Nehemiya 13:21 - Bhibhiliya Nya Guage

²¹ Nyi di va vbenyela, kheni: Khu ginani mu lalago ndzarini? Mwa gu engedza gambe nyi na ta mi veta. Gukhugela vbale kha va nga engedza gambe guta khu Sabhadho.

Nehemiya 13:21 Iomraidhean Croise

Ezira 7:26

Vatshavbo vale va si landrisigo milayo ya Nungungulu wago ni milayo ya mufumeli, va fanede gu lamudwa khu gu songwa, mwendro gu tutumiswa, mwendro gu hodzwa thomba yaye, mwendro gu khothedwa pasoni.

Nehemiya 10:32

bwelo khavbo vathu vovo, va gu resa wugwewo mwendro ni levbini lifumbu nya silo nya guhodzwe khu litshigu nya Sabhadho guta rengisa, hi si va rengeli khu litshigu lolo, ambari khu limbe litshigu li agisedwego Pfhumu Nungungulu, gima kha hi na renga; ni gukhavo khu mwaga nya livbandre na mivili, malime yathu hi na ma hefemudza hi si ma limi, bwelo khavbo hi si henguli ni mevbini mangava.

Nehemiya 13:15

Khu matshigu yoyo, nyi wonide gukheni tigoni ga Judha vomo nya gukari va nga bani va gu gamela wadwa nya dziuvha musighowoloni khu litshigu nya Sabhadho, vambe va wungedzela dzinyandra nya mavbila va dzi khiledza vbadziburutunu, va rwala gumogo ni vbinyu nya dzikhure, dzindzawa gumogo ni mimbe mirwalo nya hambanelane, na va gu si yisa Jerusalema khu litshigu nya Sabhadho; eni nyi di va kawuka gu va si rengisi gilo khu litshigu leli.

Nehemiya 13:20

Khu guralo, vatshavbo varengisi ni varengi nya wugwewo nya guhambanelane, va di ta gedwa vbavbandze nya lidhoropa la Jerusalema, litshigu mwendro matshigu mavili.

1 Pedro 2:14

ni dzindruna dzaye a dzi vegidego gasi gu tsayisa ava va girago guvivba, ni gu zundza ava va girago iso nya sadi.