Nehemiya 11:18 - Bhibhiliya Nya Guage

¹⁸ Vatshavbo va na Levhi va nga bani va gu vbanya Jerusalema lidhoropa nya gukatege, va diri mazana mavili ni livbandre na mararu magumi na vana (248).

Nehemiya 11:18 Iomraidhean Croise

1 Dzipfhumu 11:13

Aholu kha nyi na wandra watshavbo mufumo, nyi na tshiyela mwanago lihundzu limwedo, khu kotani nya lihaladzo nyi gu nalo ni githumi gyangu Dhavhidhe, ni lidhoropa la Jerusalema nyi li hathidego.”

Nehemiya 11:1

Avo va nga bani va thangela vathu, va di khala Jerusalema, aholu ava vambe vathu va di lola dzisolo gasi guti vbakari nya mitsawa nya likhumi mapango gu hathwa moyo a yelago guya khala dhoropani nya gukatege Jerusalema; gasi ava vambe nya livbandre na sina sipandre, va vbaha ga mambe madhoropa.

Nehemiya 11:17

Mataniya, mwamana wa Mika, mwamana wa Zabhidhi, mwamana wa Asafi, muthangeli nya dzindzimo umo nya milombelo, ni Bhakebukiya, uye nya wuvili ga vandriyaye, gu landrela Habidha, mwamana wa Samuwa, mwamana wa Galali, mwamana wa Jedhutumi

Nehemiya 11:19

Gasi vawoneleli nya dzinyangwa va diri ava: Akubi, Talimoni ni vandriyaye ni vaemeledzi nya myanya, lizana ni livbandre na mavili magumi na vavili (172).

Dhaniyeli 9:24

Gu vegidwe livbandre na mavili magumi dzisemana (70) gikhati a gi dongisedego gasi gu tshudzisa vathu vago ni lidhoropa lago nya gukatege mugighohoni gumogo ni guvivba gwatshavbo, gasi va kodze gu tsetseledwa sighoho, gasi gu reswa gululama kala gupindruga, gasi gi tadzisege giwoniso nya wuprofeti wowu, ni gu todza Wulanga nya Guage Ngudzu.

Matewu 24:15

“Khu kharato, mwa gu wona manyala nya guthavise, ma thudwago khu muprofeti Dhaniyeli na ma romo vbawulangatunu nya gukatege, uye a hevbulago a na si pimise gwadi,

Matewu 27:53

na va dugide khu marowoni, hwane nya gu bani a wugide Jesu, va di bela dhoropani nya gukatege, va wonega ga va nya gutala.

Matewu 4:5

Khavbo avbo, Sathane a di mu dzega a gu hongola naye dhoropani nya gukatege; aya mu emisa gikolitunu nya Nyumba ya Nungungulu,

Gutuledwa 11:2

Aholu, u nga pimi likupakupa li randredego Nyumba ya Nungungulu khu vbavbandze, kholu li ningedwe va nya mayigo va na gandredzelago Lidhoropa nya Gukatege ndrani nya magumana na mivili migima yitago.

Gutuledwa 21:2

Eni Johane, nyi di wona gambe na gu tshiga khu ndzadzini, khiyo ga Nungungulu, Lidhoropa nya gukatege, Jerusalema guphya, gu dzi dongisedego nga nyamayi a dzi mburisedego gasi guya hakha mwama waye.