Nehemiya 1:4 - Bhibhiliya Nya Guage

⁴ Na nyi pwide magana yaya, nyi di khala vbavbatshi nyi lila nyi vbedza matshigu nya gutale na nyi guhala nyi si hodzi gilo, na nyi gu lombelela ga Nungungulu wa ndzadzini.

Nehemiya 1:4 Iomraidhean Croise

2 Samuweli 12:16

Dhavhidhe a di lombelela khu gyanana ga Nungungulu, a hala a si hodzi gilo, a bela nyumbani gwaye a lala vbavbatshi wutshigu watshavbo.

2 Dzipfhumu 22:19

Kha nga monyo wago wu thurugidego, u dzi thesa mbeli ga Pfhumu Nungungulu, gikhati u pwidego magana nyi ganedego khu mahungu nya wulanga wowu, ni ga vavbanyi vaye, gupwani wu na mbembiswa wu khala giwula ni gihegiso, u pferula dzingandzu dzago u lila mbeli gwangu, Eni neni nyi gu yingiside; a ngu ganela Pfhumu Nungungulu.

2 Dzikoronika 6:13

Kholu Solomoni a di giride wulanga nya gueme khavbo khu sugu, vbakari nya hudzwe. Gulapha nya wulanga wowo gu di enedza tanga nya livbandre mikono gulapha, ni gu gula gu enedza livbandre mikono, gukhugega gu di enedza mikono miraru, a bela umo a ema vbakari, a khidzima vbakari nya tshangano watshavbo wa na Israyeli, a khusedza mandza a khedza ndzadzini,

Ezira 1:2

Kiro, mufumeli wa Perisiya a ngu ganela kharati, khuye: Pfhumu Nungungulu wa Ndzadzini, a nyi ningide mifumo yatshavbo ya mafuni; uye gambe a nyi rwegide rwalo nya gu mu vbahele nyumba Jerusalema, tigoni ga Judha.

Ezira 10:1

Avbo Ezira a nga bani a lombelela ni gu gira dawulelo na gu lila na nogide mbeli nya Nyumba ya Nungungulu, gu dita tombana gwaye tshangano nya wungi wa na Israyeli, nya vama, vanyamayi ni sanana; kholu vathu va di gu lila khu wuvi nya wukhongolo ngudzu.

Ezira 9:3

Na nyi pwide silo nya nga esi, nyi di pferula dzingandzu dzangu ni gifenengelo gyangu nyi vbalula ni ndzudzu wa hungoni gwangu ni giledzu gyangu, nyi khala vbavbatshi na nyi tade khu guswihala.

Ezira 9:5

Vbafuvbi ni gu gira phaso nya silambo, nyi di wuga khu guswihalani gwangu, kha nga nyi nga bani nyi pferude dzingandzu dzangu ni gifenengelo gyangu, nyi di khidzima khu dzikhungumudzi dzangu, nyi thawuludza mandza yangu ga Pfhumu Nungungulu wangu.

Nehemiya 2:20

Khu guralo nyi di va hakha nyi va embela, kheni: “Nungungulu wa ndzadzini khuye a na gu hi phasedzelago thumoni gwathu; ethu sithumi sago hi na vbaha; gasi enu kha mu lumbwi khu gilo ambari malungelo mwendro gialakanyiso dhoropani ga Jerusalema.”

Nehemiya 2:4

Mufumeli a di khuye: “Wa guvbweta gukhuwe olu nyi gu girela ginani?” Khavbo avbo, nyi di lombelela ga Nungungulu wa ndzadzini,

Dzindzimo 102:15

Mahundzu yatshavbo ya mafuni, ma na rungudza lina la Pfhumu Nungungulu, ni vafumeli vatshavbo va mafuni va na dhumisa wugulu waye.

Dzindzimo 136:26

Dhumisani Nungungulu wa ndzadzini, kholu lihaladzo laye li ngu simama kala gupindruga.

Dzindzimo 137:1

Bambe nya mitsongo ya Bhabhiloni, hi di khala hi lila khu gu dundruga lidhoropa la Siyoni.

Dhaniyeli 10:2

Khu gikhati gyogyo, eni Dhaniyeli, nyi di vbedza semana tharu na nyi swihade.

Dhaniyeli 2:18

gasi va lomba wuhindzi ga Nungungulu wa ndzadzini gu a va pwela wusiwana a va tugudzisa sihalo yoyu gasi va si mbembiswi gumogo ni vagengeli va Bhabhiloni.

Dhaniyeli 9:3

Khu guralo, nyi di khusedza maho yangu ga Pfhumu Nungungulu nyi gira milombelo, nyi lila ni guhala, nyi ambala silendra ni gu phorola nguma.

Jona 1:9

Uye a di va hakha, khuye: “Eni nyi Muhebheru, nya gu khozela Pfhumu Nungungulu wa Ndzadzini, a vangidego linene ni mafu nya gubange.”

Sofoniya 3:18

Nyi na tombanisa avo va gu wugedego khu gu hamuga mitshangano nya mibuzo, avo va nga bani va khade hwindzo ni uwe, na va rwade rwalo nya gihegiso.

Varoma 12:15

Nengelani ni vale va nengelago, mu lila ni vale va lilago.