Nehemiya 12:39 - Bhibhiliya Nya Guage

³⁹ gukhugela nyangwani ga Efrayimi, hi vbindra khu vbatshani nya Lidimba la Gale ni Lidimba nya Ndzandzi, ni likhokhola la Hananeli, ni likhokhola nya Lizana, kala mwanyatunu nya tshambi; vaya ema Mwanyani nya Lipaso.

Nehemiya 12:39 Iomraidhean Croise

2 Dzipfhumu 14:13

Jeyowasi, mufumeli wa Israyeli, a di mola Amaziya, mufumeli wa Judha, mwamana wa Jowasi, mwamana wa Akazi, dhoropani ga Bheti-Semesi; a wuya Jerusalema ata khungumula ndzari nya likhokhola gukhugela nyangwani ya Efrayimi kala mwanya wa khonatunu, gipimo nya guningane mazana mana (400) dzindronga.

Nehemiya 12:40

Mitsawa yatshavbo nya vaembeleli yi di ya ema Nyumbani gwa Nungungulu, eni neni nyi di ya ema vbale ni gimbe gipandre nya vathangeli.

Nehemiya 3:1

Khu guralo, Eliyasibhi, muphasi nya khongolo nya mhamba, gumogo ni vandriyaye, vaphasi nya mhamba, va di vbahedza Mwanya nya Dzinvuta; va bwelo khavbo va wu agisa, va vega malimba yaye, va simama gu vbahedza Langwe nya Lizana ni Likhokhola la Hananeli.

Nehemiya 3:25

Palali, mwamana wa Uzayi, a di vbahedza gukhugela vbakhonatunu, ni vbalangwetunu yi khugelago vbanyumbatunu nya wufumu, yi guromo vbafuvbi ni mwanya nya lipaso; khu hwane gwaye, a thuma Pedhaya, mwamana wa Parosi.

Nehemiya 3:3

Va na Hasenaha va di vbahedza Mwanya wu ranwago gupwani Mwanya nya Dzindzandzi, va emisa madingo ni guthela malimba ni sikhotho saye gumogo ni sikwinyaro.

Nehemiya 3:6

Joyadha, mwamana wa Paseya, ni Mesulamo, mwamana wa Bhesodhiya; va di vbahedza Mwanya wa Gale, va emisa madingo, va thela malimba ni sikhotho saye gumogo ni sikwinyaro.

Nehemiya 8:16

Khavbo avbo vathu va diya pila matamo yoyo va ta gira khayo mitshatsha, muthu ni muthu a dita vbaha vbatshani nya langwe yaye ni mitendrelani gwawe, ni dzinyangwani nya Nyumba ya Nungungulu, ni tandralani nya Mwanya nya Mati, ni tandralani nya Mwanya wa Efrayimi.

Jeremiya 31:38

Pfhumu Nungungulu a ngu ganela, khuye: Wonani, ma nguta matshigu, lidhoropa leli li na vbahedzwago nyaluphye, li vbahedwa Pfhumu Nungungulu, gukhugela Likhokhola la Hananeli kala Nyangwa nya Gutshangane.

Jeremiya 32:2

Khu gikhati gyogyo Jerusalema gu di randredwe khu masotshwa ya Bhabhiloni; muprofeti Jeremiya a di khothedwe likupakupani nya nyumba ya mufumeli wa Judha.

Sofoniya 1:10

Litshigu lolo, a ngu ganela Pfhumu Nungungulu, gu na pwala huwa gukhugela Nyangwatunu nya Dzindzandzi, ni gu keta gukhugela Talalani nya Guphya, ni ligwaha nya likhongolo gukhugela sigomoni.

Johane 5:2

Jerusalema, vbafuvbi ni mwanya nya dzinvuta li diromo lidhamo, li nga bani li ranwa khu Gihebheru pwani Bhetesadha; li diri ni livbandre myanya.