Muhevbudzi 8:8 - Bhibhiliya Nya Guage

⁸ Mwalo muthu a gu ni tshivba nya gufumele womi waye, mwendro a kodzago gu emisa litshigu nya gufe gwaye, mwalo a na gu vbulugago ga nyimbi yoyo, ni gighohi kha gi na vbuluga khu sighoho saye.

Muhevbudzi 8:8 Iomraidhean Croise

2 Samuweli 14:14

Kholu khu lisine hi nafa, hi na gira kha nga mati ma vbalagago mafuni, ma si roledwigo gambe. Kholu Nungungulu kha na mu songa, aholu a gu vbweta gukhuye, a si hambani naye.

2 Dzipfhumu 7:15

Va di khuga va landra kala tsongoni wa Joridhani, ndzilani va di wona na gu mbambamede myendra ni simbe sombo si nga dzudzugedwago khu Vaasiriya, gikhati va nga bani va tutuma; Khavbo avbo, va di resa myango vata tivisa mufumeli.

Joba 14:5

Matshigu nya muthu ma pimidwe u sayede tengo nya migima yaye, u mu vegede vbingano uye a gumba wu kodza gu wu ndraga.

Joba 34:14

Nari pwani Nungungulu a gu pimisa khu wurumba waye basi, a dzegela sivangwa satshavbo liphuvbo a si furugedzedego,

Dzindzimo 89:48

Ina khu mani a na gu vbanyago, nyamba fa? Mwalo muthu a dzi kodzago guya tshula hefemulo waye tshivbani nya gufe.

Dzindzimo 9:17

Va nya guvivbedwa khu monyo, va na dzudzugwa phalani nya vafi, gumogo ni vathu vatshavbo va si khathaligo khu Nungungulu.

Mavingu 12:3

Muthu nya guvivbedwe khu monyo, kha hweli gu thega, aholu uye a lulamidego kha khuyugi, kholu a na ni mikhamba yi tiyidego.

Mavingu 14:32

Muthu nya guvivbedwe khu monyo, a na theswa khu mithumo yaye, aholu muthu nya gululame ambari na gu fude a na ni gitumbo.

Muhevbudzi 3:21

Khu mani a dzitigo nya gukhuye hefemulo nya muthu wu na gwela vbatshani ndzadzini, gasi hefemulo nya sirengo wu na relela vbavbatshi mafuni, na?

Muhevbudzi 8:13

Gasi gighohi gima kha gi na katega, ambari gu mana matshigu nya gulaphe; gi na mwalalega nga mwedzi, kholu kha gya thava Nungungulu.

Muhevbudzi 9:12

Muthu nuye kha giti gikhati gyaye nya gufe; a gu fanana ni ndzandzi yi modwago khu ligoga, ni ginyoni gi modwago khu naphwi, sanana nya vathu niso kharato, si na dugedwa khu mhango gikhati gyawe, va thegedwa khiyo khu githugedza.

Isaya 28:15

Mu ngu dzi zundza mu ganela, khenu: Mu hungide pwanano ni lufu, ni gukhenu litigo nya vafi pari yathu, ambari tsayiso wu khulunga wu fanana ni talo, gima kha wu na hi vbohela, kholu malipha, wuthavelo wathu, ni wudambane, wulanga nya gusihale avbo.

Isaya 28:18

Gidzumeledzwano gyanu mu hungidego ni lufu gi na futwa, ni wupari mu hungidego ni litigo nya vafi, kha wu na tiya; ni avbo wu natago talo nya mati ni tsayiso wanu, mu na ta kukulutwa khuwo.

Isaya 47:10

Kholu u di tumba wuvivbi wago, u ganela, khuwe: “Mwalo a nyi wonago!” Wugengeli ni guti gwago, khiso si na gu dzimedzago, kholu u di ganela khu monyoni gwago, khuwe: “Eni kheni, vbavbandze gwangu, mwalo mumbe muthu.

1 Vakorinto 15:43

Gu kembedwa givili nyambana wumburi, gi wuga na gi gu ngangamela ngudzu; gu kembedwa givili nyambana tshivba, gi wuga na gi tade khu tshivba.

2 Vakorinto 13:4

Ambari saye a nga khokhothedwa khu kota nya gu dzi vbevbugise Gwaye, a ngu vbanya khu tshivba ya Nungungulu, ethu ga Uye hi vbevbugide. Gasi ga enu nyi tade khu tshivba ya Nungungulu, khu Kristo.

Vahebheru 9:27

Muthu ni muthu emede gufa gumogo basi, khu hwane nya ugo, a lamudwa khu Nungungulu.