Muhevbudzi 8:16 - Bhibhiliya Nya Guage

¹⁶ Nyi dzi garadzide khu tshivba yangu yatshavbo khu gu vbweta guti, ni gu pima ni gu khevisela satshavbo esi vathu va girago, mafuni momu; kholu vomo va si manigo ligovbe wutshigu ni mihani.

Muhevbudzi 8:16 Iomraidhean Croise

Genesi 31:40

Mihaniyile eni nyi di vbiswa khu lihani, vbawutshigutunu nyi banga khu girame, ligovbe li di thava mahoni gwangu.

Dzindzimo 127:2

Kha gu mi phasi gilo gu phindrula ni dzimindru dzikhongolo, mu thuma kala vbakari nya wutshigu, mu fela gu hodza mihandro nya lithonga lanu, Nungungulu a ngu hodzisa sigodwa saye ambari na si lade.

Muhevbudzi 1:13

nyi dzi garadzide khu monyo wangu watshavbo gu vbweta wugengeli nyi khedza silo satshavbo si dugelelago mafuni; Nungungulu rwegide vathu thumo wowu nya gulemele gasi va wu thuma.

Muhevbudzi 1:14

Nyi wonide gukheni satshavbo si girwago mafuni khu vathu, satshavbo gu dzi pfhadza, ni gu tutuma hwane nya phuvbo yi vbindrago.

Muhevbudzi 1:17

Nyi dzi ningede khu monyo wangu gasi guti gwadi wugengeli, ni guti gambe lihure ni wupumbu. Nyi di wona gambe gukheni satshavbo sesi gu tutuma hwane nya phuvbo yi vbindrago.

Muhevbudzi 2:23

Matshigu yaye yatshavbo khya gu garadzega, ni gu dzi garadza gwaye khwa wuvi, ni vbawutshigutunu kha mani guhefemula nya gwadi. Satshavbo sesi kha si phasi gilo, gu dzi pfhadza basi.

Muhevbudzi 4:8

Womo muthu a vbanyago enga, nyambana waye, nyambana sanana ni vandruye. Ambari khu kharato kha garali khu gu thuma, maho yaye kha ma kodwi khu gu wona talo nya thomba a gu nayo. Ne kha wudzisi gukhuye: “Gasi nya gu thumela mani, ni gu, nya gu dzi hiyela ginani esi nya gutshambe?” Isoso niso kha si phasi gilo, gu dzi pfhadza mahala.

Muhevbudzi 5:12

Muthumegeli, gani a gu mana nya singi mwendro nya sidugwane, uye a gu lala ligovbe nya gutenge, aholu gukhura ga muthu nya gitetema kha gu mu ningi ligovbe.

Muhevbudzi 7:25

Nyi di dzi ningela khu monyo wangu watshavbo gu vbweta wugengeli ni tshamuselo yaye, nyi di khedza ni gu linga gupwisisa, nyi wonide gukheni gu gira mithumo nya guvivbe, lihure ni wupumbu, kha si phasi gilo.

Muhevbudzi 8:7

Kholu uye kha giti ginani gi na mu dugelelago. Ni guti gukhuye khu mani a na gu mu tivisago edzi silo si na mu dugelelago khidzo.

Muhevbudzi 8:9

Satshavbo sesi nyi si wone gikhati nyi nga pimisa khu mithumo yatshavbo yi girwago mafuni momu, muthu nya tshivba a gu fumela mumbe muthu gasi gu mu tshanisa.