Nahume 1:2 - Bhibhiliya Nya Guage

² Pfhumu Nungungulu nya wufu ni gu dzi phodzela! Pfhumu Nungungulu a ngu dzi phodzela na tade khu likhulo! Pfhumu Nungungulu a ngu dzi phodzela ga avo va mu wugelago, na gu yeyedza likhulo laye ga valala vaye.

Nahume 1:2 Iomraidhean Croise

Joba 20:23

Avbo a na dzipwago na khuride, Nungungulu a na mu resela mhango nya likhulo laye, li vbalaga vbatshani gwaye li khala guhodza gwaye.

Dzindzimo 94:1

Uwe Pfhumu Nungungulu nya gutsayise, dzi nonedze uwe Nungungulu nya guphodzele.

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Ekisodha 34:14

U nga khozeli mumbe nungungulu, kholu Pfhumu Nungungulu, lina laye khuye Nyawufu; Nungungulu nya wufu.

Ekisodha 34:7

wuhindzi waye wu thaphelago kala ga gitugulwana nya likhumi mazana, A tsetselelago guvivba, guyeyisa ni gughoha; aholu A si tshuligo vale va gu ni nandru; A tsayisago sihoso sa vavelegi ga sanana sawe ni ga sanana sa sanana sawe, kala gu vboha ga melana nya wuraru mwendro nya wu na.”

Isaya 42:13

Pfhumu Nungungulu a na duga kha nga ndrena, kha nga muthu a dugago guya nyimbitunu, a goroga a wusa likhulo laye, a huwata, a gira ligwaha nya likhongolo nya nyimbi, a yeyedza tshivba yaye mbeli ga valala vaye.

Isaya 51:17

Khendzuga! Khendzuga! Khuga u ema uwe Jerusalema! Uwe u sedego khu mandzani ga Pfhumu Nungungulu gikombe nya likhulo laye. U sede gikombe gi levisago kala u vbedza ni giminya gyakone, u leva.

Isaya 51:20

Sanana sago si titivade, si mbambamede mahandzakanyani nya dzindzila dzatshavbo, gu fanana ni tshesi yi modwego khu naphwi; va levide khu likhulo la Pfhumu Nungungulu, ni tsayiso wa Nungungulu wago.

Isaya 66:15

Wonani nya gukhenu Pfhumu Nungungulu a nata kha nga nilo, ni dzikareta dzaye dzi na fanana ni gipupwane, gasi gu resa likhulo laye nya guvbise. A na va kawuka khu malavbelavbe nya nilo.

Jeremiya 25:15

Kholu Pfhumu Nungungulu wa Israyeli, a nyi embede kharati, khuye: “Dzega mandzani gwangu gikombe gegi nya vbinyu gi tadego khu likhulo langu u ya sedza mayigo yatshavbo nyi na gu rumelago umo.

Jeremiya 28:8

Vaprofeti va vbindridego hwane gwangu ni uwe, va ganede ga mayigo nya gutale ni ga mifumo nya yikhongolo, va di ganela khu dzinyimbi, dzimhango, mitungu ni ndzala.

Jeremiya 3:5

“U na vegedza likhulo laye gikhati gyatshavbo, gani? Mwendro u na mu sayisa gikhati gyatshavbo? Wona, u ganede esi khu likana basi, aholu u di simama gu ghoha.”

Jeremiya 36:7

A gu dzina saye nombelo wawe wu na vboha mbeli ga Pfhumu Nungungulu, muthu ni muthu a vbindrugedza ndzilani gwaye nya guwegele, kholu likhulo li tivisidwego khu Pfhumu Nungungulu ga vathu vava, likhongolo ngudzu.”

Jeremiya 4:4

Khalani vathu va hanidego wugwera mahoni gwa Pfhumu Nungungulu, dusani guvivba gwa myonyoni gwanu enu vathu va Judha ni enu vavbanyi va Jerusalema, gasi mu sivbyi khu nilo nya likhulo langu, nyamba manega ni moyo nya gu wu tshime, khu kotani nya mithumo yanu nya guvivbe.

Jeremiya 50:15

Wombani pundru nya nyimbi, mu randreleni khu maphuvbo yatshavbo mu dwane naye! Uye a ngu thesa matshari a dzi ningela, makhokhola yawe ma ngu thega, ni mabhiyo yaye ma ngu khungumuga! Kholu oyu khu tsayiso wa Pfhumu Nungungulu; dzi phodzeleni kha nga idzo va mi giredego.

Gililo 4:11

Pfhumu Nungungulu vbohide mahegiso nya likhulo laye, vbaladzide likhulo laye, rothide nilo Siyoni wu nga vbisago siseketelo nya madingo yaye. Lamed

Ezekiyeli 36:6

Khu guralo, profeta ga litigo la Israyeli, u embela sigomo ni sigomwana, mitsongo ni mikova, khuwe: Mune Pfhumu Nungungulu a ngu ganela kharati, khuye: Wonani nya gukhenu eni nyi ganede khu guvbisega nya monyo wangu, kholu enu mu tshanisekide khu gu khalani na muri gihegiso vbakari nya mayigo.

Ezekiyeli 38:18

Isoso si na girega ga litshigu lolo, avbo Gogi a na tago ata dhumela litigo la Israyeli, nyi na mu gorogela ngudzu, a ngu ganela Mune Pfhumu Nungungulu.

Ezekiyeli 38:19

Khu guralo, khu ligolo langu ni likhulo langu nya likhongolo, nyi ngu ganela gukheni, ga litshigu lile, li na kutsungwa khu tshivba ni tshivba litigo la Israyeli.

Ezekiyeli 39:25

Khu guralo, Mune Pfhumu Nungungulu, a ngu ganela kharati, khuye: “Olu, nyi na bweledza va na Jakobe khu wugumbitunu; nyi bwelo khavbo nyi pwela gisiro va na Israyeli vatshavbo; nyi na khathalela lina langu nya guage.

Ezekiyeli 5:13

Khu guralo, li na vbela likhulo langu, ni khorodza yangu yi na bosa, nyi tangala; khavbo va na dzitigo gukhavo Eni, kheni Pfhumu Nungungulu, nyi ganedego khu guvbisega gwangu, avbo gu na tadzisegago likhulo langu.

Ezekiyeli 6:12

Uye a guromo hwindzo a nafa khu tungu, uye a guromo vbafuvbi a nafa khu litshari, uye a na tshalago a nafa khu ndzala. Kharato, nyi na rumela likhulo langu avbo gwawe.

Ezekiyeli 8:18

Khu guralo, nyi na va lamula khu likhulo; kha nyi na va pwela gisiro, gambe kha nyi na va tsetsa. Ambari va gu womba huwa dzindzeveni gwangu, kha nyi na va yingisa.”

Joyele 2:18

Khu guralo, Pfhumu Nungungulu a na pwela wusiwana litigo laye, a na tsetselela vathu vaye.

Levhi 26:28

Eni nyi na mi wugela khu likhulo, nyi mi tsayisa livbandre na dzimbili dzinyondro khu kotani nya sighoho sanu.

Mikeya 5:15

Khu likhulo ni giviti gyangu, nyi na phodza ga mayigo ma ngamba nyi yingisa.”

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Zakariya 1:14

Khavbo avbo, ngilozi yi nga bani na yi ganela ni eni, yi di nyi embela, khiyo: Huwelela esi, u ganela, khuwe: Pfhumu Nungungulu nya Tshivba Yatshavbo, a ngu ganela kharati, khuye: Nyi ngu vbisega ngudzu khu kotani ya Jerusalema ni Siyoni;

Zakariya 8:2

Pfhumu Nungungulu nya Tshivba Yatshavbo a ngu ganela kharati, khuye: “Khu kotani gwago uwe Siyoni, nyi ngupwa likhulo nya likhongolo ngudzu li khondrago monyoni gwangu, li nyi wusela wufu ni khorodza nya yikhongolo ngudzu.”

Mitengo 25:11

“Fineya mwamana wa Eleyazari, mwamana wa muphasi nya mhamba Aroni, ndreyiside hwindzo likhulo langu ga va na Israyeli, kholu a simamide gu yeyedza githawo avbo gwangu vbakari gwawe; khu guralo, kha nya mbembisa va na Israyeli khu likhulo langu.

Varoma 12:19

Vandruye, mu nga dzi phodzelini mwabune, digani Nungungulu a tsayise, kholu Pfhumu a ngu ganela omu nya Milowo nya Guage, khuye: “Eni kheni nyi gu ni fanelo nya gutsayise; kheni nyi na tshatshazelago.”

Varoma 13:4

Kholu fanelo yatshavbo nya guthangele vathu ya guta khu ga Nungungulu, gasi guthumela uwe. Aholu wa gu gira guvivba u na ni fanelo nya guthave, kholu vathangeli va na ni tshivba nya gutsayise. Muthangeli kha phari ndronga mahala. Wuthangeli wa gu thumela Nungungulu khu gu tsayisa vale va girago guvivba.

Dhewuteronome 4:24

Kholu Pfhumu Nungungulu wago, nilo wu dagaredzisago, Nungungulu nya wufu.

Dhewuteronome 7:10

aholu, a gu bweledzela vale va mu vengago, khu gu va tsayisa a va mbembisa; avo va mu vengago, kha hweli gu va bweledzela.

Vahebheru 10:30

Kholu hi ngu muti gwadi oyu a nga khuye: “Guphodza ni gubweledzela sa gu lumba eni. Nyi na ninga tshatshazelo.” A engedza gambe, khuye: “Pfhumu yi na lamula vathu vaye.”

Josuwa 24:19

Khavbo avbo, Josuwa a di embela vathu, khuye: “Enu kha mu dzi kodzi gu thumela Pfhumu Nungungulu, kholu Uye Nungungulu a agidego, ni Nungungulu a khozedwago gikhati gyatshavbo, a si timiseligo sihoso ni sighoho sanu.

2 Pedro 2:9

Pfhumu a ngu mati mano nya guvbulugise khayo ava va khodwago gwaye, a ngu kodza gambe gu vega tsayisoni ava nya guvivbedwe khu myonyo, kala litshigu nya gulamudwe.