Muhevbudzi 5:5 - Bhibhiliya Nya Guage

⁵ I tshukwana gumba dzi girela gifungo, guvbindra gu gira gifungo u si gi landrisi.

Muhevbudzi 5:5 Iomraidhean Croise

Mavingu 20:25

Libango ga muthu a gu tutumela gu ganela, khuye: “Nyi dzi agisede Pfhumu Nungungulu!” Nasi siti ginani gi na guta mu dugelela khu hwane nya gu bani na giride gifungo.

Levhi 5:4

Mwendro muthu a gu ganela nyamba phela khu gu pimisa a sambanya gu gira gilo, gani gilo nya guvivbe, gani gilo nya gyadi, mwendro ni gevbini gilo muthu a ganelago mahala a sambanya nyamba dziti, gikhati a dzitigo, a na bani nari ni nandru.

Jona 2:9

Aholu, eni khu ndzimo yangu nya gubonge, nyi na gu girela miphaso; gisambanyo gyangu nyi na gi landrisa; guvbanyisa gwa guta khu ga Pfhumu Nungungulu.”

Malakiya 2:7

Kholu likana la muphasi nya mhamba, li fanede gu sayisa guti, gambe vathu va lirede gupwa nayo khu kanani gwaye, kholu uye ngilozi ya Pfhumu Nungungulu nya Tshivba Yatshavbo.

Mithumo 5:4

U si gu rengisi, ina gi di si gu lumbi, gani? Ahati olu u gi rengisidego khu gudzina gwago, khu ginani u nga diga gu khala ni dzitsapawu dzakone, u dzi thumisa guhaladza gwago? Khu ginani u hungidego makungo yoyo monyoni gwago? Khwa liphela vathu, u di liphela Nungungulu.”

Dhewuteronome 23:21

Wa gu gira gisambanyo nya gukari ga Pfhumu Nungungulu wago, u nga hweli gu gi tadzisa; kholu khu lisine Pfhumu Nungungulu wago, kha na hwela gu gu hengula, gambe gwago gu na manega gighoho.

Dhewuteronome 23:22

Aholu, wa gu thava gu gira gisambanyo, u na bani uri mwalo nandru,

Valamuli 11:35

Gikhati a mu wonego, a di pferula dzingandzu dzaye a ganela, khuye: “Yo! Mwanangu, nyi ngupwa wuvi nya wukhongolo khu kotani gwago, kholu nyi giride gisambanyo ga Pfhumu Nungungulu nyi si yeligo gumba gi landrisa.”