Muhevbudzi 7:12 - Bhibhiliya Nya Guage

¹² Kholu guti gu ngu vhikela muthu, kha nga dzitsapawu nidzo dzi ngu vhikela, aholu, guti gu ngu phasa ngudzu kholu gu ngu ninga guvbanya vale va gu nago.

Muhevbudzi 7:12 Iomraidhean Croise

Joba 1:10

Khandri olu u vhikelago ndranga yaye gumogo ni silo saye, gani? U kategiside thumo nya mandza yaye, ni mitshambi yaye yi andride tigoni momu.

Dzindzimo 57:1

Nyi pwele wusiwana Nungungulu, nyi pwele wuhindzi, hefemulo wangu wu ngu thavela avbo gwago; nyi na sihala mutsani nya dzimbapi dzago, kala si vbindra sigaradzo.

Mavingu 11:4

Dzithomba kha dzi gu phasi khu litshigu nya likhulo la Nungungulu, aholu gululama gu ngu guvbulugisa lufuni.

Mavingu 14:20

Gisiwana gya gu nyenywa ambari khu pari yaye, aholu sitetema si na ni dzipari nya dzingi.

Mavingu 2:11

Maalakanyo nya yadi ma na gu vhikela, gupimisa, gu na gu sayisa,

Mavingu 2:7

Avo va lulamidego a gu va ninga makategwa, khuye gitshangu nya avo va gimbilago khu ndzila nya gululame,

Mavingu 3:18

Guti Simbo wu ningago womi ga vale va gu manelago, va kategide vatshavbo va gu sayisago.

Mavingu 8:35

Kholu uye a na nyi manago, a na mana guvbanya, a na mana makategwa ga Pfhumu Nungungulu.

Mavingu 9:11

Kholu, khu kotani ya eni, guti, matshigu yago ma ngu engedzedwa, ni myaga nya guvbanye gwago, yi na engedzedwa.

Muhevbudzi 10:19

Guhodza gu ngu tshamba, ni wadwa wa gu tsakisa monyo, gambe satshavbo sa gu manwa khu dzitsapawu.

Muhevbudzi 2:13

Nyi khodwe gukheni guti gu ngu vbindra wupumbu; kha nga wenengedzo wu palago gidema.

Muhevbudzi 7:19

Wugengeli wu ngu ninga muthu nya guti tshivba nya yingi nya guvbindre likhumi vathangeli nya sikwata nya nyimbi va dhoropani.

Muhevbudzi 9:16

Khu guralo, eni nyi di, kheni: I tshukwana gu mana guti guvbindra tshivba, ambari ulo wugengeli nya gisiwana wu ngamba thedwa kota, ni magana yaye ma ngamba yingiswa.

Muhevbudzi 9:18

Guti gu na ni giphaso guvbindra matshari nya nyimbi, aholu gighohi gimwegyo basi gi ngu kodza gu ghohetela silo nya singi nya sadi.

Isaya 30:2

Va belago ndzilani va hongola tigoni ga Egipito nyamba nyi wudzisa, vaya vbweta guvhikedwa khu tshivba ya Faro, ni gu sihala mutsani ga Egipito!

Isaya 32:2

Moyo ni moyo nya avo va na fanana ni wulanga nya wuthavelo gikhatini nya phuvbo ni gingulu. Va na fanana gambe ni mitsongo mafuni nya gihala, ni mutsa nya giwindri nya gikhongolo tigoni nya lihani.

Isaya 33:6

Siyoni, matshiguni gwago, gu na manega gukhadzisega, guvbanyisa nya gutale, guti ni mapimo; thomba yago, khu gu ninga githawo Pfhumu Nungungulu.

Johane 12:50

Eni nyi ngu dziti gukheni nayo waye guvbanya nya gupindruge. Khu kharato, esi nyi ganelago, nya gu landrisa magana ya Babe wangu.”

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Dhewuteronome 32:47

Kholu, magana yaya, khandri ya nyalidede ni gumbana lisima, aholu khya guvbanya gwanu; khu magana yaya ya mamowo, mu na engedzelani matshigu yanu nya guvbanye ga litigo mu na ya li fumelago na mu tshatugide tsongo wa Joridhani.

Vafilipi 3:8

Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.

Valamuli 9:15

Munga wu di phindrula misimbo khuwo: A gu bani nari lisine gu nyi emisani nyi khala mufumeli wanu, deluni mu thavela vbavbatshi nya mutsa wangu; sa gumba gira kharato, wu na duge nilo khu mungani wu dagaredzisa misimbo yatshavbo ya Libhanoni.