Nehemiya 1:3 - Bhibhiliya Nya Guage

³ Avo va di nyi embela, khavo: Vambe vakone va nga vbulugago gu yiswa wugumbitunu, vomo iyoyo ga gipandrengulu gile, va gu vbanya muwusiwanani ni wumbwa nya wukhongolo ngudzu, gumogo ni gu hembuludwa, mabhiyo ya Jerusalema ma khungumudwe ni malimba yaye ma vbisidwe khu nilo.

Nehemiya 1:3 Iomraidhean Croise

1 Dzipfhumu 9:7

Eni nyi na fuvisa va na Israyeli ga litigo nyi va ningidego; ni nyumba yeyi nyi yi phasedego lina langu, nyi va dzudzuga hwindzo gwangu; Israyeli a na khala gihegiso ni givalo vbakari nya mayigo yatshavbo.

2 Dzipfhumu 25:10

Masotshwa yatshavbo nya Vakalidhiya, ma nga bani mari ni muthangeli nya vawoneleli, ma di khungumulela ndzari nya likhokhola nya libhiyo la Jerusalema.

2 Dzikoronika 36:19

Va di vbisa Nyumba ya Pfhumu Nungungulu, va khungumulela makhokhola ya Jerusalema, dzinyumba dzawe nya wufumu dzi di vbiswa khu nilo, va pandrelela mikanvu yawe yatshavbo nya lisima.

Ezira 2:1

Ava khu vathu nya gipandrengulu, va widego khu wugumbitunu, va nga bani va vbagedwe khu Nabhukodhonosori, mufumeli wa Bhabhiloni, ava yisa Bhabhiloni, va nga wuyago Jerusalema tigoni ga Judha, muthu ni muthu a bwelela dhoropani gwaye.

Ezira 5:8

A na khale na gu dziti mufumeli gukhuye, ethu hi endrede gipandrengulu gya Judha, nyumbani ga Nungungulu nya khongolo yi vbahwago khu siwindri nya sikhongolo, mapulango ma phedwe gu khokhothedwa umo nya sidza, thumo wowu wa gu tutuma khu tshivba khu mandzani gwawe.

Nehemiya 11:3

Ava khu vathangeli va ngata khumo nya sipandrengulu, va dzude va ta vbaha Jerusalema; gasi umo nya madhoropa ya Judha, muthu ni muthu a di vbaha wulangani gwawe, madhoropani gwawe, a gu ava; va na Israyeli, vaphasi nya mhamba, va na Levhi, vathumegeli va nyumbani ga Nungungulu ni sanana sa sithumi sa Solomoni.

Nehemiya 2:13

Nyi di duga ni wutshigu khu mwanya wa kovatunu, wu thononago ni nambo wa Dragoni, khu phuvbo ga mwanyatunu nya litala, nyi khedza makhokhola ya Jerusalema ma nga bani ma khungumudwe, ni malimba ma nga bani na ma vbisidwe khu nilo.

Nehemiya 2:17

Khavbo avbo, nyi di va embela, kheni: Mu ngu wu wona gwadi wusiwana hi gu navo; Jerusalema gu khungumudwe, malimba yaye ma dagarede khu nilo! Khu guralo, deluni hi ta wusa likhokhola la Jerusalema gasi hi si khali gambe gihegiso.

Nehemiya 2:3

nyi mu phindrula, kheni: “Mufumeli, vbanya kala gupindruga! Nyi na kala nyi si swihali khu ginani, na nyi gu wona lidhoropa va ladego umo vavelegi vangu na li khungumudwe, malimba yakone na ma dagarede khu nilo.”

Nehemiya 7:6

Ava khu va na Israyeli va modwego khu mufumeli Nabhukodhonosori wa Bhabhiloni; a va vbagela a va yisa wugumbini, va widego khu gipandrengulu nya litigo va nga bani vari umo, muthu ni muthu a di wuyela dhoropani gwaye, Jerusalema ni Judheya.

Dzindzimo 79:4

Hi khade gihegiso ga vaakelane vathu, vale va nga hi randrela va hi hega ni gu hi tsorodzela.

Mavingu 25:28

Muthu a gumba kodza gutimisela, a gu fanana ni lidhoropa likhokhola laye li khungumugidego.

Isaya 43:28

Khu guralo, nyi na nyenyezisa vathangeli vago va nyumbani nya guage; nyi na ningela Jakobe a mbembiswa ni Israyeli a vadwa, a khala gihegiso.

Isaya 5:5

Gasi, eni olu, nyi na mi yeyedzani esi nyi vbwetago gu gira ga lithembwe langu: Nyi na thesa libhiyo gasi li khala wuhaviselo, nyi khungumula ni ndzari yaye, gasi li gandredzedwa.

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 29:18

Nyi na va lundra khu dzinyimbi, ndzala ni mitungu; va na khala gilo nya guthavise ni gihegiso ga mifumo yatshavbo ya mafuni; vavbindri nya ndzila va na kutsunga mihungo va va hega, ga yatshavbo mayigo nyi na gu bani nyi va phalalegisede umo.

Jeremiya 39:8

Vakalidhiya va di vbisa nyumba ya mufumeli gumogo ni dzinyumba dza vathu, va khungumulela gambe mabhiyo ya Jerusalema.

Jeremiya 42:18

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Mwa gu hongolani tigoni ga Egipito, guvbisa nya likhulo langu li na thegela vbatshani gwanu kha nga idzo li thegedego khidzo vathu va Jerusalema. Mu na hembuludwa ni gu vadwa khu vathu, mu na khala gilo nya gihegiso, litigo lanu, kha mu na tshuka mu li wona gambe.”

Jeremiya 5:10

Litani mabhiyo yaye mu ma khungumula, aholu, mu nga ma pfhungumuleli muphelo; duselani matamo yaye, kholu ayo kha ma lumbi Pfhumu Nungungulu.

Jeremiya 52:14

Khu hwane nya isoso masotshwa nya Vakalidhiya ma nga bani ma gu bangaladza muthangeli nya vaemeledzi, ma di khungumula mabhiyo yatshavbo nya gubhiye Jerusalema.

Gililo 1:7

Olu, ga matshigu yaya nya wuvi ni gutshaniseka, Jerusalema a ngu alakanya silo saye nya gu si gole ngudzu, si nga bani si mu lumba ga matshigu ma vbindridego; avbo vathu vaye va nga thegela mandzani ga nala wawe, mwalo ni moyo a nga tago a ta mu phasa, valala va di mu hega ni gu mu tsorodzela khu guthega gwaye. Heti

Gililo 2:9

Malimba ya Jerusalema ma thegide vbavbatshi; ma pandregide gu funyega sikwinyaro; vafumeli ni vathangeli va phalalegide ni mayigo. Olu wu mwalo gambe nayo, ambari ni vaprofeti Pfhumu Nungungulu kha ngu va tulela gambe siwoniso. Yod

Gililo 3:61

Pfhumu Nungungulu, u pwide givalo ni malipha va nyi singedzago;

Gililo 5:1

Pfhumu Nungungulu, alakanya iso si hi dugeledego. Khedza u wona dzitshoni hi gu nadzo.

Levhi 26:31

Madhoropa yanu nyi na ma gira marumbi, nyi khungumulela malanga yanu nya miphaso, gima kha nyi na tsakiswa khu gunungela nya mahema nya miphaso yanu.

Levhi 26:33

Nyi na mi phalalegisa vbakari nya va nya mayigo, nyi mi fuvisa khu matshari; litigo lanu li na khala giwula, ni madhoropa yanu ma na khala marumbi.