Muhevbudzi 9:1 - Bhibhiliya Nya Guage

¹ Satshavbo nyi di pimisa monyoni gwangu, nyi wona gukheni: Avo va lulamidego, ni vale va gengedego, vatshavbo mithumo yawe yomo mandzani gwa Nungungulu, ni gu gambe vathu kha va siti iso si tago khu mbeli gwawe; gani lihaladzo mwendro livengo. Satshavbo si ngu girega.

Muhevbudzi 9:1 Iomraidhean Croise

Joba 12:10

Mandzani gwaye yomo mihefemulo nya sivangwa satshavbo si vbanyago, ni maphuvbo nya vathu vatshavbo.

Joba 27:12

Enu mwatshavbo mu si wonide iso si dugeledego, a gu bani nari kharato, khu ginani mu nga gu luzago gikhati khu magana ma si phasigo gilo?

Joba 5:8

Aholu eni, nyi na vbweta Nungungulu, nyi bikela gwaye sigaradzo sangu.

Dzindzimo 10:14

Aholu Uwe u ngu wona, guvbisega ni gutshaniseka, u si vega mandzani gwago. Uye a sanisekago a gu dzi ningela mandzani gwago; uwe khuwe u vhikelago khulungu.

Dzindzimo 119:109

Womi wangu womo mhangoni nya gufe, aholu, kha nyi divali nayo wago.

Dzindzimo 31:5

Mandzani gwago nyi ngu ningela hefemulo wangu; uwe khuwe u nyi dzegisago, Pfhumu, Nungungulu nya lisine.

Dzindzimo 73:3

Kholu eni nyi di gu girela lidiwo va nya gu dzi khusedza, khu gu wona gukheni silo sawe sa gu duga gwadi.

Mavingu 16:3

Tumba Pfhumu Nungungulu ga mithumo yago yatshavbo, gasi makungo yago ma na mana gudugelela.

Muhevbudzi 1:17

Nyi dzi ningede khu monyo wangu gasi guti gwadi wugengeli, ni guti gambe lihure ni wupumbu. Nyi di wona gambe gukheni satshavbo sesi gu tutuma hwane nya phuvbo yi vbindrago.

Muhevbudzi 10:14

Gipumbu gya gu laphisa magana; gambe muthu a ngu hangwa khiso si tago khu mbeli; gasi khu mani a na gu mu embela iso si na gu mu dugelelago hwane gwaye?

Muhevbudzi 7:15

Ga matshigu nyamba nyawula nya guvbanye gwangu, nyi di wona esi: Muthu nya gululame a di vbiredzela gufa ni gululama gwaye, aholu muthu nya guvivbedwe khu monyo, a di vbanya matshigu nya gutale ni monyo waye nya guvivbe.

Muhevbudzi 7:25

Nyi di dzi ningela khu monyo wangu watshavbo gu vbweta wugengeli ni tshamuselo yaye, nyi di khedza ni gu linga gupwisisa, nyi wonide gukheni gu gira mithumo nya guvivbe, lihure ni wupumbu, kha si phasi gilo.

Muhevbudzi 8:14

Gyomo gambe gimbe gilo gi gumba phasa gilo tigoni momu, a gu egi: Vomo va lulamidego va manago tshatshazelo nya sighohi, ni sighohi si manago tshatshazelo wa va nya gululama. Nyi ngu ganela gukheni esi niso gu dzi pfhadza.

Muhevbudzi 8:16

Nyi dzi garadzide khu tshivba yangu yatshavbo khu gu vbweta guti, ni gu pima ni gu khevisela satshavbo esi vathu va girago, mafuni momu; kholu vomo va si manigo ligovbe wutshigu ni mihani.

Muhevbudzi 8:7

Kholu uye kha giti ginani gi na mu dugelelago. Ni guti gukhuye khu mani a na gu mu tivisago edzi silo si na mu dugelelago khidzo.

Muhevbudzi 9:6

Lihaladzo, livengo ni lidiwo lawe, satshavbo si fuvide. Kha va nga gu sayedwa gambe gilo khu iso si girwago mafuni momu.

Isaya 26:12

Uwe Pfhumu Nungungulu, u na hi ninga gurula, kholu khuwe u hi giredego mithumo yathu yatshavbo.

Jeremiya 43:6

Mitshaledwa yakone, a diri vama, vanyamayi ni sanana nya vanyamahegyane va mufumeli, ni vatshavbo vathu, Nebhuzaradhani, muthangeli nya vaemeledzi va mufumeli, a nga bani a va ningede ga Gedhaliya, mwamana wa Ayikamo, mwamana wa Safani, gumogo gambe ni muprofeti Jeremiya, ni Bharuki, mwamana wa Neriya;

Dhewuteronome 33:3

Khu lisine, Uwe U ngu gola vathu; va nya guaga vago vatshavbo, vomo mandzani gwago; va khala migondroni gwago, va hevbula nayo wago.

2 Thimoti 1:12

Khu kharato, nyi ngu saniseka khu silo sesi. Ambari ulo kha nyi khali dzitshoni kholu, nyi ngu muti oyu nyi vegidego gwaye gutumba gwangu, nyi ngu khodwa kheni khuye a gu na ni tshivba nya gu nyi sayise thumoni gwangu, kala nyi gu wu vbohisa mahegiso.

1 Pedro 1:5

gasi thomba mu vegedwego khu gukhodwa ni gu sayiswa khu tshivba ya Nungungulu, mu mana guvbanya gu guromo vbafuvbi, gasi guta wonegiswa khu gikhati nya guhegise.

1 Samuweli 2:9

Uye a ngu tiyisa migondro ya va nya gululama vaye, aholu va nya guvivbedwa khu myonyo va na mbemba gidemani; kholu mwalo muthu a nga palago khu tshivba yaye.