Nahume 3:3 - Bhibhiliya Nya Guage

³ Vakhileli nya dzikavalu, va gu khusedza matshari ni sighalala nya gukhedzige, va sasela gidzemo, gu mbambamela sirumbi nya singi; sirumbi nyamba valedwa; vathu va gu tshunganiswa khu sirumbi,

Nahume 3:3 Iomraidhean Croise

Genesi 3:24

Nungungulu, hwane nya gu bani na tutumiside muthu, a di vega dzingilozi dzaye ni dzikerubhimi phuvbo ga Khugadambo, dzinyangwani nya lithembwe la Edheni, na dzi pharide matshari nya nilo, gasi gu segela muthu ndzila nya guye mana simbo nya womi.

2 Dzipfhumu 19:35

Khu wutshigu wowo wa wumowo, Ngilozi ya Pfhumu Nungungulu, yi dita vbalizumbotunu la Vaasiriya, yita sasela lizana ni livbandre na mararu ni livbandre magumi mazana (185.000) vama; khu mindru gakone gu dita manega sirumbi basi.

Isaya 34:3

Vale va songetedwego va na dzudzugedwa vbavbandze, sirumbi si na nunga khu guhina; ni novba wawe wu na goga musigomoni.

Isaya 37:36

Khavbo avbo, Ngilozi ya Pfhumu Nungungulu yi diya sasela lizumbo la Vaasiriya, yi songa lizana ni livbandre na mararu magumi ni livbandre magumi (185000) mazana vathu; avbo vambe va nga wugago ni dzimindru, va dita va mana nari sirumbi.

Isaya 66:16

Kholu, Pfhumu Nungungulu a na lamula vathu vatshavbo, khu nilo ni litshari; vangi ngudzu va na gu songwago khu gyandza gya Pfhumu Nungungulu.

Ezekiyeli 39:4

U na thega khu sigomoni sa Israyeli, uwe gumogo ni masotshwa yago yatshavbo, ni vathu nya mayigo u gu navo. U na khala guhodza nya makoti ni sirengo nya mafumbo yatshavbo ya khabini.

Levhi 26:37

Va na thegela vbatshani ga vathu vakwawe gukhwatshi va gu thava matshari, nyamba lundrwa khu muthu; gima kha mu na wuga gambe vbatshani ga valala vanu.

Nahume 2:4

Dzikareta nya nyimbi dzi na dzundrulugela mitendrelani; dzi na ghumulana dzindzilani, makhalelo yawe ma gu fanana ni myenge nya nilo, dzi na tutuma kha nga gulasa.

Habhakuka 3:11

Lidambo ni ngima si di ema malangani gwaye, si dzimeledwa khu gukhedziga nya sighalala, ni guvbyuga nya matshari yago nya gukhedzige.