Nehemiya 13:19 - Bhibhiliya Nya Guage

¹⁹ Khu kotani nya isoso, nyi di leletisa gukheni, na yi si gu pheli Sabhadho, gikhati li pfolago lidambo, myanya yatshavbo nya lidhoropa la Jerusalema yi fanede gu segwa gu khala kharato kala guvbindra Sabhadho. Nyi na vega vathu vangu va ghadha myanya gasi ni wevbini rwalo wu si dzumedziswi gubela dhoropani ga Jerusalema khu litshigu nya Sabhadho.

Nehemiya 13:19 Iomraidhean Croise

Nehemiya 13:20

Khu guralo, vatshavbo varengisi ni varengi nya wugwewo nya guhambanelane, va di ta gedwa vbavbandze nya lidhoropa la Jerusalema, litshigu mwendro matshigu mavili.

Nehemiya 7:3

nyi di va embela, kheni: Myanya ya Jerusalema yi nga tudwi kala lidambo li khusega vbatshani, vakheviseli na va ngari avbovbo, gu na segwe malimba ma bwelo khavbo ma kwinyarwi; vavbanyi va Jerusalema va na vegwe kha nga vawoneleli, muthu ni muthu khu ndrangani gwaye ni wulanga waye.

Levhi 23:22

Gikhati mu vbwerago mahangeni gwanu, mu nga vbweri gwatshavbo kala dzitshokhani nya lithembwe, gambe mu nga botedzeli ni esi si thegedego, tshiyelani gisiwana ni muluveli. Eni kheni Pfhumu Nungungulu wanu.”

Levhi 23:32

Li na bani liri litshigu nya Sabhadho nya guhefemule, mu na hala; mu na vegisa Sabhadho nya guhefemule, gukhugela silambo nya litshigu nya livbandre na mana nya ngima, kala silambo nya litshigu li landrelago.

Johane 5:10

Khu kharato, Vajudha va di embela uye a nga hawulugiswa, khavo: “Kha gu yeli gu dzega lidawu lago, kholu muhuno Sabhadho.”