Nehemiya 13:25 - Bhibhiliya Nya Guage

²⁵ Nyi di va vbenyela, nyi va vala, vambe nyi va veta ni gu va kulela ndzudzu nyi bwelo khavbo nyi va gurumedza gu sambanya khu lina la Nungungulu gukheni: “Mu nga lowodzisi sanana sanu nya sagadzyana ga madzaha yawe, ambari gu lowodzisa madzaha yanu dzimbiri dzawe, ambari gudzeganani navo enu.

Nehemiya 13:25 Iomraidhean Croise

2 Dzipfhumu 2:24

A di thendregedza a khedza hwane, a di si wona a si vala linani ga Pfhumu Nungungulu; khavbo avbo, gu di duga khu khabini sirengo sivili nya sikankanka si ta vbadzulela magumana na sivili nya sikhwathana sile.

Ezira 10:5

Khavbo avbo, Ezira a di khuga a ema, a sambanyisa vathangeli nya vaphasi nya mhamba, ni va na Levhi ni vatshavbo va na Israyeli, gukhavo va na gira isoso. Avo va di sambanya.

Ezira 7:26

Vatshavbo vale va si landrisigo milayo ya Nungungulu wago ni milayo ya mufumeli, va fanede gu lamudwa khu gu songwa, mwendro gu tutumiswa, mwendro gu hodzwa thomba yaye, mwendro gu khothedwa pasoni.

Nehemiya 13:11

Nyi kawukide vathangeli nyi va embela, kheni: “Khu ginani mu pfhurarelago Nyumba ya Nungungulu?” Khu guralo, nyi di tombanisa gambe nyaluphye, Valevhi ni vaembeleli, muthu ni muthu nyi mu wuyisa thumoni gwaye.

Nehemiya 13:17

Khu isoso nyi di kawuka vathangeli va na Judha nyi va embela, kheni: “Khu ginani mu girago wuvivbi wowu nya wukhongolo, mu nyenyezisa litshigu nya Sabhadho?

Nehemiya 13:24

Gimbe gipandre nya sanana sawe, va di si kodzi gu ganela lidimi nya Gijudha, va di ganela lidimi nya Giasidhodhi ni lidimi nya mambe mayigo.

Nehemiya 5:13

Nyi di ghubhuta kudzudzwane nya libhadzi langu, nyi ganela, kheni: “Nungungulu a na dzudze kharalo a mu dusa vbavbandze nya nyumba yaye, hwindzo ni silo saye, muthu watshavbo a na gumba tadzisa gifungo gegi. Tshangano watshavbo wu di ganela khuwo Amen. Va di rungudza Pfhumu Nungungulu, va gira kha nga idzo va nga sambanyago khidzo.

Nehemiya 5:6

Nyi di vbisega ngudzu gikhati nyi ngapwa gudilela gwawe ni malito va nga bani va gu ganela.

Dzindzimo 119:53

Nya gu pwiswa wuvi nya wukhongolo khu va nya guvivbe, kholu kha va theli kota khu nayo wago.

Dzindzimo 15:4

wule a nyenyago va nya guvivba, a rungudzago avo va ningago githawo Pfhumu Nungungulu; oyu a si bweleligo hwane ga gisambanyo gyaye; ambari na gu wona gukhuye gu na gira mhango.

Ekisodha 34:16

mwendro gu wudza dzimbiri dzawe, u lowodza sanana sago. Vanyamayana vovo gikhati va bhayago ni vanungungulu vawe, va nga khulugisa sanana sago si bhaya niso ni vanungungulu vovo.

Mavingu 28:4

Avo va hambanago ni Nayo, va gu zundza sighohi, aholu avo va sayisago Nayo, va gu dwana naso.

Isaya 50:6

Nyi di ningedzela hwambo wangu ga vale va nyi vetago, nyi ningedzela khovbe yangu ga vale va nga bani va nyi kulela giledzu. Kha nya siha khovbe yangu ga vale va nga bani va gu nyi vala ni gu nyi hetshela.

Dhewuteronome 6:13

U na ninga githawo Pfhumu Nungungulu wago, u mu thumela, u sambanya khu lina laye.

Dhewuteronome 7:3

U nga dzegani ni vathu nya mayigo yoyo; u nga lowodzisi sanana sago nya sagadzyana ambari gu lowodza vanyamahegyane vawe ga sanana sago nya sikhwathana;

Josuwa 23:12

Kholu mwa gu ndreyani avbo Gwaye, mu namarela ga avo va tshadego ga mayigo yaya, ma guromo vbakari gwanu, ni gu dzegelana navo vanyamayi, mu dzi tshanganisa navo,