Muhevbudzi 6:12 - Bhibhiliya Nya Guage

¹² Gasi khu mani atigo iso si tsakisago muthu guvbanyani gwaye, matshiguni nya guvbanye gwaye nyamba phasa gilo, ayo ma vbindrago nga mwedzi? Mwendro khu mani a na gu embelago iso si na gu dugelela muthu hwane nya guvbanye gwaye mafuni momu.

Muhevbudzi 6:12 Iomraidhean Croise

1 Dzikoronika 29:15

Kholu ethu mbeli gwago hi valuveli ni vaendri, kha nga vanyehe vathu vatshavbo; matshigu yathu momo kha nga mwedzi mafuni momu, hi mwalo gimbe gitumbo.

Joba 14:2

A gu rumbuga gu fanana ni genge, bwelo khavbo a wu na, a mwalalega gu fanana ni mwedzi, a si wonegi gambe;

Joba 14:21

Gani si ngu zundzwa sanana saye, uye kha dziti; ambari sa gu tshaniswa, uye kha si woni.

Joba 8:9

kholu ethu hi velegidwego matshigu yaya, kha hi pimi gilo. Kholu guvbanya gwathu gwa mafuni momu, gwa gu fanana ni mutsa wu vbindrago.

Dzindzimo 102:11

Matshigu yangu ma gu mwalalega gu fanana ni mutsa nya silambo, ma gu wu na ma banga gu fanana ni mwasi.

Dzindzimo 109:23

Nya guya na nyi gu vbela gukhwatshi mwedzi gupfolani nya lidambo; phuvbo ya gu nyi pengisa gukhwatshi nyi khaba.

Dzindzimo 144:4

Muthu a gu fanana ni phuvbo yi furugedzago, matshigu yaye nya guvbanye ma gu vbindra kha nga mutsa.

Dzindzimo 16:5

Pfhumu Nungungulu, uwe u thomba ni gikombe gyangu, khuwe u pharidego guvbanya gwangu.

Dzindzimo 17:15

Gasi eni, khu lisine, nyi na wona khovbe yago; gikhati nyi wugago nyi na khura khu gu wona giyemo gyago.

Dzindzimo 4:6

Nya vangi vari, khavo: “Khu mani a na hi nonedzago gutsaka?” Pfhumu Nungungulu, hi wenengedze khu gungangamela nya khovbe yago.

Dzindzimo 47:4

A ngu hi hathela thomba yathu, wuzundzo wa Jakobe, gigodwa gyaye.

Dzindzimo 89:47

Dundruga gukhuwe womi wangu wu rode, muthu u mu wumbidego kha vbanyi matshigu nya gulaphe.

Muhevbudzi 10:14

Gipumbu gya gu laphisa magana; gambe muthu a ngu hangwa khiso si tago khu mbeli; gasi khu mani a na gu mu embela iso si na gu mu dugelelago hwane gwaye?

Muhevbudzi 12:13

Litshina nya guete nya satshavbo u si pwidego kheli: Thava Nungungulu u sayisa milayo yaye, kholu eyi khiyo fanelo nya muthu watshavbo.

Muhevbudzi 2:24

Gimwalo gi gu gyadi ga muthu guvbindra guhodza, gusela, gutsaka ni gukhalega khu handro nya thumo waye. Aholu esi niso nyi si wone gukheni sa guta khu mandzani ga Nungungulu.

Muhevbudzi 2:3

Nyi di pimisa khu monyoni gwangu gu dzi tsakisa khu gu sela wadwa nya vbinyu, mapimo yangu na ma nga gu thumisa guti, eni nyi di dzi gira gipumbu na nyi zama gu dzi pengisa kala nyi wona sanana sa vathu esi si va tshambelago gu si gira omu mafuni khu matshigu madugwana nya guvbanye gwawe.

Muhevbudzi 3:22

Khu guralo, nyi wonide gukheni gu mwalo gunengela nya gukhongolo ga muthu guvbindra gu uye a dzi tsakela khu mithumo yaye, owu khuwo tshatshazelo waye. Kholu khu mani a na gu mu wuyisago gasi guta wona iso si na gu dugelelago khu hwane?”

Muhevbudzi 6:11

Avbo gu guromo guganedzisana, gomo gambe gu dzi pfhadza, gasi muthu a gu phasega khu ginani khu isoso?

Muhevbudzi 7:15

Ga matshigu nyamba nyawula nya guvbanye gwangu, nyi di wona esi: Muthu nya gululame a di vbiredzela gufa ni gululama gwaye, aholu muthu nya guvivbedwe khu monyo, a di vbanya matshigu nya gutale ni monyo waye nya guvivbe.

Muhevbudzi 8:13

Gasi gighohi gima kha gi na katega, ambari gu mana matshigu nya gulaphe; gi na mwalalega nga mwedzi, kholu kha gya thava Nungungulu.

Muhevbudzi 8:7

Kholu uye kha giti ginani gi na mu dugelelago. Ni guti gukhuye khu mani a na gu mu tivisago edzi silo si na mu dugelelago khidzo.

Muhevbudzi 9:6

Lihaladzo, livengo ni lidiwo lawe, satshavbo si fuvide. Kha va nga gu sayedwa gambe gilo khu iso si girwago mafuni momu.

Muhevbudzi 9:9

Vbanya khu gutsaka ni mwangadzi wago u mu haladzago, matshigu yatshavbo nya gurole u ningidwego khu Nungungulu mafuni momu.

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Jakobe 4:14

Enu kha mu dziti gukhenu mu na wuga kharini mindru! Kholu womi wu khade kha nga hunguva yi dugago khu guvbiredza, yi vbindra nyamba hwela.