Vaphasi nya mhamba, va na Levhi, ni vambe vathu, vaembeleli, vasayisi nya dzinyangwa, vathumegeli va Nyumbani ga Nungungulu, va di vbaha madhoropani gwawe gumogo ni va na Israyeli vatshavbo.
Va di hodza kharati Phasika va na Israyeli va nga wuyago khu wugumbitunu gumogo ni vatshavbo va nga dzi hambanisago ni manyala ya vathu va tigoni mule, va dzi tshanganisa gumogo navo, gasi va vbweta Nungungulu wa na Israyeli.
Muphasi nya mhamba Ezira, a dita ni Libhuku nya Nayo mbeli ga gidzemo gi nga bani na gi hengeledzanide nya vama ni vanyamayi, ni vatshavbo avo va nga bani na vari ni tanga nya guyingise iso si hevbudwago. A diri litshigu nya guhegule nya ngima nya livbandre na wuvili.
U nga vbiredzeli gu tula likana lago, nyamba phela khu gu pimisa u tutumela gu ganela malito mbeli ga Nungungulu; kholu Uye womo vbatshani ndzadzini, uwe u womo vbavbatshi mafuni; khu guralo, magana yago ma na khale madugwana.
wa gu sambanya khu lina la Pfhumu Nungungulu a vbanyago, u gimbila khu ndzila ni lisine ni gululama, mayigo yatshavbo ma na kategiswa, gambe ma na zundzega khu kotani yago.
Eni nyi mi embedeni gukheni: Mu naya fumela litigo lawe, nyi na gu mi ningago li khala thomba yanu; litigo li gogago mahwe ni wulombe. Kheni Pfhumu Nungungulu wanu nyi mi hathidego vbakari nya mambe mayigo.
