Muhevbudzi 6:10 - Bhibhiliya Nya Guage

¹⁰ Satshavbo si dugelelago si diri ni malina khu gale; hi ngu dziti gukhethu muthu ginani ni gukhethu muthu nya nyalidade kha dzi kodzi gu ganedzisana ni wule a gu na ni tshivba guvbindra uye.

Muhevbudzi 6:10 Iomraidhean Croise

Genesi 3:9

Aholu, Pfhumu Nungungulu a di rana muthu a mu wudzisa, khuye: “U womo hayi?”

Joba 33:13

Khu ginani u dilelago avbo gwaye khuwe: Kha theli kota khu gu ninga phindrulo sigiro sago?

Joba 40:2

“Ina uye a dwanago ni mune nya Tshivba Yatshavbo a ngu kodza gu mu hevbudza, gani? Wule a ningago nandru Nungungulu a na mu ninge phindrulo!

Joba 9:32

Kholu Uye khandri muthu kha nga eni, nya guketsarane naye phathani, nyi ya lamudwa naye.

Dzindzimo 103:15

Matshigu nya guvbanye nya muthu ma gu fanana ni mwasi; wa gu dandra, wu rumbuga nga senge sa khabini.

Dzindzimo 39:6

Muthu a gimbilago a gu fanana ni mwedzi, dzithomba a wungedzelago gambe kha dziti khu mani a na dzi hodzago.

Mavingu 21:30

Mwalo muthu a gengedego ni mapimo ambari wusingalagadzi, a vbindrago Pfhumu Nungungulu.

Muhevbudzi 3:15

Sile si nga bani si romo khu gale niso si guromo olu, niso si na giregago, si manegide khu gale; Nungungulu a gu wuyisa nyaluphye iso si nga bani si vbindride.

Muhevbudzi 6:11

Avbo gu guromo guganedzisana, gomo gambe gu dzi pfhadza, gasi muthu a gu phasega khu ginani khu isoso?

Jeremiya 49:19

Wonani nya gukhenu nyi nata kha nga nghala, yi dugago khu sipoponi sa Joridhani yi relela panini nya mahawo nya gunyuge; kholu, khu githugedza nyi na mu phalalegisa tigoni gwaye; khu wevbini uye nyi mu hathidego, nyi mu emisidego ga isoso? Khu mani a fananago ni Eni? Khu mani a na gu nyi wudzisago? Khu mani muhavisi a na tiyelago gu dwana ni Eni?

1 Vakorinto 10:22

Mwendro ha gu vbweta gukhethu Pfhumu a goroga? Mwa gu alakanya gukhenu hi na ni tshivba guvbindra uye, gani?