Muhevbudzi 7:5 - Bhibhiliya Nya Guage

⁵ I tshukwana gu kawukwa khu muthu nya guti, guvbindra gu yingisa litembo nya gipumbu.

Muhevbudzi 7:5 Iomraidhean Croise

Dzindzimo 141:5

Nya gu tsayiswa khu muthu nya gululame, nya gu wona nari gwadi ga eni, a gu nyi kawuka, gu na gira nga mafura nya gunungele gwadi, nyi thedwago hungoni gwangu. Aholu gima kha nya dzumela gu zundzwa khavo va girago guvivba, kholu kha nyi garali khu gu lombelela nyi dwana ni mithumo yawe nya guvivbe.

Dzindzimo 69:12

Va gu ganela khu enu dzinyangwani nya lidhoropa, vamaleveni va gu nyi hega, va nyi poyila.

Mavingu 13:13

Uye a venganago ni guhevbudzwa a gu dzi vangela lufu; aholu uye a landrisago nayo, a na mana tshatshazelo.

Mavingu 13:18

Uye a nyenyago gulaywa a na thegedwa khu dzitshoni ni wusiwana, gasi uye a dzumelago gukawukwa a na zundzega.

Mavingu 17:10

Muthu nya mapimo a gu kawukwa a gu vbiredza gupwa, guvbindra gu veta lizana dzindronga hwamboni nya gipumbu.

Mavingu 25:12

Mulayi a layago khu wugengeli, ga muthu a yingisago, a gu fanana ni phera nya ndralama, mwendro wulungu nya ndralama yi hutidwego.

Mavingu 27:6

I tshukwana gu thedwa dzimbanga khu pari, guvbindra gu ningwa besu khu nala.

Mavingu 6:23

Kholu milayo kandriya, sihevbudzo i safa nya guwonegele, ni gukawukwa nya gululame, ndzila yi yisago guvbanyani;

Mavingu 9:8

U nga kawuki muhembululi, kholu a nga gu zondra, kawuka muthu nya mapimo, kholu a na gu gola.

Muhevbudzi 12:11

Magana nya vathu va gengedego ma gu fanana ni dzitshingano, kha nga dzikhogo dzi khokhotedwego dzi tiya: Magana yaya na ma gu tshamusedwa khu muhavisi moyo basi.

Muhevbudzi 7:4

Myonyo ya vathu nya guti yomo nyumbani nya gililo, aholu ya avo nya sipumbu yomo nyumbani nya buzo.

Muhevbudzi 9:17

Magana nya gurule ya vathu nya guti ma gu yingiswa ngudzu guvbindra gulaledza ga muthangeli vbakari ga vathu nya sipumbu.

Gutuledwa 3:19

Eni, nya gu kawuka ni gu laya avo nyi va golago. Khu kharato, dzi garadze, u vbindrugedza mavbanyelo u wuye ga Nungungulu.