Muhevbudzi 7:26 - Bhibhiliya Nya Guage

²⁶ Khu guhegisa nyi di wona gukheni: Egi gi pwisago ngudzu wuvi guvbindra lufu khu gu mana nyamayi nya vbiyaku. Kholu a gu sihalela vama nga musoti: Monyo waye i naphwi, mwama a gu hungwa khu dzingomondro nya mawogo yaye. Aholu avo va thavago Nungungulu va gu mu ndreyela, gasi sighohi sa gu modwa khuye.

Muhevbudzi 7:26 Iomraidhean Croise

Genesi 19:35

Va di sedza wadwa babe wawe ni wutshigu wowo gambe, nyamahegyane nya nandra a di ya lala ni babe waye a ngamba pima gilo gikhati a nga ta lala ni gikhati a wugidego.

Genesi 39:9

“Mwalo mumbe nya guvbindre eni ndrangani momu, gambe uye kha nyi himbedzeli gimbe gilo vbavbandze ga uwe basi, kholu uwe u mwangadzi waye. Nyi ngu dzi kodza kharini eni gu gira gihoso nya gikhongolo nya kharato, nyi ghohela Nungungulu, na?”

Ekisodha 10:7

Khavbo avbo, sithumi sa Faro si di mu embela, khiso: “Kala lini sathu na hi gu tshaniswa khu mwama yoyu? Tshula vathu vava va hongole va ya khozela Pfhumu Nungungulu wawe. Ina khu woni gukhuwe Egipito gu ngu mbemba, gani?”

Mavingu 2:16

Guti gu na gu vbulugisa ga nyamayi nya liphuphulu, ni oyu wa mambe mayigo, uye a sengedzelago khu magana yaye,

Mavingu 22:14

Khanani ga nyamayi nya gibhayi, liphala nya guete, uye a gorogedwago khu Pfhumu Nungungulu a na thegela umo.

Mavingu 6:23

Kholu milayo kandriya, sihevbudzo i safa nya guwonegele, ni gukawukwa nya gululame, ndzila yi yisago guvbanyani;

Mavingu 6:24

yi na gu vbulugisa ga nyamayi nya mavbanyelo nya guvivbe, ni ga magana yaye nya wusengedzeli.

Mavingu 9:18

Aholu uye kha dziti gukhuye ndrangani gwaye, lomo lufu, ni vale a va rambidego vomo phalani nya vafi.

Muhevbudzi 2:26

Wule a Mu golago, Nungungulu a ngu mu ninga wugengeli, guti ni gunengela; aholu, gighohi, a gu gi rwega thumo nya guwungedzele silo, gasi khu hwane a si tshiya ni wule Nungungulu a na golago gu mu ninga. Esi gambe nyi si wone gukheni gu dzi pfhadza, ni gututuma hwane nya phuvbo yi vbindrago.

Muhevbudzi 7:27

Gasi eni, Muhevbudzi, nyi tugude esi khu vbadugwana vbadugwana avbo nyi nga khedza gilo ni gilo gasi gu mana tshamuselo yaye.