Nehemiya 12:24 - Bhibhiliya Nya Guage

²⁴ Thumoni nya gudhumise Nungungulu ni gubonga, va na Levhi va di kabanisedwe khu mitsawa, na va gu thangedwa khu Hasabhiya ni Serebhiya, ni Jesuwa, mwamana wa Kadimiyeli ni vandriyaye, mitsawa ya mivili yi di pingulelana, tsawa ni tsawa ni lito laye, kha nga guruma nya sileletelo sa Dhavhidhe, muthu wa Nungungulu.

Nehemiya 12:24 Iomraidhean Croise

1 Dzipfhumu 17:24

Khavbo avbo, nyamayi a di ganela ga Eliya, khuye: “Olu nyi ngu dziti gukheni uwe u muthu wa Nungungulu, ni gukhuye; khya lisine magana ya Pfhumu Nungungulu ma dugelago khu kanani gwago.”

1 Dzikoronika 16:4

Dhavhidhe a di emisa vambe vbakari ga va na Levhi, gasi va gire thumo nya gugire miphaso mbeli nya Ngasa nya Gidzumeledzwano gya Pfhumu Nungungulu, gasi gu rungudza ni gu khusedza Pfhumu Nungungulu wa Israyeli, a gu ava:

2 Dzikoronika 8:14

Kha nga gu landrisa nayo wa babe waye Dhavhidhe, a di emisa mitsawa nya vaphasi nya mhamba mayelano khu mathumelo yawe, gumogo gambe ni ya na Levhi, mayelano khu mithumo yawe nya guembelele, va dhumisa Nungungulu ni gu phasedzela vaphasi nya mhamba, gukhedza khu fanelo ya moyo ni moyo. A emisa gambe ni vaemeledzi nya dzinyangwa, khu nyangwa ni nyangwa mayelano ni giyemo gyawe. Kholu uyoyo, khuye a nga bani nari nayo wa mufumeli Dhavhidhe, muthu wa Nungungulu.

Ezira 2:40

Va na Levhi, va na Jesuwa, va na Kadimiyeli, va na Hodhavhiya va diri livbandre na mavili magumi na vana (74).

Nehemiya 11:17

Mataniya, mwamana wa Mika, mwamana wa Zabhidhi, mwamana wa Asafi, muthangeli nya dzindzimo umo nya milombelo, ni Bhakebukiya, uye nya wuvili ga vandriyaye, gu landrela Habidha, mwamana wa Samuwa, mwamana wa Galali, mwamana wa Jedhutumi

Nehemiya 12:23

Va na Levhi va di lovedwe kha nga vathangeli nya dzinyumba umo nya Libhuku nya Matimo, kala matshiguni ya Jowanani, mwamana wa Eliyasibhi.

Nehemiya 12:36

ni vandriyaye, Semaya, Azareli, Milalayi, Gilalayi, Mahayi, Netaneli, Judha ni Hanani na vari ni siwombawomba nya wutsendze sa Dhavhidhe, muthu wa Nungungulu; mulovi Ezira, a di thanga mbeli gwawe.

Nehemiya 8:7

Muthu ni muthu a di ema wulanga waye, na va gu tshamusedwa nayo khu Jesuwa, Bhani, Serebhiya, Jabini, Akube, Sabhetayi, Hodhasi, Mahaseya, Kelita, Azariya, Jozabhadhi, Hanani, Pelaya gumogo ni va na Levhi.

Nehemiya 9:4

Jesuwa, Bhani, Kadimiyeli, Sebhaniya, Bhuni, Serebhiya, Bhani ni Kenani va di emide vbawutalatunu nya mapulango ya na Levhi, va di huwata khu lito nya likhongolo ga Pfhumu Nungungulu wawe.

Dhewuteronome 33:1

Egi khu gikategiso Mosi, muthu wa Nungungulu, a ningidego sanana sa Israyeli, na si gufi.

1 Thimoti 6:11

Aholu uwe u gu muthu wa Nungungulu ndreya ga silo soso. Vbweta lisine, ni gululama, ni gukhodwa, ni lihaladzo, ni gutimisela ni gurula.

2 Thimoti 3:17

gasi muthu wa Nungungulu a khale nya guvbelele, a kodze gu gira mithumo yatshavbo nya yadi.

Josuwa 14:6

Va na Judha va di hidzimela ga Josuwa nari tigoni ga Ghiligali; khavbo avbo, Kalebi, mukenezi, mwamana wa Jefoni, ata mu embela, khuye: Uwe u ngu siti iso Pfhumu Nungungulu a ganedego ga Mosi, muthu wa Nungungulu, tigoni ga Kadhesi-Bharineya, khu kotani gwangu ni uwe.