Muhevbudzi 7:16 - Bhibhiliya Nya Guage

¹⁶ U nga dzi giri muthu nya wadi, ambari nya gugengele ngudzu, gasi wa gu vbweta gu dzi mbembisela ginani wabune?

Muhevbudzi 7:16 Iomraidhean Croise

Genesi 3:6

Khavbo avbo, nyamayi, khu gu wona gukhuye handro nya simbo khwadi gu wu hodza, gambe wu ngu tsakisa mahoni; simbo nya wadi nya gutule mapimo ni guti, a di hava handro wule a gu hodza a gu ninga mwama waye a hodza nuye.

Joba 11:12

Gipumbu gi na mana mapimo, litshigu buru nya likhabi yi na velegago muthu.

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Mavingu 23:4

U nga dzi garadzi khu gu vbweta gu ghanya, mapimo yago, ma nga dzi vegiseli ngudzu umomo.

Mavingu 25:16

Wa gu mana wulombe, hodza basi pimo wu gu ninganago, kholu u nga kodwa khuwo u bwelo khavbo u wu gosa.

Muhevbudzi 12:12

Nya gikhongolo mwanangu, khegi: Gu mwalo mahegiso nya gugire mabhuku, gu hevbula ngudzu gwa gu hagadza givili.

Matewu 23:29

Libango gwanu, vapfhadzi, vahevbudzi nya Nayo ni Vafarisi, mu girago siwindri marowoni ya vaprofeti, bwelo khavbo mu mburisela marowo ya va nya ndruda, na mu gukhenu:

Matewu 23:38

Khu kharato, ndranga yanu yi na tshala giwula,

Matewu 23:5

Satshavbo va girago, va gufela gu wonwa khu vathu. Khu kharato va gu gudzisela mikeka nya milayo va hungago vbagiwombotunu ni mawogoni va laphisa matshakafula nya dzingandzu dzawe.

Matewu 9:14

Khavbo avbo, vapizane va Johane va di mu yela vaya mu wudzisa, khavo: “Khu ginani ethu ni Vafarisi hi halago dzinyondro nya dzingi, vapizane vago va si hali?”

Luka 18:12

Eni nyi ngu hala nyondro mbili khu semana, nyi ngu livba gikhaba nya silo sangu satshavbo.’

Varoma 10:2

Kholu nyi ngu dzi kodza gu va emela nyi fakaza gukheni avo va ngu dzi garadza ngudzu khu silo sa Nungungulu. Nombo basi khu gu va gu dzi garadzela wukhumuni,

Varoma 11:25

Vandruye, kha nyi vbweti gukheni mu hangwe khu sihalo yoyu, gasi mu si dzi randri va nya guti. Guganedza ga vathu va na Israyeli kha gu na pindruga gikhati nya gulaphe, aholu gu na simama kala mayigo yatshavbo ma vbindrugedza ma khodwa ga Nungungulu.

Varoma 12:3

Khu kota nya thumo Nungungulu a nyi ranedego uwo vbakari gwanu, nyi ngu laya moyo ni moyo wanu gukheni mu nga dzi sayeli guvbindra fanelo. Aholu dzi sodziseni, muthu ni muthu a dzi vega vbawulangatunu gwaye gukhedza khu wuhigo ni wukhodwa a ningidwego khu Nungungulu.

1 Vakorinto 3:18

Muthu a nga dzi pfhadzi abune: Oyu vbakari gwanu a dzipwago gukhuye gengede khu magengelelo nya wuthu, a na dzi gire gipumbu, khavbo a na khalago muthu nya guti khu lisine.

1 Vakorinto 3:20

Wumbe wulanga gu lovidwe gambe pwani: “Pfhumu a nguti maalakanyo ya va nya gugengela, a ngu mati gukhuye maalakanyo nya liphanga.”

Vafilipi 3:6

nyi di phara Nayo khu tshivba ni tshivba, nyi gu sanisa Libandla la Kristo. Nyi di gu vbanya nyambana gihoso nayoni.

Vakolosi 2:18

Mu nga dzumeli gusengwa khu vathu va pfhadzedzelago gu landrisa ni gukhozela dzingilozi dza Nungungulu; vathu nya nga avo va gu ganela khu silo nya gu gima va si gu si woni, va gu dzi gira matshandza va dzi gugumugisa khu mapimo yawe nyamba phasa gilo.

Vakolosi 2:23

Silo sesi sa gu wonega kha nga guti, kholu va si fumbelago khu wukhodwa, va gu sanisa sivili sawe, aholu satshavbo sesi kha si phasi gilo, sa gu thuma gu tsakisa matshandza nya wuthu basi.

1 Thimoti 4:3

Va embela vathu gukhavo mu nga dzegani, mu nga hodzi egi ni gile; va diga gu hodza esi Nungungulu a si vangedego ava va khodwago ni vale va tigo lisine, gasi va si hakha va bonga Nungungulu.

Gutuledwa 18:19

Va di dzi thedzela nguma hungoni, na va gu dilela, va lila marongo, khavo: “Wowe! Wowe! Libango nya lidhoropa eli nya likhongolo li nga fumisago vatshavbo va nya mataro khu dzi thomba dzaye, li phalalegisidwe khu githugedza.”