Muhevbudzi 9:7 - Bhibhiliya Nya Guage

⁷ Olu indra uya dzi hodzela khu gutsaka u sela vbinyu yago monyo wago na wu salalegide; kholu, Pfhumu Nungungulu a ngu tsaka khu mithumo yago.

Muhevbudzi 9:7 Iomraidhean Croise

Genesi 12:19

Khu ginani u nga nyi embela gukhuwe i ndriyago, u nyi diga nyi mu hakha kha nga mwangadzi wangu. Olu dzega mwangadzi wago, oyu, mu dzege u hongola naye.”

1 Dzipfhumu 8:66

Khu litshigu nya livbandre na mararu, a di tshula vathu va hongola, avo va di kategisa mufumeli, muthu ni muthu a bwelela tshatshani gwaye na tsakide, myonyo yawe na yi tangade khu kotani nya wuwadi watshavbo owu Pfhumu Nungungulu, a nga girelago githumi gyaye, Dhavhidhe, ni vathu vaye, va na Israyeli.

Muhevbudzi 10:19

Guhodza gu ngu tshamba, ni wadwa wa gu tsakisa monyo, gambe satshavbo sa gu manwa khu dzitsapawu.

Muhevbudzi 11:8

Muthu a gu vbanya myaga nya gutale, gumogo ni gutsaka gwadi, a na alakanye matshigu nya gidema a gu mangi ngudzu guvbindra nya gutsake. Satshavbo gu dzi pfhadza kha si phasi gilo.

Muhevbudzi 5:18

Nyi wonide gambe gukheni; gwadi gu muthu a hodza, a sela, a tsaka a khalega gwadi khu thumo waye a giridego mafuni momu matshiguni nya guvbanye gwaye a ningidwego khu Nungungulu. Kholu, khiso esi a ningidwego iso.

Muhevbudzi 7:14

Tsaka khu matshigu nya makategwa; aholu khu matshigu nya gutshaniseke alakanya Nungungulu a giridego eli litshigu ni lile, gasi muthu a si tuguli iso si natago khu hwane gwaye.

Muhevbudzi 8:15

Khu guralo, eni nyi ngukheni, gutshambide vathu va gu mana gutsaka mafuni momu, kholu gi mwalo gimbe gilo gi gu gyadi ga muthu guvbindra gu hodza, u sela, u nengela. Isoso si fanede gu mu bangaladza thumoni gwaye matshiguni yaye a ningidwego guvbanya khu Nungungulu mafuni momu.

Mitengo 6:20

Muphasi nya mhamba a na si ndziwitela mbeli ga Pfhumu Nungungulu, esi si na bani na si agide ngudzu, si na lumba muphasi nya mhamba gumogo ni khana ni litundru nya ningelo nya gundziwitedwe; khu hwane nya isoso, Munaziri a ngu dzi kodza gu sela wadwa.

Marko 7:29

Jesu a di mu embela, khuye: “Khu kotani nya isoso u ganedego, indra basi; liphuvbo nya guvivbe li dugide ga mwanago.”

Luka 11:41

Phelani khu gu ningela sisiwana iso mu gu naso, khavbo satshavbo si na mi dugela gwadi.

Johane 4:50

Jesu a di mu embela, khuye: “Indra, mwanago a ngu vbanya.” Mwama wule a di khodwa khu magana ya Jesu, a gu hongola.

Mithumo 10:35

gambe kha khedzi mafumbo, a gu tsakiswa khu muthu ni muthu a mu ningago githawo ni gu landra ndruda Yaye.

Dhewuteronome 12:12

Gambe mu na nengela mbeli ga Pfhumu Nungungulu wanu, enu gumogo ni sanana sanu nya vama ni esi nya vanyamayi, ni sithumi sanu nya vama, ni esi nya vanyamayi, gumogo ni mulevhi a vbanyago ndrani nya madhoropa yanu, a gu mwalo gipandre mwendro thomba gumogo nanu.

Dhewuteronome 12:7

Avbovbo, mu naya hodza mbeli ga Pfhumu Nungungulu wanu, mu naya nengela khu satshavbo mu na guya girago enu gumogo ni mapango yanu, mu nengela khu satshavbo esi a na bani a mi kategiside khiso Pfhumu Nungungulu wanu.

Rute 3:7

Hwane nya gu Bhowazi na hodzide, a sela a khura monyo waye na wu tangade, a mu wona na guya lala vbafuvbi ni avbo gu nga wungedzedwago dzimbewu, Rute a dita kha gwadi, a ta funungula mawundru ya Bhowazi a lala avbovbo.