Nehemiya 10:29 - Bhibhiliya Nya Guage

²⁹ Vambe vathu va diri vaphasi nya mhamba, va na Levhi, vawoneleli nya dzinyangwa, vaembeleli, vasayisi va Nyumbani ga Nungungulu ni vatshavbo vale va nga bani va dugela mayigwana ya vbafuvbi, vata namarela vbamilayotunu ya Nungungulu, ni gu vagadzi vawe ni sanana sawe nya sikhwathana nesi nya vanyamahegyane ni vatshavbo avo va nga bani na vari ni tanga nya guti ni gu pima.

Nehemiya 10:29 Iomraidhean Croise

2 Dzipfhumu 10:31

Aholu, Jewu kha nga khathala gilo khu gu gimbila khu nayo wa Pfhumu Nungungulu wa Israyeli, ambari gu hambana ni sighoho sa Jerobhowamo, a nga ghohisa Israyeli.

2 Dzipfhumu 23:3

Mufumeli a di khuga a ema nyangwani, a wusedza gidzumeledzwano mbeli ga Pfhumu Nungungulu, gukhuye a na landrela Pfhumu Nungungulu a landrisa Milayo yaye, magana yaye ni sileletelo saye khu monyo waye watshavbo ni hefemulo waye watshavbo a tiyisa magana nya gidzumeledzwano gegi, ma nga bani ma lovidwe libhukuni mule; vathu vatshavbo va di hungega ga gidzumeledzwano gegi.

1 Dzikoronika 9:2

Avo va phedego khavo gu wuya vata vbahedza nyaluphye marumbini ni madhoropani gwawe, khu va na Israyeli, vaphasi nya mhamba, va na Levhi ni sithumi sa Nyumbani ga Nungungulu.

2 Dzikoronika 34:31

Mufumeli a di ya ema wulanga waye, a gira gidzumeledzwano mbeli ga Pfhumu Nungungulu, a sambanya gu gimbila khu dzindzila dza Pfhumu, a landrisa Milayo yaye, sirumo ni sileletelo saye, khu monyo waye watshavbo ni hefemulo waye watshavbo, a landrisa magana yatshavbo nya gidzumeledzwano ma lovidwego libhukuni momu.

2 Dzikoronika 6:16

Gasi olu, Uwe Pfhumu Nungungulu wa Israyeli, gira iso U si ganedego ga githumi gyago, babe wangu Dhavhidhe, U nga mu tumbisa gukhuwe: Gima ni litshigu limwedo kha gu na hamugega mbeli gwangu muthu a na khalago vbagikhalotunu nya wufumu wa na Israyeli, sanana sago sa gu sayisa dzindzila dzawe, va landrisa Milayo mbeli gwangu, kha nga idzo u gimbidego khidzo uwe.

Nehemiya 13:25

Nyi di va vbenyela, nyi va vala, vambe nyi va veta ni gu va kulela ndzudzu nyi bwelo khavbo nyi va gurumedza gu sambanya khu lina la Nungungulu gukheni: “Mu nga lowodzisi sanana sanu nya sagadzyana ga madzaha yawe, ambari gu lowodzisa madzaha yanu dzimbiri dzawe, ambari gudzeganani navo enu.

Nehemiya 7:46

Vasayisi va Nyumbani ga Nungungulu: Sanana sa Ziya, sanana sa Hasufa ni sanana sa Tabhayote,

Nehemiya 8:2

Muphasi nya mhamba Ezira, a dita ni Libhuku nya Nayo mbeli ga gidzemo gi nga bani na gi hengeledzanide nya vama ni vanyamayi, ni vatshavbo avo va nga bani na vari ni tanga nya guyingise iso si hevbudwago. A diri litshigu nya guhegule nya ngima nya livbandre na wuvili.

Nehemiya 8:3

A di ema a li hevbula tendrelani wu nga bani wu romo vbafuvbi ni Mwanya nya Mati, gukhugela dzimindrudzile kala vbakari nya mihani, a di hevbulela vama ni vanyamayi ni vatshavbo avo va nga bani na vari ni tanga nya guyingise, vathu vatshavbo va di yingisa khu githawo Libhuku nya Nayo.

Nehemiya 9:2

Va na Israyeli va di dzi hambanisa ni mambe mayigo, va ema va dzi laya khu kotani nya sighoho sawe ni sa vababe vawe.

Dzindzimo 105:45

a va girede esi gasi va sayisa sileletelo saye, va landrisa milayo yaye yatshavbo. Dhumisani Pfhumu Nungungulu!

Dzindzimo 119:106

Nyi sambanyide nyi tiyisa gukheni nyi na vegedza milayo yago nya gululame.

Dzindzimo 8:1

Uwe Pfhumu Nungungulu wathu, lina lago li khusegide ngudzu mafuni gwatshavbo. Wufumu wago wa gu khusega vbatshani ngudzu guvbindra ndzadzini.

Dzindzimo 8:9

Uwe Pfhumu Nungungulu wathu, lina lago li khusegide ngudzu mafuni gwatshavbo!

Isaya 14:1

Kholu Pfhumu Nungungulu a na pwela gisiro nyumba ya Jakobe, a dzi hathela va na Israyeli, va ta vbaha tigoni gwawe nya mavelego, va nya mayigo va nata tshangana gumogo navo, va dzi patanisa ga lihundzu la Jakobe.

Jeremiya 26:4

Khu guralo, va embele, khuwe: Pfhumu Nungungulu a ngu ganela kharati, khuye: Mwa gumba nyi yingisa ni gumba gimbila khu nayo wangu, nyi wu vegidego mbeli gwanu,

Jeremiya 34:15

Enu mu di vbindrugedzide mu gira iso si lulamidego mbeli gwangu, khu gu tshulani wugumbini vandriyanu, kha nga gu landrisa gidzumeledzwano mu giridego mbeli gwangu nyumbani gu khozedwago lina langu;

Ezekiyeli 36:27

Nyi na thela ndrani gwanu liphuvbo langu, nyi mi gira mu landrisa sileletelo sangu, mu vegedza milayo yangu ni gu yi landrisa.

Levhi 20:26

Agani mahoni gwangu, kholu Eni Pfhumu Nungungulu nyi agide, gambe nyi mi hathide vbakari nya mayigo, gasi mu khala vathu vangu.

Mitengo 5:21

khavbo avbo muphasi nya mhamba a na engedza gu sambanyisa nyamayi khu gisambanyo nya givalo, a mu embela, khuye: Wa gu bani u handrugede mwama wago a nga gu lowola, ni gu bani u dzi nyenyeziside khu gulala ni mwama a gu sigu wago, Pfhumu Nungungulu a na gu gire givalo, a gu nyenyezisa vbakari ga vathu vago, u khala gyumba, u mana madwali nya gitamba.

Johane 1:17

Kholu, Nayo wu vegidwe khu Mosi, gasi wuhigo ni lisine, hi si hakhide khu tshivba ya Jesu Kristo.

Johane 15:14

Enu mu dzipari dzangu mwa gu girani iso nyi mi rumago.

Johane 7:19

Gasi Mosi kha mi ningani nayo, gani? Aholu mwalo ni moyo wanu a wu landrisago! Khu ginani mu vbwetago gu nyi songa?”

Mithumo 11:23

Na vbohide, a di wona wuhigo wa Nungungulu a tsaka, a va embela vatshavbo va simama gu khala ni Pfhumu khu monyo moyo vatshavbo.

Mithumo 17:34

Aholu, vama nya gukari va di bela tsawani gwaye va gu khodwa. Vbakari gwawe a di romo Dhiyonisiyo wa Areyopagu ni nyamayi moyo nya gupwani khu Tamarisa ni vambe gambe.

Mithumo 23:21

U nga dzumeli, kholu vomo gipimo nya guvbindre magumana nya avo va khadego va riya, va sambanyide gufa ni guvbanya, gumba hodza ni gumba sela gilo na va si gu songi Pawulo. Olu va gu lirela uwe gu dzumela.”

Varoma 12:9

Lihaladzo lanu li na khale lihaladzo nya lisine, nyamba pembeledzela. Nyenyani guvivba mu gira nya sadi.

Dhewuteronome 33:4

Mosi a hi ningide nayo, gasi wu khala thomba nya tshangano wa Jakobe.

Dhewuteronome 5:1

Mosi a di ramba va na Israyeli vatshavbo a ta va embela, khuye: “Yingisa, uwe Israyeli, milayo ni sileletelo muhuno nyi ganelago dzindzeveni gwanu, gasi mu si hevbula, mu si vegedza ni gu si landrisa.

Dhewuteronome 5:32

Khu guralo, girani kha nga idzo Pfhumu Nungungulu wanu a mi rumidego; mu nga ndreyini muya nyamudye, mwendro nyambade.