Muhevbudzi 6:3 - Bhibhiliya Nya Guage

³ Gwa gu phasa ginani muthu a gu velega lizana (100) sanana, a vbanya myaga nya gutale, matshigu yaye ma lapha ngudzu, aholu hefemulo waye wu si khuri khu gunengela, a gu hamuga ni muthu nya gu mu dzinge; eni nyi ngu tiya nyi ganela gukheni, gyanana gi velegidwego na gi fude gi kategide guvbindra muthu yoyo.

Muhevbudzi 6:3 Iomraidhean Croise

Genesi 33:5

Khu hwane Esawu a di khusa maho a gu wona vanyamayi ni sanana, a wudzisa, khuye: “Va mani vago ava?” Jakobe a di phindrula, khuye: “Sanana esi Nungungulu a nyi ningidego eni githumi gyago.”

Genesi 47:9

Jakobe a di hakha, khuye: “Tengo nya myaga nya lendro langu, lizana ni magumararu (130) myaga. Gikhati nya myaga nya guvbanye gwangu gi rode gambe gi tade khu gutshaniseka, kha gi ningani ni myaga nya guvbanye ga vababe vangu, matshiguni nya guendre gwawe.”

2 Dzipfhumu 10:1

Akabi a diri ni livbandre na mavili magumi sanana dhoropani ga Samariya; Jewu a di lova malangalila, a ma rumela Samariya ga vathangeli va Jezireyeli, ga madhota ni ga sithumi sa Akabi, khuye:

2 Dzipfhumu 9:35

Va di hongola gasi guya mu dzinga, aholu va diya mana basi girwarwa, migondro ni sandza.

1 Dzikoronika 28:5

Gasi vbakari nya sanana nya singi a nyi ningidego, Uye hathide mwamana wangu Solomoni, gasi gu khala vbagikhalotunu nya wufumu wa Pfhumu Nungungulu, ni gu fumela litigo laye la na Israyeli.

2 Dzikoronika 11:21

Robhowamo a di haladza Mahaka, nyamahegyane wa Abhisalamo, guvbindra vagadzi vaye vatshavbo ni sibhayi; kholu uye a diri ni likhumi na livbandre na vararu (18) vanyamayi, ni livbandre na limwedo magumi (60) sibhayi; va nga mu velegela magumavili na livbandre na siraru (28) sanana nya sikhwathana, ni livbandre na limwedo magumi (60) vanyamahegyane.

Joba 3:11

Khu ginani nyi ngamba dzegela gufa na nyi nga gu duga khu rumbuni, nyi fela mahembeni ga mayi wangu?

Joba 3:16

Khu ginani nyi ngamba fa nyi ngari rumbuni ga mayi, nyi fanana ni sanana si ngamba wona safa nya litigo.

Dzindzimo 58:8

Va na nyivilige kha nga khudzu yi tshiyago heha basi; kha nga gyanana nya mimba nya guhamuge, va nafe nyamba wona wenengedzo nya lidambo.

Mavingu 17:6

Gihugu nya wufumu gya sikhosane, khu vatugulu, ni wudhumo wa sanana khu vavelegi.

Muhevbudzi 4:3

Avo va kategidego ngudzu khu vale va ngamba velegwa, va ngamba wona mithumo yeyi nya guvivbe yi girwago mafuni momu.

Muhevbudzi 6:4

Kholu egi gi dzude mahala mafuni, gambe gi na bwelela gidemani, lina laye li na simama mugidemani;

Jeremiya 22:19

A gufa a na dzingwe kha nga buru; va na mu ndrindrandrindre va mu dzudzuga vbavbandze nya dzinyangwa dza Jerusalema.

Jeremiya 36:30

Khu guralo, Pfhumu Nungungulu a ngu ganela kharati khu kotani ya Jowakimi, mufumeli wa Judha, khuye: Mwalo ni moyo nya gitugulwana gyago a na gu khalago vbagikhalotunu nya wufumu wa Dhavhidhe, sirumbi sawe si na dzudzugwa sivbya khu lihani vbamihanitunu ni gu banga khu girame vbawutshigutunu.

Jeremiya 8:2

ma ta anegwa ma vetwa khu lihani ni ngima ni mabutho yatshavbo ya ndzadzini, a gu esi va na Israyeli va nga si gola ni gu si thumela, iso va nga si landriselago ni gu si vbweta ni gu si khozela. Gima kha si na roledwa ambari gu kembedwa, si na khala kha nga ndzilo vbatshani nya mafu.

Matewu 26:24

Khu lisine Mwamana wa Muthu, a na hongola, kha nga idzo yi ganelago khidzo Milowo, aholu libango khya wule a na gu mu ningelago. Dari tshukwana ga muthu yoyo, na sa velegwa!”