Muhevbudzi 6:2 - Bhibhiliya Nya Guage

² Muthu nya gukari, a ningidwego khu Nungungulu thomba nya gutale, bwelo khavbo a mu ninga guzundzega, a ningidwe satshavbo a nga bani a gu si dilela. Aholu Nungungulu kha gola gukhuye a si hodza ni gu si thumisa, si di ta hodzwa khu nombo, muthu wa mambe mayigo a vbedza satshavbo. Ogu nugo gu dzi pfhadza gu vbisago ngudzu.

Muhevbudzi 6:2 Iomraidhean Croise

1 Dzipfhumu 3:13

Gu diga nya isoso, Eni nyi na gu ninga gambe ni esi u ngamba nyi lomba; dzithomba ni wudhumo, avbo nya gu gima kha na nga manega nya gufanane nago vbakari nya vafumeli, ga matshigu yatshavbo nya guvbanye gwago.

1 Dzikoronika 29:25

Pfhumu Nungungulu a di khusedza ngudzu Solomoni vbakari ga va na Israyeli vatshavbo, a dandrisa wufumu waye guvbindra vafumeli vatshavbo va fumedego Israyeli na si gu fumi uye.

1 Dzikoronika 29:28

Dhavhidhe, fude na gumbide ngudzu, nari ni matshigu nya gutale, dzithomba ni wudhumo, mwanaye Solomoni a di fuma a tshikedza wulanga waye.

2 Dzikoronika 1:11

Khavbo avbo, Nungungulu a di embela Solomoni, khuye: “Kha nga u gu ni maalakanyo yoyo monyoni gwago; kha nga u ngamba lomba dzithomba ni gufuma, wudhumo, ni gu songetela valala vago, ambari guvbanya matshigu nya gulaphe; aholu u lombidego wugengeli ni mapimo, gasi u kodza gu fumela vathu vangu, avo nyi gu emisedego gu khala mufumeli wawe,

Dzindzimo 17:14

Khu mandza yago, Pfhumu Nungungulu, nyi vbanyise vbakari nya vathu nya mafu, avo va hakhide tshatshazelo wawe va nga gu vbanya mafuni momu. Aholu, vale va gu tumbago va khurise khu thomba yago, thomba yi enelago gu khurisa sanana sawe yi bwelo khavbo yi tshalela situgulwana sawe.

Dzindzimo 39:6

Muthu a gimbilago a gu fanana ni mwedzi, dzithomba a wungedzelago gambe kha dziti khu mani a na dzi hodzago.

Dzindzimo 73:7

Maho yawe ma simbide khu mafura; myonyoni gwawe gu tade khu maalakanyo nya guvivbe.

Muhevbudzi 4:4

Nyi wonide gambe esi: Vatshavbo vale va dzi garadzago khu gu vbweta gudugelela mithumoni, va gu girwa khu lidiwo ni liphuvbo nya mapalisana vbakari nya vathu vakwawe, esi niso nya gu si wona na si si phasi gilo, gu dzi pfhadza ni gu tutuma hwane nya phuvbo yi vbindrago.

Muhevbudzi 4:8

Womo muthu a vbanyago enga, nyambana waye, nyambana sanana ni vandruye. Ambari khu kharato kha garali khu gu thuma, maho yaye kha ma kodwi khu gu wona talo nya thomba a gu nayo. Ne kha wudzisi gukhuye: “Gasi nya gu thumela mani, ni gu, nya gu dzi hiyela ginani esi nya gutshambe?” Isoso niso kha si phasi gilo, gu dzi pfhadza mahala.

Muhevbudzi 5:13

Mafuni momu nyi di wona gimbe gigaradzo nya guvbindre pimo, a gu egi: Muthu a vegedzelago thomba yi bwelo khavbo yi mu girela mhango.

Muhevbudzi 5:16

Avbovbo wusiwana nya wukhongolo ngudzu ga muthu a bwelelago nga idzo a dzudego khidzo. Gasi gu dzi garadza gwaye gu mu phaside ginani?

Muhevbudzi 5:18

Nyi wonide gambe gukheni; gwadi gu muthu a hodza, a sela, a tsaka a khalega gwadi khu thumo waye a giridego mafuni momu matshiguni nya guvbanye gwaye a ningidwego khu Nungungulu. Kholu, khiso esi a ningidwego iso.

Muhevbudzi 5:19

Muthu a gu ningwa khu Nungungulu sigiro nya singi, thomba ni tshivba nya gu si hodze, a bonga iso a ningidwego, a tsaka khu handro nya thumo waye, egi giningwa gya Nungungulu.

Isaya 55:2

Khu ginani mu luzisago dzitsapawu dzanu khu sile si gu sindri guhodza, ni lithonga lanu, khu sile si gumba phasa gilo? Tulani dzindzeve mu nyi yingisa, mu na hodza esi nya sadi, mupwa gutshamba khu guhodza nya gunone.

Gililo 5:2

Thomba yathu yomo mandzani ga va nya mayigo, dzinyumba dzathu dzi ningedwe vavbindri nya ndzila.

Dhaniyeli 5:18

Uwe mufumeli, Nungungulu a Khusegidego ngudzu, a di ninga babe wago Nabhukodhonosori, mufumo, wugulu, wudhumo nya gusamadzise.

Hoseya 7:9

Tshivba yaye ya gu midzwa khu va nya mayigo, aholu uye kha dzipwi gilo. Hungoni gwaye gu tade khu dzinvi, aholu uye kha si woni.

Dhewuteronome 28:33

Mihandro ya mahangeni gwago, ni thumo wa mandzani gwago, si na hodzwa khu vathu u gumba vati; uwe u na tshaniswa ni gu tshonigiswa matshigu yatshavbo;

Dhewuteronome 28:43

Muluveli a vbanyago vbakari gwago a na khusedzwa ngudzu, gasi uwe u na vbwasamiswa.

Valamuli 18:10

Avbo mu na guya vbohago, mu naya wona nya gukhenu, vathu va si thavigo gilo. Litigo lakone likhongolo ngudzu li anamide; gambe Nungungulu a li ningede mandzani gwanu, wulanga wu si hamugegigo gilo nya satshavbo si guromo tigoni!”