Nehemiya 10:30 - Bhibhiliya Nya Guage

³⁰ Va di dzi tshanganisa ni vandriyawe, ni vathangeli vawe, va hengela navo gu sambanya gumogo ni gu gira gifungo nya gulandrise nayo wa Nungungulu a va ningidego khavbo ga Mosi, githumi gya Nungungulu, gukhavo va na vegedza ni gu landrisa milayo yatshavbo ya Pfhumu Nungungulu wathu, gulamula gwaye ni sileletelo saye,

Nehemiya 10:30 Iomraidhean Croise

2 Dzipfhumu 23:25

Vbakari ga vafumeli avo va nga hegulago khavo, mwalo a godzanego naye khu guvbindrugedza a wuya ga Pfhumu Nungungulu, khu monyo waye watshavbo, ni hefemulo waye watshavbo, ni tshivba yaye yatshavbo kha nga idzo wu lombago khidzo Nayo wa Mosi; khu hwane gwaye, mwalo a dugeledego nya gu gufanana naye.

2 Dzipfhumu 23:3

Mufumeli a di khuga a ema nyangwani, a wusedza gidzumeledzwano mbeli ga Pfhumu Nungungulu, gukhuye a na landrela Pfhumu Nungungulu a landrisa Milayo yaye, magana yaye ni sileletelo saye khu monyo waye watshavbo ni hefemulo waye watshavbo a tiyisa magana nya gidzumeledzwano gegi, ma nga bani ma lovidwe libhukuni mule; vathu vatshavbo va di hungega ga gidzumeledzwano gegi.

2 Dzikoronika 34:31

Mufumeli a di ya ema wulanga waye, a gira gidzumeledzwano mbeli ga Pfhumu Nungungulu, a sambanya gu gimbila khu dzindzila dza Pfhumu, a landrisa Milayo yaye, sirumo ni sileletelo saye, khu monyo waye watshavbo ni hefemulo waye watshavbo, a landrisa magana yatshavbo nya gidzumeledzwano ma lovidwego libhukuni momu.

Nehemiya 10:1

Khu satshavbo sesi, hi giride gidzumeledzwano gi tiyidego, khu gu gi lova, gi sayinwa khu manganagana yathu, ni va na Levhi vathu, ni vaphasi vathu nya mhamba.

Nehemiya 13:23

Khu matshigu yoyo gambe, nyi wonide gukheni vomo Vajudha va dzeganidego ni va nya mayigo nya va Asidhodhi, ni va Amoni, ni va Mowabhi.

Nehemiya 13:25

Nyi di va vbenyela, nyi va vala, vambe nyi va veta ni gu va kulela ndzudzu nyi bwelo khavbo nyi va gurumedza gu sambanya khu lina la Nungungulu gukheni: “Mu nga lowodzisi sanana sanu nya sagadzyana ga madzaha yawe, ambari gu lowodzisa madzaha yanu dzimbiri dzawe, ambari gudzeganani navo enu.

Nehemiya 13:30

Khu ndzila yeyi, nyi agiside vathu vatshavbo, nyi va digisa sihena satshavbo sa va nya mayigo, nyi wusedza thumo nya wuphasi ni wa na Levhi, muthu ni muthu thumoni gwaye;

Nehemiya 5:12

Khu guralo, avo va di ganela, khavo: “Ina, hi na va bweledzela silo sawe, gimwalo hi na gu va dzegela. Hi na gira iso u ganedego.” Eni nyi di ranisa vaphasi nya mhamba nyita va sambanyisa gasi va gire iso va tumbisidego.

Dzindzimo 119:106

Nyi sambanyide nyi tiyisa gukheni nyi na vegedza milayo yago nya gululame.

Ekisodha 34:16

mwendro gu wudza dzimbiri dzawe, u lowodza sanana sago. Vanyamayana vovo gikhati va bhayago ni vanungungulu vawe, va nga khulugisa sanana sago si bhaya niso ni vanungungulu vovo.

Dhewuteronome 29:11

gasi mu bele ga gidzumeledzwano Pfhumu Nungungulu wanu, a gi giridego khu gisambanyo; gidzumeledzwano egi Pfhumu Nungungulu wanu, a gi tiyisidego muhuno nanu,

Dhewuteronome 7:3

U nga dzegani ni vathu nya mayigo yoyo; u nga lowodzisi sanana sago nya sagadzyana ambari gu lowodza vanyamahegyane vawe ga sanana sago nya sikhwathana;