Nahume 1:4 - Bhibhiliya Nya Guage

⁴ Uye a ngu kawuka linene, livbwa, a bangisa ni mitsongo yatshavbo; a vbedza tshivba Bhasani ni gigomoni gya Karimelo, a wunisa senge sa Libhanoni.

Nahume 1:4 Iomraidhean Croise

Genesi 8:1

Nungungulu a di alakanya Nowa ni sirengo satshavbo nya likhabi, ni sifuyo si nga bani siri ni Nowa taroni. A di wusa phuvbo yi gu furugedza mafuni, mati ma phela gubosa.

2 Samuweli 22:16

Khavbo avbo, gu di wonega litamo nya mati, gu fuguga matshina nya litigo khu kotani nya tsayiso wa Pfhumu Nungungulu, ni phuvbo yi nga furugedza khu dzithonvuni gwaye.

Joba 38:11

avbo nyi nga li embela gukheni: U na hegisa khavba, khu na vbindra gambe uya mbeli, mavimbi yago nya wurena ma nata vbela avba?

Dzindzimo 104:7

Aholu, khu gu ma kawuka gwago, ma di tutuma, ma di thuruga ma thava khu gupwa gudzuma nya lito lago.

Dzindzimo 106:9

A di kawuka Yiphwa nya Gufuvile mavbwa mati, a va thangela guetani nya nondrwa, gukhwatshi va gu gimbila giwulani nyambana mati.

Dzindzimo 114:3

Yiphwa, na yi si wone esi yi di tutuma; tsongo wa Joridhani wu di bwelela hwane.

Dzindzimo 114:5

Uwe yiphwa, ginani gi nga gu girago u tutuma? Nuwe Joridhani, khu ginani u nga bwelela hwane?

Dzindzimo 18:16

Khu vbatshani a guromo iyo, a di rumela guta nyi dzega, a nyi dusa khu matini nya mwedzi nya tshivba.

Dzindzimo 74:15

Uwe u tude sifefe ni mitsongo, u bangisa mitsongo nya yikhongolo.

Isaya 33:9

Litigo lomo mugililoni ni guvbela tshivba; Libhanoni a gu wu na khu dzitshoni; Saromi, vbindrugedzide a fanana ni giwula, Sihagane sa Bhasani ni Karimelo si moride.

Isaya 42:15

Nyi na khungumula sigomo ni sigomwana, nyi bangisa mwasi waye, mitsongo yi na vbindrugedza yi khala sidwa, nyi bangisa matsiva.

Isaya 44:27

Nyi na embela guetani nya yiphwa, kheni: “Uvbwa, eni nyi na bangisa mitsongo yago.”

Isaya 51:10

Ina khandri uwe u nga bangisa yiphwa, ni gu vbwisa milondrwa nya guete ngudzu, gani? Wule a nga tula ndzila khu vbakari nya yiphwa, gasi va tsemakanya vale U va tshudzisidego, gani?

Ezekiyeli 30:12

Nyi na bangisa mitsongo, ni gu rengisa litigo, khu gu li ningela mandzani ga vathu nya dzihanyi; khu mandzani ga va nya mayigo, nyi na gira marumbi litigo ni satshavbo si guromo umo; kheni Pfhumu Nungungulu nyi ganedego isoso.”

Ezekiyeli 38:20

Dzindzandzi dza phwani, sinyoni sa damboni, ni sirengo sa khabini, gumogo ni sirengo satshavbo nya gukhwirire khu lididi mafuni, ni vathu vatshavbo va guromo tigoni, va na ndrendremela mbeli gwangu; sigomo si na theswa vbavbatshi ni siwindri si na khungumudwa, ni mabhiyo yatshavbo ma na thega.

Amosi 1:2

Uye a di ganela, khuye: “Pfhumu Nungungulu a na bhonga khu Siyoni, a pwadza lito laye khu Jerusalema; gu manega gililo wuhaviseloni ga vahavisi, gubanga tshokatunu nya gigomo gya Karimelo.”

Amosi 5:8

Vbwetani uye a nga gira tshangano nya dzinyeledzi ni thandra nya masase; uye a vbindrugedzago gidema gi khala guwonegela nya dzimindrudzile, mihani gu vbindrugedza gu khala wutshigu, uye a ranago mati ya linene a ma guhula vbatshani nya mafu; lina laye khuye Pfhumu Nungungulu.

Matewu 8:26

Jesu a di va embela, khuye: “Mwa gu thava ginani, vathu nya gukhodwe vbadugwana?” Na khugide, a di kawuka phuvbo ni mavimbi. Khavbo avbo, gu di manega malenga nya makhongolo.

Josuwa 3:16

mati ma nga bani ma guta khu vbatshani ma di ema; ma wungedzelana ma khala gigomo ma gira kha nga libhulaho, ma anama kala vbafuvbi nya gitigwana ga talala wa Adhamu, gu khalago wubambe ga Saritani; ayo ma nga bani ma goga maya phwani ga Arabha, a gu Yiphwa nya Munyu, ma di pidwa yatshavbo. Khavbo avbo, vathu va di vbindra khu mbeli ga Jeriko.