiya,

Ezira 7:7

Va di gwela gambe Jerusalema, va nya gukari nya sanana sa na Israyeli sa vaphasi nya mhamba, sa va na Levhi, sa vaembeleli, sa vasayisi nya dzinyangwa ni vasayisi va Nyumbani ga Nungungulu, khu mwaga nya livbandre na wuvili nya gufume ga Aritasesi.

Nehemiya 1:1

Aya khu magana ya Nehemiya mwamana wa Hakaliya. Si giregidego khu ngima nya Kisilewu, khu mwaga nya magumavili, eni na nyiri likhokholani ga Suza.

Nehemiya 1:11

Olu Pfhumu! Nyi ngu gu lomba, u demba ndzeve, u yingisa nombelo wa eni githumi gyago, gumogo ni milombelo yatshavbo ya sithumi sago si golago gu rungudza Lina lago; nyi ngu gu lomba gukheni u kategisa eni githumi gyago, nyi kodze gu mana wuhigo muhuno mbeli ga mwama yoyu. “Kholu khu gikhati gyogyo eni nyi diri mu emeledzi nya meza ya mufumeli.”

Dhaniyeli 9:25

Olu dziti gwadi ni gu pimisa esi: “Gukhugela gu nga duga sileletelo si rumago gu wusedza ni gu vbahedza Jerusalema, kala gu vboha Mesiya, uye a gu Pfhumu, gu na manega livbandre na dzimbili dzisemana; khu livbandre na limwedo magumi dzisemana. Gu na wusedzwa lidhoropa gu wusedzwa dzindzila ni makhokhola, aholu a na bani ari matshigu nya sigaradzo.”