Nehemiya 13:22 - Bhibhiliya Nya Guage

²² Nyi leletede gambe va na Levhi gukheni va dzi agise, vata ghadha malimba, gasi va agisa litshigu nya Sabhadho. Khu esi gambe, Pfhumu Nungungulu wangu, nyi alakanye; U nyi tsetselela khu kotani nya wuhindzi wago nyamba vbela.

Nehemiya 13:22 Iomraidhean Croise

2 Dzipfhumu 20:3

“Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

2 Dzipfhumu 23:4

Mufumeli a di rumela muphasi nya khongolo nya mhamba Hilikiya ni vaphasi nya vadugwana ni vasayisi va vbanyangwatunu, gasi va dusa khu Nyumbani gwa Pfhumu Nungungulu, satshavbo sikalango si nga bani si giredwe Bhahali ni gifananiso nya simbo nya guvatwe, ni libutho latshavbo la ndzadzini; aya si vbisa vbavbandze ga Jerusalema, mahangeni ya Kedhroni, nguma wakone a wu yisa Bheteli.

2 Dzikoronika 29:24

Vaphasi nya mhamba va di songa vanyamabhongwe va dzega novba wakone va mitegedzela vbagiluvelotunu gasi gu khala mhamba nya gu dzegiswe khiyo ni gu tsetseledwa sighoho sa va na Israyeli vatshavbo. Kholu mufumeli a di leleteside gu girwa mhamba yile nya guvbiswe ni gu phasedwa khu gighoho gya Israyeli watshavbo.

2 Dzikoronika 29:27

Ezekhiya a di leletela gukhuye, gu ningedwa miphaselo nya guvbiswe vbagiluvelotunu. Khu gikhati gu nga phedwa gu ningedwa miphaselo nya guvbiswe, gu di phedwa nugo ndzimo ya Pfhumu Nungungulu, khu mipundru ni dzingoma dza Dhavhidhe, mufumeli wa Israyeli.

2 Dzikoronika 29:30

Khavbo avbo, mufumeli Ezekhiya, a di embela vakhongolo, ni va na Levhi, gukhuye va na rungudze Pfhumu Nungungulu, khu magana ya Dhavhidhe ni ya Asafe, mutuguli nya siwoniso. Va di rungudza na va tsakide, va nogisa dzithamo va khozela.

Nehemiya 12:10

Jesuwa a di velega Joyakimi, Joyakimi, a velega Eliyasibhi, Eliyasibhi, a velega Joyadha,

Nehemiya 12:30

Vaphasi nya mhamba gumogo ni va na Levhi, va di phela khavo gu dzi agisa, va agisa navo vathu vatshavbo, gumogo ni myanya nya libhiyo.

Nehemiya 13:14

Khu guralo, Nungungulu Wangu, U nga nyi divali, dundruga silo nya sadi nyi gu giredego nyumbani Gwago gumogo ni thumo wago.

Nehemiya 13:31

gasi va sayisa miningelo nya dzikhuni nya guvbise khidzo miphaso ni dzimbewu nya guphele guvbwerwa mahangeni khu dzinango dzi vegisidwego. Nyi alakanye, Nungungulu wangu, ni gu nyi girela wuwadi.

Nehemiya 5:19

Nungungulu wangu, nyi alakanye u nyi kategisa, khu wuwadi watshavbo wowu nyi giredego vathu vava.”

Dzindzimo 130:7

Israyeli a gu lirela Pfhumu Nungungulu, kholu, ga Pfhumu Nungungulu womo wuhindzi; a ngu hi vbulugisa dzimhango nya gutale.

Dzindzimo 5:7

Gasi eni, khu lihaladzo lago nya likhongolo, nyi ngu bela nyumbani gwago; nyita khidzima nyi gu khozela khu githawo nyumbani gwago nya gukatege.

Dzindzimo 51:1

Nyi pwele wusiwana, Nungungulu, khu lihaladzo lago; futa sighoho sangu, khu wuhindzi wago nya wukhongolo.

Isaya 38:3

a ganela, khuye: “Dundruga Pfhumu Nungungulu, idzo nyi vbanyidego khidzo khu gutumbega ni monyo wu agidego, ni gu thuma mithumo nya gululame mbeli gwago.” Ezekhiya a di lila khu wuvi waye watshavbo.

Isaya 49:23

Vafumeli va na khala vasayisi vago, ni dzipfhumugadzi dzawe, dzi na khala vamayi vago; va na noga mbeli gwago va tsitsa khu khovbe va dandzela kudzudzwane wa migondroni gwago. Khavbo avbo, u na si pima gukhuwe, eni kheni Pfhumu Nungungulu, avo va nyi tumbago kha va na thedwa dzitshoni.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

Dhewuteronome 5:12

U na vegisa litshigu nya Sabhadho, u li agisa, kha nga idzo u leletedwego khidzo khu Pfhumu Nungungulu wago.