Nehemiya 12:27 - Bhibhiliya Nya Guage

²⁷ Gikhatini nya gukhangudwe libhiyo la Jerusalema, gu di ranwa khu malangani nya guhambanelane, va na Levhi vatshavbo gasi vata khangula libhiyo khu gutsaka, na va gu embelela khu dzindzimo, ni gudhumisa khu dzingoma, sitendre, dzimbila ni mitandrandra.

Nehemiya 12:27 Iomraidhean Croise

2 Samuweli 6:12

Khavbo avbo, va di tivisa Dhavhidhe, khavo: “Pfhumu Nungungulu kategiside ndranga ya Obhedhi-Edhomi, ni satshavbo a gu naso, khu kotani nya guhaladze Ngasa ya Nungungulu, khu guralo Dhavhidhe a di hongola ga Obhedhi-Edhomi aya dzega Ngasa ya Nungungulu, a yi yisa Dhoropani ga Dhavhidhe khu litsako.

1 Dzipfhumu 8:63

Solomoni a di ningela miphaso nya gurule; miphaselo a nga ningelago ga Pfhumu Nungungulu, a diri magumavili na mavili magumi mazana (22.000) nya dzimombe, ni lizana ni magumavili magumi mazana (120.000) dzinvuta; isoso khiso mufumeli ni va na Israyeli va nga agisa khiso Nyumba ya Pfhumu Nungungulu.

1 Dzikoronika 13:8

Dhavhidhe ni vatshavbo va na Israyeli, va di hana mbeli ga Nungungulu, khu monyo wawe watshavbo; va embelela, va womba sitendre, ni dzimbila, singomana, sitshatsharu ni mipundru.

1 Dzikoronika 15:12

a va embela, khuye: “Enu khenu mihungo nya dzinyumba dza na Levhi; dzi agiseni, enu gumogo ni vandriyanu, mu dzegani Ngasa ya Pfhumu Nungungulu wa Israyeli mu yi yisa wulangani nyi wu dongisedego.

1 Dzikoronika 15:16

Dhavhidhe a di embela vathangeli va na Levhi, gu va wumba tsawa vbakari ga va na gyawe nya vaembeleli, gasi va womba siwombawomba nya gufanane ni dzimbila, sitendre ni siphaphato nya dzisimbi, va gira ligwaha ni gutsaka.

1 Dzikoronika 15:28

Vatshavbo va na Israyeli, avo va nga bani va gu vbwelegedza Ngasa nya Gidzumeledzwano gya Pfhumu Nungungulu, va di kulungela khu gutsaka na va gu womba siphaphato ni mipundru, singomana, sitendre ni dzimbila.

1 Dzikoronika 15:4

Dhavhidhe a di tombanisa gambe va na Aroni ni va na Levhi.

1 Dzikoronika 16:42

gumogo navo gu diromo Hemani ni Jedhutumi, va nga bani va womba mipundru ni siphaphato nya dzisimbi dzimindrudzile nya gudhumise Nungungulu; va na Jedhutumi va diri vawoneleli nya dzinyangwa.

1 Dzikoronika 16:5

Asafi, a diri muthangeli, nya wuvili khu Zakariya, a landrela Joyele, Semiramoti, Joyeli, Matatiya, Eliyabhi, Bhenaya, Obhedhi-Edhomi ni Joyeli, va diri ni sitendre ni dzimbila; gasi Asafi a di womba siphaphato nya dzisimbi.

1 Dzikoronika 23:5

Ni magumana mazana (4.000), va khala vawoneleli nya myanya, vambe magumana mazana (4.000), va rungudza Pfhumu Nungungulu khu siwombawomba, iso Dhavhidhe a nga bani a si giride gasi gu dhumisa khiso.

1 Dzikoronika 26:31

Vbakari ga va na Hebroni muthangeli a diri Jeriya. Gasi khu mahungu nya longoloko wa na Hebroni gumogo ni dzindranga dzawe, wu di khedzisedwa gwadi khu mwaga nya magumana nya gufume ga Dhavhidhe, va mana ndrani nya linyangwa lawe, vama nya dzindrena tigoni ga Jazeri wa Gileyadhi.

2 Dzikoronika 29:25

A di emisa va na Levhi Nyumbani ga Pfhumu Nungungulu, na vari ni dzingoma ni sitendre ni dzimbila, kha nga guleletela ga Dhavhidhe ni Gadhi, muwoneleli wa mufumeli ni wa muprofeti Natani; kholu gileletelo gegi, gi dzude khu ga Pfhumu Nungungulu, khu magana ya vaprofeti vaye.

2 Dzikoronika 29:30

Khavbo avbo, mufumeli Ezekhiya, a di embela vakhongolo, ni va na Levhi, gukhuye va na rungudze Pfhumu Nungungulu, khu magana ya Dhavhidhe ni ya Asafe, mutuguli nya siwoniso. Va di rungudza na va tsakide, va nogisa dzithamo va khozela.

2 Dzikoronika 5:13

Vaembeleli vava, va di womba mipundru ni gu embelela gumogo, gasi gu pwala nari lito limwedo basi, va dhumisa ni gubonga Pfhumu Nungungulu, va khusa malito khu mipundru ni siphaphato nya dzisimbi ni dzimbila ni dzingoma nya sizimba, va embelela, khavo: “Dhumisani Pfhumu Nungungulu, kholu lulamide ni wuhindzi waye wu ngu simama kala gupindruga.” Khavbo avbo, Nyumbani ga Pfhumu Nungungulu gu di fenengedzwa khu lipfhi;

2 Dzikoronika 7:6

Vaphasi nya mhamba va di phela gu gira thumo wawe gumogo ni va na Levhi, na va pharide dzingoma nya wutsendze nya guwombele Pfhumu Nungungulu, edzi mufumeli Dhavhidhe a nga bani a va rumide gu gira gasi gudhumisa khidzo Pfhumu, kholu wuwadi waye khwa gu simama kala gupindruga, vaphasi nya mhamba va di gu womba mipundru na va khedzanide ni va na Levhi, vatshavbo va na Israyeli na va emide.

Ezira 6:16

Va na Israyeli, vaphasi nya mhamba, va na Levhi ni mitshaledwa ya avo va nga bani vari wugumbitunu, va di agisa Nyumba yeyi ya Nungungulu, na va gu nengede.

Nehemiya 11:20

Vambe va na Israyeli, vaphasi nya mhamba ni va na Levhi, va di vbaha madhoropani ya Judha, muthu ni muthu a khala petoni gwaye.

Nehemiya 12:43

Litshigu lolo, gu ningedwe miphaselo nya dzimhamba nya dzikhongolo gu bwelo khavbo gu nengedwa; kholu Nungungulu a di va ningide litsako nya likhongolo. Vanyamayi ni sanana, avo navo va di gu tsakide ngudzu. Huwa nya litsako lolo yi di pwala Jerusalema gwatshavbo, kala hwindzo.

Nehemiya 8:17

Tshangano watshavbo nya avo va nga wuyago khu wugumbitunu va di gira mitshatsha va khala umo; kholu va na Israyeli gukhugela matshiguni ya Jesuwa, mwamana wa Numi, kala litshigu lile, va di si gu giri isoso; khu guralo, gu di manega gutsaka nya gukhongolo ngudzu.

Dzindzimo 149:3

Va na dhumise lina laye khu gu hana, va embelela na va gu womba sitendre ni dzingoma.

Dzindzimo 30:1

Eni nyi ngu gu khusedza, Pfhumu Nungungulu, kholu u nyi vbanyiside, khwa diga valala vangu va ghiya hwamboni gwangu.

Dhewuteronome 16:11

U na tsaka mbeli ga Pfhumu Nungungulu wago, uwe, gyanana gyago nya gikhwathana ni nyamahegyane wago, githumi gyago nya mwama, egi nya nyamayi ni Mulevhi a guromo dhoropani gwago, ni muluveli, dzikhulungu, ni vamalile va guromo vbakari gwago, wulangani owu Pfhumu Nungungulu wago a na gu wu hathago gu khala avbo lina laye.

Dhewuteronome 20:5

Dzindruna dzi na ganela ga vathu khidzo: “Khu mani vbakari gwanu a vbahidego nyumba nya yiphya yi si gu khangudwigo? A na bwelele gaya gwaye, kholu a ngaya yafa nyimbitunu, nyumba yaye yi tshala yi khangudwa yi laledwa khu vambe, uye na fude.

Vafilipi 4:4

Nengelani ga Pfhumu; nyi ngu engedza gu mi embela, nengelani.

Gutuledwa 5:8

Na gu hakha libhuku, sirengo sile sa sina ni madhota yale nya magumavili na mana ma di khidzima mbeli ga Nvutana, mari ni sitendre ni sikombe nya gugirwe khu ndralama na si tade khu libani, a gu milombelo nya sihathwa.