Muhevbudzi 9:12 - Bhibhiliya Nya Guage

¹² Muthu nuye kha giti gikhati gyaye nya gufe; a gu fanana ni ndzandzi yi modwago khu ligoga, ni ginyoni gi modwago khu naphwi, sanana nya vathu niso kharato, si na dugedwa khu mhango gikhati gyawe, va thegedwa khiyo khu githugedza.

Muhevbudzi 9:12 Iomraidhean Croise

Dzindzimo 11:6

A na wungedzela magala nya nilo ni guvbisa hungoni ga va nya guvivba, a va tsayisa khu dziphuvbo nya guvbise ngudzu, gi na bani giri gikombe va yedwago khigyo.

Mavingu 24:22

Kholu mhango yawe yi na vboha khu githugedza, khu mani a litigo litshigu nya gumbembiswe ga vathu vava?

Mavingu 29:6

Muthu nya guvivbedwe khu monyo, a gu modwa khu naphwi a wu riyidego, aholu wule a lulamidego, a gu embelela na tsakide.

Mavingu 6:15

Khu guralo, libango li na mu thegela khu gipitipiti; khu githugedza a na thega a mbemba nyamba wuga gambe.

Muhevbudzi 3:19

Kholu mahegiso nya tshatshazelo nya vathu wu ngu fanana ni mahegiso nya tshatshazelo nya sirengo, kholu vatshavbo va ngufa gambe vatshavbo va na ni liphuvbo nya guvbanye, muthu kha pali girengo, khu guralo, satshavbo gu dzi pfhadza basi.

Muhevbudzi 8:11

Kholu gulamudwa ga va nya guvivba kha gu vbiredzi gu vboha, khu kharalo, myonyo ya vathu ya gu dogorela silo nyamba sadi.

Muhevbudzi 8:8

Mwalo muthu a gu ni tshivba nya gufumele womi waye, mwendro a kodzago gu emisa litshigu nya gufe gwaye, mwalo a na gu vbulugago ga nyimbi yoyo, ni gighohi kha gi na vbuluga khu sighoho saye.

Muhevbudzi 9:13

Mafuni momu, nyi wonide gambe wumbe wugengeli nya gusamadzise.

Isaya 24:18

Uye a na thavago lito nya tshanisa a na thegela phalani, ni uye a na dugago khu phalani, a na modwa khu lizinga; kholu sihogo sa ndzadzini si tulegide, gu tsekatseka siseketelo nya mafu.

Isaya 30:13

khu guralo, gighoho gegi gi na fanana ni lufa nya ndzari nya gulaphe, yi wegelago khu githugedza, yi thega.

Ezekiyeli 32:3

Mune Pfhumu Nungungulu a ngu ganela kharati, khuye: Nyi na gu resela gidzemo nya mayigo nya mangi, nyi thesa ligoga langu, avo va na gu ndrindrela vbavbandze.

Hoseya 7:12

Avbo va na hongolago, nyi na ladza khoga yangu nyi va goga, va na thega nga sinyoni sa damboni. Nyi va tsayisa gu khedza khiso va si pwidego tshanganoni gwawe.

Hoseya 9:8

Muprofeti gumogo ni Nungungulu wangu muemeledzi nya gughade Efrayimi, dzindzilani gwaye gwatshavbo dembedwe mazinga, ni gunyenywa Nyumbani ga Nungungulu waye.

Luka 12:20

Aholu Nungungulu a di mu embela, khuye: ‘Gipumbu gikhongolowe! Wutshigu wa muhuno va na gu dzegela hefemulo wago. Esi u nga vegedzelago si na tshalela mani?’

Luka 12:39

Yingisani gwadi: Nari pwani mune ndranga a di gi tide gikhati yi nga vbweta guta mbafa, na sa diga ndranga yaye yi phangwa.

2 Vakorinto 6:2

Kholu Uye a ngu ganela, khuye: “Nyi gu pwide khu gikhati nya gyadi, nyi gu phaside khu litshigu nya guvbanyiswe.” Khigyo egi gikhati nya gyadi. Khilo eli litshigu nya guvbanyiswe.

1 Vatesalonika 5:3

Gikhati vathu va ganelago, khavo: “Litigo li lade, gu mwalo gilo,” khavbo avbo gu natago, khu gipitipiti, gumbemba vbatshani gwawe. Va na khala nga nyamayi nya mimba gikhati a lumwago, kha va na vbuluga.

2 Thimoti 2:26

Khu kharato, va na vbuluga naphwini wa Sathane va hungidwego khuwo, gasi va gire edzi dzaye a dzinago.

1 Pedro 2:12

Mavbanyelo yanu vbakari nya va nya mayigo gu vbwetega nari mavbanyelo nya yadi. Gasi va gu mi singedza guvivba, va konwe khu mithumo yanu nya yadi, va fela gu rungudza Nungungulu litshigu a natago.

2 Pedro 2:12

Aholu, vathu vovo va ngu fanana ni sivangwa nyambana mapimo, si velegedwago gusotwa si gu songwa. Avo va gu gira matshandza khu silo nyamba siti. Khu guralo, va na pfhungumudwa nga sirengo nya likhabi.