Muhevbudzi 8:11 - Bhibhiliya Nya Guage

¹¹ Kholu gulamudwa ga va nya guvivba kha gu vbiredzi gu vboha, khu kharalo, myonyo ya vathu ya gu dogorela silo nyamba sadi.

Muhevbudzi 8:11 Iomraidhean Croise

2 Samuweli 11:15

Umo nya lidangalila a di lova, khuye: “ Vega Uriya khu avbo nyimbi yi vbisago ngudzu, mu mu diga avbo gasi a kodza gu songwa.”

Joba 24:23

A ngu va diga va sayisega gikhatinyana na va khadzisegide; aholu maho yaye ma gu khevisela dzindzila va gimbilago khidzo.

Dzindzimo 10:4

Muthu nya guvivbedwe khu monyo, khu kotani nya matshandza yaye; kha khathali khu gu vbweta Nungungulu, uye a gu pimisa, a ganela, khuye: “Mwalo Nungungulu!”

Dzindzimo 10:6

Mapimoni gwaye a gu alakanya, khuye: “Mwalo a na gu nyi thesago; gima kha nyi na nga mana libango.”

Dzindzimo 86:15

Aholu uwe Pfhumu, u Nungungulu u pwelago gisiro u tade khu wuhindzi, u ngu timisela, u tade khu wuhindzi ni lisine.

Ekisodha 34:6

Pfhumu Nungungulu a di vbindra mbeli gwaye, a gu ganela, khuye: “Pfhumu Nungungulu! Pfhumu Nungungulu! Nungungulu nya wuhindzi ni gupwela wusiwana; A hwelago gu goroga, A tadego khu wuwadi ni gutumbega,

Ekisodha 8:15

Aholu, avbo Faro a nga dzipwago na hefemudzidwe, a di bangisa gambe monyo waye, a bomba gu yingisa kha nga idzo a nga ganelago khidzo Pfhumu Nungungulu.

Ekisodha 8:32

Aholu Faro a di engedza gambe gu bangisa monyo waye, a bomba gu tshula vathu va hongola.

Muhevbudzi 9:3

Ogu khu guvivba gu guromo vbakari nya silo si girwago mafuni momu. Gu vatshavbo va mana mahegiso nya idzosaye. Khu guralo, myonyo ya vathu yi tade khu guvivba, gukhwatshi va di handruga guvbanyani gwawe; khu guhegisa va guya phalani nya vafi.

Isaya 26:10

Muthu nya guvivbedwe khu monyo, ambari a gu tsetseledwa, kha hevbuli gululama, ambari a gu khala tigoni la va nya gululama, uye a gu gira ugo nya guvivbe, kha woni wugulu wa Pfhumu Nungungulu.

Isaya 57:11

Aholu khu mani u nga khala khuye hwanga mwendro gu mu thava, gu kala u lipha u si nyi alakanyi ambari gu thela kota khu eni? Gasi khu nyi thavi, kholu nyi nga degulago gikhati nya gulaphe, gani?

Jeremiya 42:15

khu magirelo yoyo, enu mitshaledwa ya na Judha, yingisani magana ya Pfhumu Nungungulu; kholu, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Mwa gu yeyisani mu hongola Egipito, mu ya luvela iyoyo;

Jeremiya 48:11

Mowabhi gukhugela wudzahani gwaye a di vbanya gurulani, khade nga wadwa nya dziuvha wu vegwago ni gisese gyaye nyamba hutwa, gima wa sa thedwa ga gimbe gyombo, ambari gu yiswa wugumbini; khu guralo, gutshamba gwaye gu di simama, ni gunungela gwaye kha gwa vbindrugedza.