Nehemiya 1:7 - Bhibhiliya Nya Guage

⁷ Hi gu hosede ngudzu khu gumba landrisa sileletelo, milayo ni sirumo u nga leletelago githumi gyago Mosi.

Nehemiya 1:7 Iomraidhean Croise

1 Dzipfhumu 2:3

Vegedza ni gu landrisa milayo ya Pfhumu Nungungulu wago; gimbila khu dzindzila dzaye ni gu vegedza sileletelo saye, ni milayo yaye, gululama gwaye ni wufakazi waye, kha nga si lovidwego umo nya Nayo wa Mosi, gasi u kodza gugengela ni gudugelela ga satshavbo u na si girago, ni evbini avbo u na hongolago.

2 Dzikoronika 25:4

Aholu sanana sawe kha si songa, giride kha nga iso si lovidwego Nayo, umo nya Libhuku la Mosi, umo Pfhumu Nungungulu a nga ningela sileletelo sesi, khuye: “Vavelegi kha va na songwa khu kotani nya sighoho sa sanana sawe, ambari sanana niso, kha si na songwa khu kotani nya sighoho sa vavelegi. Muthu ni muthu a nafa khu gighoho gyaye.”

2 Dzikoronika 27:2

Uye a diri muthu nya gululame mbeli ga Pfhumu Nungungulu, a di landrisa iso a nga girago babe waye Uziya, aholu uye kha nga bela Nyumbani ga Pfhumu Nungungulu. Ambari khu kharato, vathu va di simama gu thuma mithumo nya guvivbe.

Ezira 7:6

Ezira yoyu a di khuga khu Bhabhiloni; a diri mulovi a wutigo gwadi Nayo wa Mosi.

Dzindzimo 106:6

Ethu hi ghohide gu fanana ni vababe vathu; hi giride esi nya gunyenyeze ni guvivba.

Dzindzimo 89:31

sa gu yeyisa milayo yangu, si si giri gugola gwangu,

Dzindzimo 89:32

nyi na tsayisa guyeyisa ni guvivba gwawe khu lipitso;

Isaya 1:4

Libango ga litigo leli nya gutale khu sighoho, vathu va rwadego sighoho, lifumbu nya mithumo nya guvivbe, sanana nya sidambane; va pfhurarede Pfhumu Nungungulu, va hembulula nya Guage wa Israyeli, va bwelelela hwane.

Dhaniyeli 9:11

Ina, vatshavbo va na Israyeli va ndragide nayo wago, va ndreya ndzilani, va yeyisa va si vbweti gu yingisa. Khu kotani nya isoso hi thegedwe khu libango, mitungu yi nga lowago Nayo ga Mosi, githumi gya Nungungulu, yi thegede vbatshani gwathu, kholu hi gu ghohede.

Dhaniyeli 9:13

Latshavbo libango leli, li dugelede kha nga gu lovidwego Nayo wa Mosi. Ambari khu guralo, kha ha vbindrugedza hi lomba wuhindzi ga Pfhumu Nungungulu wathu, khu gu diga sighoho sathu hi landrisa lisine lago.

Hoseya 9:9

Va phorode khu manyala nya sighoho nya sikhongolo, nga matshiguni ya Gibheya. Pfhumu Nungungulu, a na alakanya mithumo yawe nya guvivbe, a na va tsayisa khu kotani nya sighoho sawe.

Levhi 27:34

Khiso esi sileletelo pfhumu Nungungulu a leletedego Mosi, ga sanana sa Israyeli, gigomoni ga Sinayi.

Sofoniya 3:7

Eni nyi di, kheni: Khu lisine, olu mu na nyi ninga githawo; mu dzumela gulaywa; khu kharato ndranga yanu ya sa mbembiswa, kha nga idzo nyi nga bani nyi na hungide khidzo, aholu avo va di vindrugela guwuga ni dzimindru va gu ghohetela sigiro sawe.

Dhewuteronome 4:1

Gasi olu, uwe Israyeli, yingisa milayo ni sileletelo, esi nyi mi hevbudzago, gasi mu si landrisa, mu kodza guvbanya ni gu bela, gumogo ni gu dzega litigo eli Pfhumu Nungungulu wa vababe vanu, a mi ningago.

Dhewuteronome 4:5

Wonani nya gukhenu nyi hevbudzide milayo ni sileletelo kha nga edzi nyi rumidwego khidzo khu Pfhumu Nungungulu wangu, gasi mu girani kharato vbakari nya litigo mu na li dzegago li khala thomba yanu.

Dhewuteronome 5:1

Mosi a di ramba va na Israyeli vatshavbo a ta va embela, khuye: “Yingisa, uwe Israyeli, milayo ni sileletelo muhuno nyi ganelago dzindzeveni gwanu, gasi mu si hevbula, mu si vegedza ni gu si landrisa.

Dhewuteronome 6:1

Esi khu sirumo ni milayo ni sileletelo esi Pfhumu Nungungulu wago, a nyi rumidego gu mi hevbudza, gasi muya si landrisa ga litigo mu na li dzegago gasi li khala thomba yanu.

Gutuledwa 19:2

Kholu gulamula gwaye khwa lisine ni gululama, khaguva tsayiside gibhayi gikhongolo gi nga mbembisa litigo khu wubhayi waye, gambe phodzede vbatshani ga igyo novba wa sithumi saye.”